{1 abhyudayanaiḥśreyasopāya}

<53>

[53,2]

abhyudayanaiḥśreyasanirdeśo nāma prathamaḥ

<54>

[54,1]

(1b1)oṃ namo ratnatrayāya ||

[1.1ab]	sarvadoṣavinirmuktaṃ guṇaiḥ sarvair alaṃkṛtam |
[1.1cd]	praṇamya sarvajñam ahaṃ sarvasattvaikabāndhavam ||
[1.2ab]	dharmam ekāntakalyāṇaṃ rājan dharmodayā(1b2)ya te |
[1.2cd]	vakṣyāmi dharmaḥ siddhiṃ hi yāti saddharmabhājane ||
[1.3ab]	prāg dharmābhyudayo yatra paścān naiḥśreyasodayaḥ |
[1.3cd]	saṃprāpyābhyudayaṃ yasmād eti naiḥśre(1b3)yasaṃ kramāt ||
<55>
[1.4ab]	sukham abhyudayas tatra mokṣo naiḥśreyaso mataḥ |
[1.4cd]	asya sādhanasaṃkṣepaḥ śraddhāprajñe samāsataḥ ||
[1.5ab]	śrāddhatvād bhajate dharmaṃ prājña(1b4)tvād vetti tattvataḥ |
[1.5cd]	prajñā pradhānaṃ tv anayoḥ śraddhā pūrvaṅgamāsya tu ||
<56>
[1.6ab]	chandād dveṣād bhayān mohād yo dharmaṃ nātivartate |
[1.6cd]	sa śrāddha iti vijñeyaḥ śreya(1b5)so bhājanaṃ param ||
[1.7ab]	kāyavāṅmānasaṃ karma sarvaṃ samyak parīkṣya yaḥ |
[1.7cd]	parātmahitam ājñāya sadā kuryāt sa paṇḍitaḥ ||
[1.8ab]	ahiṃsā cauryaviratiḥ paradāra(2a1)vivarjanam |
[1.8cd]	mithyāpaiśunyapāruṣyābaddhavādeṣu saṃyamaḥ ||
<57>
[1.9ab]	lobhavyāpādanāstikyadṛṣṭeś ca parivartanam |
[1.9cd]	ete karmapathāḥ śuklā daśa kṛṣṇā viparyayāt ||
[1.10ab]	ama(2a2)dyapānaṃ svājīvo 'vihiṃsā dānam ādarāt |
[1.10cd]	pūjyapūjā ca maitrī ca dharma eṣa samāsataḥ ||
<58>
[1.11ab]	śarīratāpanād dharmaḥ kevalān nāsti yat tataḥ |
[1.11cd]	na para(2a3)drohaviratir na pareṣām anugrahaḥ ||
[1.12ab]	dānaśīlakṣamāspaṣṭaṃ yaḥ saddharmamahāpatham |
[1.12cd]	anādṛtya vrajet kāyakleśagodaṇḍakotpathaiḥ ||
[1.13ab]	sa saṃsārā(2a4)ṭavīṃ ghorām anantajanapādapāṃ |
[1.13cd]	kleśavyālāvalīḍhāṅgaḥ sudīrghaṃ pratipadyate ||
<59>
[1.14ab]	hiṃsayā jāyate 'lpāyur bahvābādho vihiṃsayā |
[1.14cd]	cau(2a5)ryeṇa bhogavyasanī saśatruḥ pāradārikaḥ ||
[1.15ab]	abhyākhyānaṃ mṛṣāvādāt paiśunyān mitrabhedanam |
[1.15cd]	apriyaśravaṇaṃ raukṣyād abaddhād durbhagaṃ vacaḥ ||
<60>
[1.16ab]	manorathā(2b1)n hanty abhidhyā vyāpādo bhayadaḥ smṛtaḥ |
[1.16cd]	mithyādṛṣṭeḥ kudṛṣṭitvaṃ madyapānān matibhramaḥ ||
[1.17ab]	apradānena dāridryaṃ mithyājīvena vañcanā |
[1.17cd]	stambhena duḥkulīnatva(2b2)m alpau{sa}jaskatvam īrṣyayā ||
[1.18ab]	krodhād durvarṇatā maurkhyam apraśnena vipaścitām |
[1.18cd]	phalam e‹ta›n manuṣyatve sarvebhyaḥ prāk ca durgatiḥ ||
<61>
[1.19ab]	eṣāṃ akuśalā(2b3)khyānāṃ vipāko yaḥ prakīrtitaḥ |
[1.19cd]	kuśalānāñ ca sarveṣāṃ viparītaḥ phalodayaḥ ||
[1.20ab]	lobho dveṣaś ca mohaś ca tajjaṃ karmeti cāśubham |
[1.20cd]	alobhā(2b4)dveṣāmohāś ca tajjaṃ karma ca tac chubham ||
<62>
[1.21ab]	aśubhāt sarvaduḥkhāni sarvā durgatayas tathā |
[1.21cd]	śubhāt{a} sugatayaḥ sarvāḥ sarvaja‹n›masukhāni ca ||
[1.22ab]	ni(2b5)vṛttir aśubhāt{a} kṛtsnāt {a}pravṛttis tu śubhe sadā |
[1.22cd]	kāyena manasā vācā dharmo 'yaṃ dvividhaḥ smṛtaḥ ||
[1.23ab]	narakapretatiryagbhyo dharmād asmād vimucyate |
<63>
[1.23cd]	nṛṣu de(3a1)veṣu cāpnoti sukhaśrīrājyavistarān ||
[1.24ab]	dhyānāpramāṇārūpyais tu brāhmādyaṃ sukham aśnute |
[1.24cd]	ity abhyudayadharmo 'yaṃ phalaṃ cāsya samāsataḥ ||
[1.25ab]	naiḥśreyasaḥ puna‹r› dharmaḥ (3a2)sūkṣmo gambhīrada‹r›śanaḥ |
[1.25cd]	bālānām aśrutavatām uktaḥ trāsakaro jinaiḥ ||
<64>
[1.26ab]	nāsmy ahaṃ na bhaviṣyāmi na me 'sti na bhaviṣyati |
[1.26cd]	iti bālasya saṃtrā(3a3)saḥ paṇḍitasya bhayakṣayaḥ ||
[1.27ab]	ahaṃkāraprasū{ya}teyaṃ mamakāropasa‹ṃ›hitā |
[1.27cd]	prajā prajāhitaikāntavādinābhihitākhilā ||
<65>
[1.28ab]	asty ahaṃ mama cāstī(3a4)ti mithyaitat{a} paramā‹r›thataḥ |
[1.28cd]	yathābhūtaparijñānān na bhavaty ubhayaṃ tataḥ ||
[1.29ab]	ahaṃkārodbhavāḥ skandhāḥ so 'haṃkāro 'nṛto ‹'r›thataḥ |
[1.29cd]	bījaṃ ya(3a5)syānṛtaṃ tasya prarohaḥ satyataḥ kutaḥ ||
[1.30ab]	skandhān asatyān dṛṣṭvaivam ahaṃkāraḥ prahīyate |
[1.30cd]	ahaṃkāraprahāṇāc ca na punaḥ skandhasaṃbhavaḥ ||
<66>
[1.31ab]	yathāda(3b1)rśam upādāya svamukhaprati{mvi}bimbakam |
[1.31cd]	dṛśyate nāma tac caivam na kiṃcid api tattvataḥ ||
[1.32ab]	ahaṃkāras tathā skandhān upādāyopalabhyate |
[1.32cd]	na ca kaścit sa tattvena sva(3b2)mukhapratibimbavat{a} ||
<67>
[1.33ab]	yathādarśam anādāya svamukhapratibimbakam |
[1.33cd]	na dṛśyate tathā skandhān anādāyāham ity api ||
[1.34ab]	evaṃvi{mba}dhārthaśravaṇād dharma(3b3)cakṣur avāptavān |
[1.34cd]	āryānandaḥ svayaṃ caiva bhikṣubhyo 'bhīkṣṇa{ṃ}m uktavān ||
[1.35ab]	skandhagrāho yāvad asmāt tāvad evāham ity api |
[1.35cd]	ahaṃkāre sati puna(3b4)ḥ karma janma ta{ḥ}taḥ punaḥ ||
<68>
[1.36ab]	trivartmaitad anādyantamadhyaṃ saṃsāramaṇḍalam |
[1.36cd]	{t}ālātamaṇḍalaprakhyaṃ bhramaty anyonyahetukam ||
[1.37ab]	svaparobhayatas ta(3b5)sya traikālye cāpy alabdhitaḥ |
[1.37cd]	ahaṃkāraḥ kṣayaṃ yāti tataḥ karma ca janma ca ||
<69>
[1.38ab]	evaṃ hetuphalotpādaṃ paśya‹ṃ›s tatkṣayam eva ca |
[1.38cd]	nāstitām astitāṃ caiva nai(4a1)ti lokasya tattvataḥ ||
[1.39ab]	sarvaduḥkhakṣayaṃ dharma‹ṃ› śrutvaivam aparīkṣakaḥ |
[1.39cd]	saṃtrasyaty aparijñānād abhayasthānakātaraḥ ||
<70>
[1.40ab]	na bhaviṣyati nirvāṇe sarvam etan na (4a2)te bhayam |
[1.40cd]	ucyamāna ihābhāvas tasya te kiṃ bhayaṃkaraḥ ||
[1.41ab]	mokṣe nātmā na ca skandhā mokṣaś ced īdṛśaḥ priyaḥ |
[1.41cd]	ātmaskandhāpanayanaṃ kim ihaiva na te pri(4a3)yam ||
[1.42ab]	na cābhāvo (')pi nirvāṇaṃ kuta evāsya bhāvatā{ṃ} |
<71>
[1.42cd]	bhāvābhāvaparāmarśakṣayo nirvāṇa{ṃ}m ucyate ||
[1.43ab]	samāsān nāstitādṛṣṭiḥ phalaṃ nāstīti karmaṇā(4a4)m |
[1.43cd]	apuṇyāpāyikī caiṣā mithyādṛṣṭir iti smṛtā ||
[1.44ab]	samāsād astitādṛṣ≤t≥«ṭ»iḥ phalaṃ cāstīti karmaṇām |
[1.44cd]	puṇyā sugatiniṣyandā samyagdṛ(4a5)ṣṭir iti smṛtā ||
<72>
[1.45ab]	jñānān nāstyastitāśānteḥ pāpapuṇyavyatikramaḥ |
[1.45cd]	durgate‹ḥ› sugateś cāsmāt sa mokṣaḥ sadbhir ucyate ||
[1.46ab]	sahetum udayaṃ paśyan nāstitā(4b1)m ativartate |
[1.46cd]	astitām api nopaiti nirodhaṃ saha hetunā ||
[1.47ab]	prāgjātaḥ sahajātaś ca hetur āhetuko '‹r›thataḥ |
[1.47cd]	prajñapter apratī‹ta›tvād utpatteś caiva tattvataḥ ||
<73>
[1.48ab]	asmin satī(4b2)daṃ bhavati dīrghe hrasvaṃ yathā sati |
[1.48cd]	asyotpādād udetīdaṃ dīpotpādād yathā prabhā ||
[1.49ab]	hrasve 'sati punar dīrghaṃ na bhavaty asvabhāvataḥ |
[1.49cd]	pradīpa(4b3)syāpy anutpādāt prabhāyā apy asaṃbhavaḥ ||
<74>
[1.50ab]	evaṃ hetuphalotpādaṃ dṛṣṭvā nopaiti nāstitām |
[1.50cd]	abhyupetyāsya lokasya yāthābhūtyaṃ prapañcaja(4b4)m ||
[1.51ab]	nirodhañ cāprapañcotthaṃ yāthābhūtyād upāgatam |
[1.51cd]	nopayāty astitāṃ tasmān mucyate 'dvayaniśritaḥ ||
[1.52ab]	dūrād ālokitaṃ rūpam āsannair(4b5)dṛśyate sphuṭam |
<75>
[1.52cd]	marīcir yadi vāri syād āsannaiḥ kiṃ na dṛśyate ||
[1.53ab]	dūrībhūtair yathābhūto loko 'ya‹ṃ› dṛśyate tathā |
[1.53cd]	na dṛśyate tadāsannair animitto ma(5a1)rīcivat ||
[1.54ab]	marīcis toyasadṛśī yathā nāmbho na cā‹r›thataḥ |
[1.54cd]	skandhā‹s› tathātmasadṛśā nātmāno nāpi te 'rtha{va}taḥ ||
<76>
[1.55ab]	marīciṃ toyam ity etad iti matvā gato 'tra(5a2)san |
[1.55cd]	yadi nāstīti tat toyaṃ gṛhṇīyān mūḍha eva saḥ ||
[1.56ab]	marīcipratimaṃ lokam evam astīti gṛhṇataḥ |
[1.56cd]	nāstīti cāpi moho 'yaṃ sati mohe na mu(5a3)cyate ||
<77>
[1.57ab]	nāstiko durgatiṃ yāti sugatiṃ yāti cāstikaḥ |
[1.57cd]	yathābhūtaparijñānān mokṣam advayaniśritaḥ ||
[1.58ab]	anicchan nāstitāstitve yathābhūtapa(5a4)rijñayā |
[1.58cd]	nāstitāṃ labhate mohāt{a} kasmān na labhate 'stitām ||
<78>
[1.59ab]	syād astidūṣaṇād asya nāstitākṣipyate 'rthataḥ |
[1.59cd]	nāstitādūṣanā(5a5)d evaṃ kasmān nākṣipyate 'stitā ||
[1.60ab]	na pratijñā na caritaṃ na cittaṃ bodhiniśrayāt |
[1.60cd]	nāstikatve '‹r›thato yeṣāṃ kathaṃ te nāstikāḥ smṛṭāḥ ||
[1.61ab]	sasāṃkhyau(5b1)lūkyanirgranthapudgalaskandhavādinam |
[1.61cd]	pṛccha lokaṃ yadi vadaty astināstivyatikramaṃ ||
<79>
[1.62ab]	dharmayautakam ity asmān nāstyastitvavyatikramam |
[1.62cd]	viddhi gambhīra(5b2)m ity uktaṃ buddhānāṃ śāsanāmṛtam ||
[1.63ab]	vibhavaṃ naiti nāyāti na tiṣṭhaty api ca kṣaṇam |
[1.63cd]	traikālyavyativṛttātmā loka evaṃ kuto '‹r›thataḥ ||
<80>
[1.64ab]	dva(5b3)yor apy āgatigatī yat sthitiś ca na tattvataḥ |
[1.64cd]	lokanirvāṇayos tasmād viśeṣaḥ ka ivārthataḥ ||
[1.65ab]	sthiter abhāvād udayo nirodhaś ca na (5b4)tattvataḥ |
[1.65cd]	uditaś ca sthita‹ś› ceti niruddhaś ca kuto 'rthataḥ ||
<81>
[1.66ab]	katham aksaṇiko bhāvaḥ pariṇāmaḥ sadā yadi |
[1.66cd]	nāsti cet pariṇāma‹ḥ› (5b5)syād anyathātvaṃ kuto 'rthataḥ ||
[1.67ab]	ekadeśe kṣayād vā syāt kṣaṇikaṃ sarvaśo 'pi vā |
[1.67cd]	vaiṣamyānupalabdheś ca dvidhāpy etad ayuktimat ||
<82>
[1.68ab]	kṣaṇike sarva(6a1)thābhāvāt kutaḥ kācit purāṇatā |
[1.68cd]	sthairyād akṣaṇike cāpi kutaḥ kācit{a} purāṇatā ||
[1.69ab]	yathānto 'sti kṣaṇasyaivam ādimadhyaṃ ca kalpyatām |
[1.69cd]	tryātmakatvāt kṣaṇa(6a2)syaivaṃ na lokasya kṣaṇaṃ sthitiḥ ||
[1.70ab]	ādimadhyāvasānāni cintyāni kṣaṇavat punaḥ |
<83>
[1.70cd]	ādimadhyāvasānatvaṃ na svataḥ parato 'pi vā ||
[1.71ab]	naiko 'nekaprade(6a3)śatvān nāpradeśaś ca kaścana |
[1.71cd]	vinaikam api nā‹ne›ko nāstitvam api cāstitām ||
[1.72ab]	vināśāt pratipakṣād vā syād astitvasya nāstitā |
[1.72cd]	vināśa(6a4)ḥ pratipakṣo vā katha‹ṃ› syād astyasaṃbhavāt ||
<84>
[1.73ab]	nirvṛtes tena lokasya nopaity ūnatvam arthataḥ |
[1.73cd]	antavān iti lokaś ca pṛṣṭas tūṣṇīṃ jino 'bhavat ||
[1.74ab]	(6a5)sarvajña iti sarvajño budhai‹s› tenaiva gamyate |
[1.74cd]	yenaitad dharmagāmbhīryaṃ novācābhājane jane ||
<85>
[1.75ab]	iti naiḥśreyaso dharmo gambhīro niṣparigrahaḥ |
[1.75cd]	(6b1)anālaya iti proktaḥ saṃbuddhais tattvadarśibhiḥ ||
[1.76ab]	asmād anālayād dharmād ālayābhiratā janāḥ |
[1.76cd]	astināstyavyatikrāntā bhītā naśyanty amedha(6b2)saḥ ||
<86>
[1.77ab]	te naṣṭā nā‹śa›yanty anyān abhayasthānabhīravaḥ |
[1.77cd]	tathā kuru yathā rājaṃs tai‹r› naṣṭair nopanāśyase ||
[1.78ab]	tasya te 'vipraṇāśāya rāja‹ṃl› lokotta(6b3)raṃ nayaṃ |
[1.78cd]	yathābhūtāgamavaśād vakṣyāmy advayaniśritam ||
[1.79ab]	pāpapuṇyakriyātītam gambhīraṃ vivṛtārthavat |
[1.79cd]	anyatīrthair anālīḍhaṃ svaiś cāni‹śra›ya(6b4)bhīrubhiḥ ||
<87>
[1.80ab]	na bhūmiḥ puruśo nāpo na tejo nānilo na kham |
[1.80cd]	na vijñānaṃ na sarvāṇi tebhyo 'nyaḥ ko (')sty ataḥ pumān ||
[1.81ab]	ṣaḍdhātuḥ puru(6b5)ṣo yadvat saṃghātatvān na tattvataḥ |
[1.81cd]	dhātur apy evam ekaikaḥ saṃghātatvān na tattvataḥ ||
<88>
[1.82ab]	nātmā skandhā na te tasmin na sa teṣu na tair vinā |
[1.82cd]	nāpy a(7a1)gnīndhanavan miśraḥ skandhair astīty ataḥ katham ||
[1.83ab]	bhūr na bhūtatrayaṃ nāsyāṃ neyaṃ tatra na tair vinā |
[1.83cd]	ekaikam evam ity asmād bhūtāny apy ātmavan mṛṣā ||
[1.84ab]	pṛthivyagnyambuvāyūnā(7a2)m ekaikaṃ na svabhāvataḥ |
[1.84cd]	ekaikaṃ yad vinā nāsti tribhir ekena ca trayam ||
<89>
[1.85ab]	ekaikaṃ yad vinā nāsti tribhir ekena ca trayaṃ |
[1.85cd]	pratisvam asatām eṣāṃ saṃghāto (7a3)jāyate kathaṃ ||
[1.86ab]	atha pratisvaṃ vidyante kiṃ nāsty agnir vinendhanam |
[1.86cd]	calapratighasaṃghātais toyavāyubhuvas tathā ||
<90>
[1.87ab]	atha agnir apratisvo (')yaṃ pratisvaṃ ta(7a4)t kathaṃ trayam |
[1.87cd]	pratītyotpādavaidharmya‹s› trayāṇāṃ tu na yujyate ||
[1.88ab]	pratisvaṃ vidyamānānāṃ kiṃ sattaiṣāṃ parasparāt |
[1.88cd]	pratisvam asatāṃ caiṣāṃ kathaṃ sat‹t›ā (7a5)parasparāt ||
[1.89ab]	yatraika‹ṃ› tatra śiṣṭāni pratisvaṃ santi naiva cet |
[1.89cd]	naikasthatvam amiśrāṇāṃ miśrāṇāṃ na pratisvatā ||
<91>
[1.90ab]	bhūtānām apratisvānāṃ pratisvaṃ lakṣaṇaṃ (7b1)kutaḥ |
[1.90cd]	nāneko (')py apratisvānāṃ saṃvṛtyoktaṃ tu lakṣaṇam ||
[1.91ab]	varṇagandharasasparśā ye teṣām apy ayaṃ naya{ṃ}ḥ |
[1.91cd]	cakṣurvijñānarūpāṇām avidyākarmajanmanām ||
<92>
[1.92ab]	kartṛka(7b2)rmakriyāsaṃkhyāyogahetuphalādhvanām |
[1.92cd]	hrasvadīrghādisaṃjñānāṃ sa‹ṃ›jñāsa‹ṃ›jñitayos tathā ||
[1.93ab]	pṛthivītoyavāyvagnisthūlahrasvāṇudīrghatā |
[1.93cd]	śubhādyaṃ caiva vi(7b3)jñāne muninoktaṃ nirudhyate ||
[1.94ab]	anida‹r›śanaṃ ca vijñānam a‹na›ntaṃ{ḥ} sarvataḥ prabhuḥ |
[1.94cd]	atrāpaḥ pṛthivī caiva tejo vāyur na gāhate ||
<93>
[1.95ab]	atra hrasvaṃ ca dīrghaṃ cā(7b4)ṇusthūlaṃ śubhāśubham |
[1.95cd]	atra nāma ca rūpaṃ ca niḥśeṣam avarudhyate ||
[1.96ab]	etat sarvaṃ yad ajñānād vijñāne pūrvam utthitam |
[1.96cd]	vijñāna eva tad jñānād evaṃ pa(7b5)ścān nirudhyate ||
[1.97ab]	vijñānāgner jagaddharmāḥ sarva evendhana‹ṃ› matāḥ |
[1.97cd]	tān yathāvat pravicayajvālai‹r› dagdh‹v›opaśāmyate ||
<94>
[1.98ab]	ajñānakalpitaṃ pūrvaṃ paścāt tattvārthaniścaye |
[1.98cd]	ya(8a1)dā na labhate bhāvam evābhāvaṃ tadā kutaḥ ||
[1.99ab]	rūpasyābhāvamātratvād ākāśaṃ nāmamātrakam |
[1.99cd]	bhūtair vinā kuto rūpaṃ nāmamātratvam apy asat ||
<95>
[1.100ab]	saṃskāravedanāsaṃjñāvi(8a2)jñānāny api bhūtavat |
[1.100cd]	cintyāny ātmavad ity asmād dhātuṣaṭkam anātmakam ||

[95,11]

|| abhyudayanaiḥśreyasopāyo nāma prathamo nirdeśaḥ ||

{2 miśraka}

<96>

[96,2]

miśrako nāma dvitīyaḥ

<97>
[2.1ab]	kadalī pāṭitā (8a3)yadvan niḥśeṣāvayavaiḥ saha |
[2.1cd]	na kiṃcit puruṣas tadvat pāṭitaḥ saha dhātubhiḥ ||
[2.2ab]	sarvadharmā anātmāna ity asmād bhāṣitaṃ jinaiḥ |
[2.2cd]	dhātuṣaṭkaṃ (8a4)ca taiḥ sarvaṃ nirṇītaṃ tac ca nārthataḥ ||
[2.3ab]	naivam ātmā na cānātmā yāthābhūtena labhyate |
[2.3cd]	ātmānātmakṛte dṛṣṭī vavārāsmān mahāmuniḥ ||
<98>
[2.4ab]	dṛṣṭaśrutādyaṃ mu(8a5)ninā na satyaṃ ‹na› mṛṣoditam |
[2.4cd]	pakṣād dhi pratipakṣaḥ syād ubhayaṃ tac ca nārthataḥ ||
[2.5ab]	iti satyānṛtātīto loko 'yaṃ paramārthataḥ |
[2.5cd]	asmād eva ca tattvena nopaity (8b1)asti ca nāsti ca ||
<99>
[2.6ab]	yac caivaṃ sarvathā neti sarvajñas tat kathaṃ vadet |
[2.6cd]	sāntam ity athavānantaṃ dvayaṃ vādvayam eva vā ||
[2.7ab]	asaṃkhyeyā gatā buddhā‹s› tathai{tha}ṣyanty atha sāṃpratāḥ |
[2.7cd]	(8b2)koṭyagraśaś ca sattvāntas tebhyas traikālyajo mataḥ ||
<100>
[2.8ab]	vṛddhihetu‹r› na lokasya kṣayas traikālyasambhavaḥ |
[2.8cd]	sarvajñena kathaṃ tasya pūrvānto 'vyākṛtaḥ kṛ(8b3)taḥ ||
[2.9ab]	etat tad dharmagāmbhīryaṃ yat ‹ta›d guhyaṃ pṛthagjane |
[2.9cd]	māyopamatvaṃ lokasya buddhānāṃ śāsanāmṛtam ||
[2.10ab]	māyāgajasya dṛśyeta yathā janmānta eva ca |
[2.10cd]	na ca kaścit sa tattvena janmāntaś caiva vidyate ||
<101>
[2.11ab]	māyopamasya lokasya tathā janmānta eva ca |
[2.11cd]	dṛśyate paramārthena na ca janmānta eva ca ||
[2.12ab]	yathā mā(8b4)yāgajo naiti kutaścid yāti na kvacit |
[2.12cd]	cittamohanamātratvād bhāvatvena na tiṣṭhati ||
[2.13ab]	tathā māyopamo loko naiti yāti na kutracit |
[2.13cd]	citta(8b5)mohanamātratvād bhāvatvena na tiṣṭhati ||
<102>
[2.14ab]	traikālyavyativṛttātmā loka evaṃ nu ko 'rthataḥ |
[2.14cd]	yo 'sti nāsty athavāpi syād anyatra vyavahārataḥ ||
[2.15ab]	catuṣprakāra(9a1)m ity asmāt sānto 'nanto dvayo 'dvayaḥ |
[2.15cd]	buddhena heto‹r› nānyasmād ayam avyākṛtaḥ kṛtaḥ ||
<103>
[2.16ab]	śarīrāśucitā tāvat sthūlā pratyakṣagocarā |
[2.16cd]	satataṃ dṛśya{te}mānāpi yadā citte na (9a2)tiṣṭhati ||
[2.17ab]	tadātisūkṣmo gambhīraḥ saddharmo 'yaṃ anālayaḥ |
[2.17cd]	apratyakṣaḥ kathaṃ citte{na} sukhenāvatariṣyati ||
<104>
[2.18ab]	sambudhyāsmān nivṛtto 'bhūd dharmaṃ deśayitu(9a3)ṃ muniḥ |
[2.18cd]	durjñānam atigāmbhīryāt jñātvā dharmam imaṃ janaiḥ ||
[2.19ab]	vināśayati durjñāto dharmo 'yam avipaścitam |
[2.19cd]	nāstitādṛṣṭisamale yasmād asmin nimajja(9a4)ti ||
[2.20ab]	aparo 'py asya durjñānān mū‹r›khaḥ paṇḍitamānikaḥ |
<105>
[2.20cd]	pratikṣepavinaṣṭātmā yāty avīcim adhomukhaḥ ||
[2.21ab]	durbhuktena yathānnena vināśam adhigacchati |
[2.21cd]	(9a5)subhuktenāyur ārogyaṃ balaṃ saukhyāni cāśnute ||
[2.22ab]	durjñātena tathānena vināśam adhigacchati |
[2.22cd]	samyagjñātena tu sukhaṃ bodhiṃ cāpnoty anuttarām ||
<106>
[2.23ab]	tasmād atra pra(9b1)tikṣepaṃ dṛṣṭiṃ tyaktvā ca nāstikīm |
[2.23cd]	samyagjñānaparaṃ yatnaṃ kuru sarvārthasiddhaye ||
[2.24ab]	dharmasyāsyāparijñānād ahaṃkāro 'nuvartate |
[2.24cd]	tataḥ śubhāśubhaṃ karma tato janma śubhāśubham ||
<107>
[2.25ab]	(9b2)tasmād yāvad avijñā{ya}to dharmo 'haṃkāraśātanaḥ |
[2.25cd]	dānaśīlakṣamādharme tāvad ādaravān bhava ||
[2.26ab]	dharmapūrvāṇi kāryāṇi dharmamadhyāni pārthiva |
[2.26cd]	sā(9b3)dhayan dharmaniṣṭhāni neha nāmutra sīdati ||
[2.27ab]	dharmāt kīrtiḥ sukhaṃ caiva neha bhīr na mumūrṣataḥ |
[2.27cd]	paraloke sukhaṃ sphītaṃ tasmād dharmaṃ sadā bhaja ||
<108>
[2.28ab]	dharma (9b4)eva parā nīti‹r› dharmāl loko 'bhirajyate |
[2.28cd]	rañjitena hi lokena neha nāmutra vañcyate ||
[2.29ab]	adharmeṇa tu yā nītis tayā loko 'parajyate |
[2.29cd]	lokāparañja(9b5)nāc caiva neha nāmutra nandati ||
<109>
[2.30ab]	parātisaṃdhānaparā kaṣṭā durgatipaddhatiḥ |
[2.30cd]	ana‹r›thavidyā duṣprajñair a‹r›thavidyā kathaṃ kṛtā ||
[2.31ab]	parātisaṃdhānaparo nītimā(10a1)n katham arthataḥ |
[2.31cd]	yena janmasahasrāṇi bahūny ātmaiva vañcyate ||
[2.32ab]	ripor apriyam anvicchan doṣāṃs tyaktvā guṇān śraya |
[2.32cd]	svahitāvāptir evaṃ te ripoś cāpy apriyaṃ bhavet ||
<110>
[2.33ab]	dānena pri(10a2)yavadyena hitenaikārthacaryayā |
[2.33cd]	ebhir ācara lokasya dharmasyaiva ca sa‹ṃ›graham ||
[2.34ab]	viśvāsaṃ janayaty ekaṃ satyaṃ rājñāṃ yathā dṛḍham |
[2.34cd]	tathaivānṛtam apy eṣām aviśvā(10a3)sakaraṃ param ||
<111>
[2.35ab]	na visaṃ{m}vādavat satyaṃ na bhāvodgatam arthataḥ |
[2.35cd]	paraikāntahitaṃ satyam ahitatvā‹n› mṛṣetarat ||
[2.36ab]	doṣān pracchādayaty ekas tyāgo rājñāṃ yatho(10a4)jjvalaḥ |
[2.36cd]	tathā kā‹r›paṇyam apy eṣāṃ guṇasarvasvaghātakam ||
<112>
[2.37ab]	upaśāntasya gāmbhīryaṃ gāmbhīryād gauravaṃ param |
[2.37cd]	gauravā‹d› dīptir ājñā ca tasmād upaśamaṃ bhaja ||
[2.38ab]	a(10a5)hāryabuddhiḥ prājñatvād aparapratyaya‹ḥ› sthiraḥ |
[2.38cd]	nātisaṃdhīyate rājā tasmāt prajñāparo bhava{ḥ} ||
<113>
[2.39ab]	satyatyāgaśamaprajñācaturbhadro narādhipaḥ |
[2.39cd]	dharmaś caturbha(10b1)dra iva stūyate devamānuṣaiḥ ||
[2.40ab]	nigṛhyavādibhiḥ śuddhaiḥ prajñākāruṇyanirmalaiḥ |
[2.40cd]	sahāsīnasya satataṃ prajñā dharmaś ca vardhate ||
<114>
[2.41ab]	durlabhāḥ pathyavaktāraḥ śro(10b2)tāras tv atidurlabhāḥ |
[2.41cd]	tebhyo 'pi durlabhatamā ye pathyasyāśukāriṇaḥ ||
[2.42ab]	pathyam apy apriyaṃ tasmāt{a} jñātvā śīghraṃ samācara |
[2.42cd]	pibed auṣadham apy ugram ārogyā(10b3)yātmavān iva ||
[2.43ab]	jīvitārogyarājyānāṃ cintayānityatāṃ sadā |
[2.43cd]	tataḥ saṃve{npu}gavān dharmam ekāntena prayatsyase ||
<115>
[2.44ab]	avaśyaṃ maraṇaṃ paśyan (10b4)pāpād duḥkhaṃ mṛtasya ca |
[2.44cd]	aihikena sukhenāpi ‹na› pāpaṃ kartum arhasi ||
[2.45ab]	kasmiṃ cid abhayaṃ dṛṣṭa‹ṃ› bhayaṃ dṛṣṭaṃ kvacit kṣaṇe |
[2.45cd]	yady ekasmin samāśvāsaḥ kim e(10b5)kasmin na te bhayam ||
<116>
[2.46ab]	madyāt paribhavo loke kāryahānir dhanakṣayaḥ |
[2.46cd]	akāryakaraṇam mohāt{a} madyaṃ tyajyaṃ ataḥ sadā ||
[2.47ab]	dyūtaṃ lobhāratidveṣakuhaśāṭhyo(11a1)ddhavākaram |
[2.47cd]	anṛtābaddhapāruṣyakaraṃ varjyam ataḥ sadā ||
<117>
[2.48ab]	vyasanaṃ strīkṛtaṃ prāyaḥ strīrūpe śubhasa‹ṃ›jñayā |
[2.48cd]	na caivaṃ strīśarīre 'sti svalpam apy arthataḥ śubhaṃ ||
[2.49ab]	mukhaṃ danta(11a2)malāmedhyaniṣṭhīvakledabhājanam |
[2.49cd]	pūyamaśleṣmaṇā nāsā netre cikkāśrubhājanaṃ ||
<118>
[2.50ab]	viṇmūtrāntajakṛtklomabhājanaṃ jaghanodaram |
[2.50cd]	strīṇā(11a3)m apaśyan saṃmūḍhas tac charīreṣu rajyate ||
[2.51ab]	alaṃkṛte 'medhyaghaṭe yathā kaścid ajānakaḥ |
[2.51cd]	rajyate hi tathā lokaḥ strīṣu mohād ajānakaḥ ||
<119>
[2.52ab]	(11a4)ye durgandhatamā deśāḥ kāye vairāgyahetavaḥ |
[2.52cd]	teṣv eva rajyate loko vairāgyaṃ kena nīyatām ||
[2.53ab]	yathā viṇmūtradhāneṣu bhṛśaṃ viṭśūkarā ratāḥ |
[2.53cd]	ta(11a5)thā viṇmūtradhāneṣu kāmī viṭśūkaro rataḥ ||
<120>
[2.54ab]	jātaṃ nirgamanāthaṃ yac charīranagarāśuceḥ |
[2.54cd]	vivaraṃ taj janai‹r› mūḍhai ratya‹r›tham upakalpitam ||
[2.55ab]	dṛṣṭvāśucīni pratyekaṃ (11b1)viṇmūtrādīni te svayaṃ |
[2.55cd]	tatsaṃhāte manojñatvaṃ śarīre katham āgatam ||
[2.56ab]	śukraśoṇitasamparkabījaṃ viṇmaṇḍavardhitam |
[2.56cd]	amedhyarūpam ājānan rajyase (')tra ka(11b2)yecchayā ||
<121>
[2.57ab]	amedhyapuñje pracchanne tatrakledārdreṇa carmaṇā |
[2.57cd]	yaḥ śayīta sa nārīṇāṃ śayīta jaghanodare ||
[2.58ab]	virūpaṃ vā surūpaṃ vā vṛddhaṃ taruṇam eva vā |
[2.58cd]	sarvaṃ (strī)rū(11b3)pam aśuci kva te rāgo viśeṣataḥ ||
<122>
[2.59ab]	yady apy amedhyaṃ varṇāḍhyaṃ sukumāraṃ susaṃsthitam |
[2.59cd]	tathāpy ayuktas tadrāgaḥ strīrūpe sarvathā tathā ||
[2.60ab]	antaḥpū(11b4)ti mahākaṣṭaṃ bahiḥ pracchāditaṃ tvacā |
[2.60cd]	svabhāvaṃ kuṇapasyāsya kathaṃ paśyam na paśyasi ||
[2.61ab]	tvag apy amedhyā na jyeyā vastrakañcukavat sthitā |
[2.61cd]	ka(11b5)thaṃ hy amedhyapuñjasya tvag medhyā sambhaviṣyasi ||
<123>
[2.62ab]	mṛtkumbho 'medhyasaṃpūrṇo bahiś citro (')pi kutsitaḥ |
[2.62cd]	kāyo 'medhyamayo 'medhyapūrṇaḥ kasmān na kutsita(12a1)ḥ ||
[2.63ab]	kutsitaṃ yady amedhyaṃ te kāyo (')yaṃ kiṃ na kutsitaḥ |
[2.63cd]	gandhamālyānnapānānāṃ yo medhyānām amedhyakṛt ||
<124>
[2.64ab]	jugupsasi yathāmedhyaṃ parasyātmanasyaiva ca |
[2.64cd]	na jugu(12a2)psasy amedhyaṃ kiṃ rūpaṃ svaparayos tathā ||
[2.65ab]	yathā strī‹rū›pam aśuci svarūpam iti te tathā |
[2.65cd]	nanu yukto virāgo (')smād bahiradhyātmam eva ca ||
[2.66ab]	navavraṇamukhasrāvaṃ (12a3)sākṣāt prakṣālayan svayam |
[2.66cd]	kāyasyāśucitāṃ naiti kathā‹ṃ› te kiṃ kariṣyati ||
<125>
[2.67ab]	aho maurkhyam aho dhaurtyam aho paribhavo jane |
[2.67cd]	śṛṅgārakavitā yeṣām (12a4)amedhye (')smin kaḍevare ||
[2.68ab]	bhūyiṣṭham iha sattvānām ajñānāṃ vṛtacetasām |
[2.68cd]	kāmārthaṃ vigrahotpattir amedhyārthaṃ śunām iva ||
<126>
[2.69ab]	kaṇḍuyan sukhito bhavan ni(12a5)ṣkaṇḍus tu tataḥ sukhī |
[2.69cd]	tadvat kāmī sukhī loke niṣkāmaś ca tataḥ sukhī ||
[2.70ab]	yady apy evaṃ vimṛśaṭo vairāgyaṃ te na setsyati |
[2.70cd]	tathā 'pi mandarāgatvān na (12b1)strīvyasanam eṣyati ||
[2.71ab]	āyur alpaṃ bhayaṃ duḥkhaṃ tīvrā nārakakāraṇā |
[2.71cd]	mṛgayātaḥ sadaivāsmād anāghātaṃ dṛḍhaṃ kuru ||
<127>
[2.72ab]	dhig astu taṃ yam āgamya saṃtrasyanti śarīriṇaḥ |
[2.72cd]	viṣṭā(12b2)viklinnasarvāṅgakṣaradviṣam ivoragam ||
[2.73ab]	bhadraṃ tasya yam āgamya pramodante śarīriṇaḥ |
[2.73cd]	prāvṛṣeṇyaṃ mahāmegham ivāyāntaṃ kṛṣīvalāḥ ||
[2.74ab]	tasmād adharma(12b3)m utsṛjya bhaja dharmam atandritaḥ |
[2.74cd]	ātmano 'sya ca lokasya kā≤m≥«ṃ»kṣa{na} bodhim anuttarām ||
<128>
[2.75ab]	mūlaṃ tasyāḥ sthiraṃ cittaṃ bodhau śailendrarājavat |
[2.75cd]	diganta(12b4)niṣṭhā karuṇā jñānañ cādvayaniśritam ||
[2.76ab]	dvātriṃśadbhir mahārāja mahāpuruṣalakṣaṇaiḥ |
[2.76cd]	yathālaṃkṛtadehas tvaṃ bhaviṣyasi tathā śṛṇu ||
[2.77ab]	caityapū≤ ≥(12b5)jyāryavṛddhānāṃ kṛtvā saṃparicāraṇām |
[2.77cd]	śrīcakrāṅkahastapādaś cakravartī bhaviṣyasi ||
<129>
[2.78ab]	dharmaṃ pratisamādānaṃ kuru rājan sadā sthiram |
[2.78cd]	supratiṣṭhitapādo (13a1)'smād bodhisattvo bhaviṣyasi ||
[2.79ab]	dānena priyavadyena hitenaikārthacaryayā |
[2.79cd]	jālānaddhāṅguliḥ śrīmān lekhahasto bhaviṣyati ||
[2.80ab]	mṛdupādakaraḥ śrīmān saptotsadamahā(13a2)tanuḥ |
[2.80cd]	dānād varānnapānānāṃ prabhūtānāṃ bhaviṣyasi ||
[2.81ab]	ṛjukāyabṛhadgātraḥ svāyatāṅgulipārṣṇikaḥ |
[2.81cd]	bhaviṣyasi sudīrghāyur ahiṃsāvadhyamokṣaṇaiḥ ||
<131>
[2.82ab]	u(13a3)cchaṅkhacaraṇaḥ śrīmān ūrdhvaromāṅkitacchaviḥ |
[2.82cd]	samādānasya dharmasya vardhanāt tvaṃ bhaviṣyasi ||
[2.83ab]	satkṛtyadānādānābhyāṃ vidyāśilpādikarmaṇāṃ |
[2.83cd]	eṇe(13a4)yajaṅgho medhāvī mahāprājño bhaviṣyasi ||
[2.84ab]	dāsyāmi yācitaṃ svā‹r›thaṃ santaṃ kṣipram iti vratāt |
[2.84cd]	pāṭūrubāhu‹r› lokasya vinetā ca bhavisyasi ||
<132>
[2.85ab]	saṃ(13a5)yojanād viyuktasya svajanasya parasparāt |
[2.85cd]	kośopahitasadvastiguhyaḥ śrīmān bhaviṣyati ||
[2.86ab]	prāsādavastrābharaṇapradānāt sukhaśobhanāt |
[2.86cd]	taptani(13b1)mṛṣṭasuślakṣṇakāñcanatvaṃ bhaviṣyasi ||
<133>
[2.87ab]	anuttarādhyakṣyadānān nyāyyārcyaguruvartanāt |
[2.87cd]	prāpsyasy ekaikaromatvam ūrṇāśrībhūṣitānanaḥ ||
[2.88ab]	madhurapriyavāditvāt sū(13b2)ktavāñ cānulomatvāt |
[2.88cd]	siṃhapūrvārdhakāyas tvaṃ vṛttaskandho bhaviṣyasi ||
<134>
[2.89ab]	citāntarāṃsaḥ svasthātmā rasārasavibhāgavit |
[2.89cd]	bhaviṣyasi vyādhitānā(13b3)m upasthānacikitsanaiḥ ||
[2.90ab]	susaṃsthitoṣṇīṣaśirā nyagrodhaparimaṇḍalaḥ |
[2.90cd]	pūrvaṅgamatvād dharmyeṣu kāryeṣu tvaṃ bhaviṣyasi ||
[2.91ab]	brahmasvaro ma(13b4)hājihvo bhaviṣyasi narādhipaḥ |
[2.91cd]	satyaślakṣṇasya vākyasya dīrghakālam udīraṇāt ||
<135>
[2.92ab]	mahāsiṃhahanuḥ śrīmān durādharṣo bhaviṣya{ti}(13b5)si |
[2.92cd]	matvā satyasya vacasaḥ cirakālānubhāṣaṇāt ||
[2.93ab]	suśukladanto rucimatsamadanto bhaviṣyasi |
[2.93cd]	avimānanasammānayathānyāyānuvartanaiḥ ||
<136>
[2.94ab]	(14a1)catvāriṃśatsamaghanaśrīmān danto bhaviṣyasi |
[2.94cd]	vacasaś ciram abhyāsāt satyasyāpiśunasya ca ||
[2.95ab]	snigdhābhinīlanayano gopakṣmā ca bhaviṣya{ti}si |
[2.95cd]	araktaduṣṭasa(14a2)ṃmūḍhasnigdhasattvāvalokanāt ||
[2.96ab]	ity etāni samāsena dvātriṃśat saha hetubhiḥ |
[2.96cd]	mahāpuruṣasiṃhānāṃ lakṣaṇāny upadhāraya ||
<137>
[2.97ab]	tadanuvyañjanāśī‹tir› (14a3)maitrīniṣyandasaṃbhavā |
[2.97cd]	noktātra tvā mayā rājan granthavistara{ṇa}śaṅkayā ||
[2.98ab]	bhavanti kāmam etāni sarveṣāñ cakravartināṃ |
[2.98cd]	śuddhiṃ kāntiṃ ca dīptiṃ ca (14a4)buddhānāṃ nopayānti tu ||
<138>
[2.99ab]	cittaprasādāvayavād apy ekasmān munīndragāt |
[2.99cd]	lakṣaṇavyañjanāni syur yāny āhuś cakravartināṃ ||
[2.100ab]	kalpakoṭiśatenāpi (14a5)phalenopaci‹taṃ› śubhaṃ |
[2.100cd]	na buddharomakūpasyaikasyāpi jananakṣamam ||
[2.101ab]	syāt tu lakṣaṇaṃ sāmānyaṃ buddhānāṃ cakravartibhiḥ |
[2.101cd]	ādityānāṃ prabhākṛtye kiṃcit(14b1)khadyotakair iva ||

<139>

[139,4]

ratnāvalyāṃ miśrako nāma« »dvitīyaḥ paricchedaḥ |

{3 bodhisaṃbhārasamāsa}

<140>

[140,2]

bodhisaṃbhārasamāso nāma tṛtīyaḥ ||

<141>
[3.1ab]	acintyāt tu yathā puṇyād bauddhalakṣaṇasaṃbhavaḥ |
[3.1cd]	tathā śṛṇu mahārāja mahāyā(14b2)namahāgamāt ||
[3.2ab]	sarvapratyekabuddhotthaṃ śaikṣāśaikṣodbhavaṃ ca yat |
[3.2cd]	kṛtsnasya yac ca lokasya puṇyaṃ loka ivāmitam ||
[3.3ab]	tasmāc chataguṇaprāptād ekaromasamu(14b3)dbhavaḥ |
[3.3cd]	buddhasya romakūpāṇāṃ sarveṣām eva codbhavaḥ ||
<142>
[3.4ab]	yat sarvaromakūpāṇāṃ puṇyaṃ janakam ity ataḥ |
[3.4cd]	śatena guṇitād ekam anuvyañjanam iṣyati ||
[3.5ab]	tāva(14b4)tā tāvatā rājan puṇyenaikaikam apy alaṃ |
[3.5cd]	anuvyañjanam ity evam aśītir yāvad udgatā ||
[3.6ab]	yo 'nuvya‹ñ›jananiṣpattyer aśītyāḥ puṇyasaṃbhavaḥ |
<143>
[3.6cd]	tasmāc cha(14b5)ta‹gu›ṇ{ḥ}ād ekaṃ mahāpuruṣalakṣaṇa{ṃ}m ||
[3.7ab]	triṃśallakṣaṇaniṣpatte‹r› hetur yaḥ puṇyavistaraḥ |
[3.7cd]	sahasraguṇitād asmād ūrṇā pūrṇendusannibhā ||
[3.8ab]	ūrṇāpuṇyasahasrāṇāṃ śa(15a1)taṃ piṇḍīkṛtaṃ punaḥ |
[3.8cd]	uṣṇīṣajananaṃ mūrdhno 'navalokasya tāyinaḥ ||
<144>
[3.9ab]	uṣṇīṣajanakāt puṇyāc chatalakṣaguṇīkṛtāt |
[3.9cd]	jñeyo daśabalasyaiko dharmaśaṅkhasamudbha(15a2)vaḥ ||
[3.10ab]	ity aprameyaṃ leśe(na) puṇyam uktaṃ prame{vata}yavat |
[3.10cd]	sarvadikṣu yathoccheda(ṃ) loko daśaguṇo (')khilaḥ ||
<94>
[3.11ab]	hetur eva yadāmeyo rūpakāyasya lokavat |
[3.11cd]	(15a3)buddhānāṃ dharmakāyasya hetur meyas tathā katham ||
<145>
[3.12ab]	hetur alpo 'pi sarvasya vistīrṇaṃ janayet phalaṃ |
[3.12cd]	bodhihetāv ameye tu meyacintā kutaḥ phale ||
<146>
[3.13ab]	(15a4)rūpakāyas tu buddhānāṃ puṇyasaṃbhārasaṃbhavaḥ |
[3.13cd]	jñānasaṃbhārajo rājan dharmakāyaḥ samāsataḥ ||
[3.14ab]	saṃbhāradvayam ity asmād bu‹ddha›tvaprāptikāraṇam |
[3.14cd]	pu(15a5)ṇyaṃ jñāna‹ṃ› ca saṃkṣepād ity ajasram idaṃ bhaja ||
<147>
[3.15ab]	na cāvasādaḥ kartavya{ṃ}ḥ puṇye 'smin bodhisādhane |
[3.15cd]	yuktāgamadṛḍhād asmād hetor āśvāsakāriṇaḥ ||
[3.16ab]	sarvadi(15b1)kṣu yathākāśabhūjalānilatejasā‹m› |
[3.16cd]	ānantyam evam eveṣṭaṃ sattvānām api duḥkhinām ||
<148>
[3.17ab]	tāny anantāni sattvāni bodhisattvānukampayā |
[3.17cd]	duḥkhād uddhṛtya buddhatve niyojyā(15b2)nīti niścayaḥ ||
[3.18ab]	puṇyaṃ sthitasya tasyaivaṃ jāgrataḥ svapato (')pi vā |
[3.18cd]	samādānāt prabhṛty eva pramattasyāpi dhīyate ||
[3.19ab]	anantaṃ sattvavat puṇyaṃ sattvāna(15b3)ntyā‹n› nirantaraṃ |
[3.19cd]	tenā‹na›ntena buddhatva{ṃ}m ananta‹ṃ› viddhy adurlabham ||
<149>
[3.20ab]	yo 'prameyaṃ sthitaḥ kālam ameyānāṃ śarīriṇām |
[3.20cd]	ameyāṃ bodhim ākāṅkṣann a(15b4)meyaṃ kurute śubham ||
[3.21ab]	so 'prameyām api satīm aprameyaiś caturvidhaiḥ |
[3.21cd]	saṃbhārair acirā‹d› bodhi‹ṃ› katham ebhir na lapsyate ||
[3.22ab]	anantaṃ puṇyam etena jñānaṃ cā(15b5)nantam ity api |
[3.22cd]	śārīraṃ mānasaṃ caiva kṣipraṃ duḥkham apohati ||
<150>
[3.23ab]	durgatau kṣutpipāsādyaṃ pāpād duḥkhaṃ śarīrajam |
[3.23cd]	tad asyākurvataḥ pāpaṃ puṇyān nātha bhava(16a1)ty ataḥ ||
[3.24ab]	rāgadveṣabhayecchādi duḥkha‹ṃ› mohena mānasam |
[3.24cd]	tad asyāniśrayajñānāt kṣipram eva prahīyate ||
[3.25ab]	śarīrair mānasair duḥkhair evam atyantam akṣataḥ |
[3.25cd]	ā bhavād a(16a2)mitaṃ loka{ṃ}m uddharan kiṃ viṣatsyati ||
<151>
[3.26ab]	alpo 'pi duḥkhinaḥ kālo duḥsaho (')tibahuḥ kim≤n≥« u |»
[3.26cd]	kālo (')nanto (')py aduḥkhasya sukhinaḥ kena bādhakaḥ ||
[3.27ab]	(16a3)śarīraduḥkhaṃ naivāsya duḥkhaṃ syāt kena mānasam |
[3.27cd]	lokaduḥkhaṃ karuṇayā tenaivāsya sthitiś ciraṃ ||
[3.28ab]	tasmāc cireṇa buddhatvam iti sīde‹n› na buddhimān |
[3.28cd]	doṣakṣa(16a4)ye guṇārthe ca ghaṭetātra nirantaram ||
<152>
[3.29ab]	lobhadveṣaṃ ca mohaṃ ca doṣān jñātvā parityaja |
[3.29cd]	alobhadveṣamohāṃś ca guṇān jñātvā bhajādarāt ||
[3.30ab]	lobhāt pre(16a5)tagatiṃ yāti dveṣā‹n› naraka‹ṃ› gacchati |
[3.30cd]	mohāt tiryaggatiṃ prāyo nṛdevatvaṃ viparyayāt ||
<153>
[3.31ab]	doṣatyāgo guṇagrāhaś cety ābhyudayikaḥ paraḥ |
[3.31cd]	dharmas tu naiḥśreyasiko (16b1)jñānād grāhaparikṣayaḥ ||
[3.32ab]	bhagavatpratimāstūpavihārān paramādarāt |
[3.32cd]	atyudārānnapānādiśayyāḍhyān viniveśaya ||
<154>
[3.33ab]	niṣaṇṇāḥ padmamadhyeṣu surūpāḥ sā(16b2)dhucitritāḥ |
[3.33cd]	sarvaratnamayāś caivaṃ kāryantāṃ buddhavigrahāḥ ||
[3.34ab]	saddharmaṃ bhikṣusaṃghaṃ ca sarvaprāṇena pālaya |
[3.34cd]	kāñcanaṃ ratna{ṃ}jālaṃ ca caityeṣv āropaya svaya(16b3)m ||
[3.35ab]	sauvarṇarājataiḥ puṣpair vajravidrumamuktikaiḥ |
[3.35cd]	indranīlamahānīlavaiḍūryaiś caityam añcaya ||
<155>
[3.36ab]	saddharmavādināṃ pūjā lābhasatkārasaṃgatāḥ |
[3.36cd]	kā(16b4)ryā sarañjanīyāś ca sevyā dharmā ṣaḍ ādarāt ||
<156>
[3.37ab]	gurugauravaśuśruṣā paricaryā parikriyā |
[3.37cd]	kartavyā bodhisattvānāṃ pūjā cāśramādarāt ||
[3.38ab]	(16b5)na kāryas te 'nyatīrthyeṣu bhaktipūjānamaskriyāḥ |
[3.38cd]	mā bhūt tatpratyayā bhaktiḥ sadoṣeṣv apy ajānatām ||
[3.39ab]	munīndravacasas tajjagranthānāṃ caiva lekhanam |
[3.39cd]	(17a1)kuru pustakadānaṃ ca maṣītūlī‹ṃ› puraskṛtya ||
<157>
[3.40ab]	pureṣu lekhaśālānām upādhyāyabhṛtikriyāḥ |
[3.40cd]	kṣetradānena niyatāḥ kriyantāṃ jñānavṛddhaye ||
[3.41ab]	pureṣu kṣetrabhṛ(17a2)takāḥ kriyantāṃ vaidyanāpitāḥ |
[3.41cd]	vṛddhabālarujārtānāṃ sattvānāṃ duḥkhaśāntaye ||
<158>
[3.42ab]	sarvatīrthyāśramārāmasetuvāpīsabhāprapāḥ |
[3.42cd]	yuktāḥ kāraya (17a3)suyuktaiś śayyānnavasanānvitāḥ ||
[3.43ab]	sabhāgrāmeṣu sarveṣu vīhārān nagareṣu ca |
[3.43cd]	mandatoyiṣu mārgeṣu prapāḥ sarveṣu kāraya ||
[3.44ab]	vyādhitānāthaduḥkhārta(17a4)hīnadīnaparigraham |
[3.44cd]	satataṃ kuru kāruṇyāt svāthyaṃ caiṣāṃ bhajādarāt ||
<159>
[3.45ab]	ārtavāny annapānāni bhakṣyasasyaphalāni ca |
[3.45cd]	bhikṣubhyo 'rthija(17a5)nebhyaś ca nādattvā bhoktum arhasi ||
<160>
[3.46ab]	upānacchatrakarakān kaṇṭakoddharaṇāni ca |
[3.46cd]	sūcīsūtravyajanakān prapāsthāneṣu nikṣipa ||
[3.47ab]	triphālātrikaṭukṣaudra(17b1)ghṛtā(ni) guṭikāgadāḥ |
[3.47cd]	prapāsu kāryā lekhyāś ca siddhamantrauṣadhikriyāḥ ||
[3.48ab]	gātrapādaśirobhyaṅgapādapīṭhakatarpaṇān |
<161>
[3.48cd]	ghaṭasthalī(paraśvādyān prapāsu ca) (17b2)nidhāpaya ||
[3.49ab]	tilataṇḍuladhānyānnaguḍasnehapuraskṛtāḥ |
[3.49cd]	chāyāsu prapikāḥ kāryāḥ pūrṇāḥ kalpasya vāriṇaḥ ||
<162>
[3.50ab]	pipīlikābiladvāre jala(17b3)dhānyaguḍāmbhasām |
[3.50cd]	kāryantā‹ṃ› nikarāḥ śaśvat puruṣaiḥ pratyayakṣamaiḥ ||
[3.51ab]	yathāsukhānnaṃ pretebhyaḥ puraḥ paścāc ca bhojanāt |
[3.51cd]	dehi śvakīṭaśakuni(17b4)prabhṛtibhyaś ca sarvadā ||
[3.52ab]	upadraveṣu du‹r›bhikṣeṣūpasargeṣu cetiṣu |
[3.52cd]	deśabhaṅgeṣu codāraṃ lokasyānugrahaṃ kuru ||
<163>
[3.53ab]	kṛṣatāṃ kuru bhraṣṭānā‹ṃ› bīja(17b5)bhaktair anugraham |
[3.53cd]	karaviṣṭivisargāṃś ca bhāgānāṃ lāghavāni ca ||
[3.54ab]	ṛṇikebhyaḥ paritrāṇa{ṃ}m ucchulkaṃ śulkalāghavam |
[3.54cd]	dvārasthānaparikleśān api caiṣāṃ nivarta(18a1)ya ||
<164>
[3.55ab]	taskarāṃś copaśamaya svarāṣṭrapararāṣṭrajān |
[3.55cd]	hiraṇyamātrāṃ ca samām arghayuktāṃ ca kāraya ||
[3.56ab]	mantriṇaḥ kiṃ vadantīti svayaṃ jñātvā ca sarvataḥ |
[3.56cd]	yad ya‹l› lokahitaṃ sā(18a2)dhyaṃ tat tat sarvaṃ sadā kuru ||
<165>
[3.57ab]	kiṃ kim ā‹tma›hitaṃ kuryām iti te 'sti yathādaraḥ |
[3.57cd]	kiṃ kiṃ lo‹ka›hitaṃ kuryām iti te 'stu tathādaraḥ ||
[3.58ab]	pṛthavītoyavāyvagnibhaiṣajyā(18a3)raṇyavṛkṣavat |
[3.58cd]	muhūrtam api kartavyaṃ svair abhogyaṃ tvam ātmanaḥ ||
<166>
[3.59ab]	padasaptakakālo 'pi sarvasvatyāgacetasaḥ |
[3.59cd]	kham ivāmeyapuṇyāḍhyo bodhisattvasya (18a4)jāyate ||
[3.60ab]	deyāḥ kanyās tadarthibhyaḥ surūpāḥ svabhyalaṃkṛtāḥ |
[3.60cd]	saddharmadhāraṇe yasmād dhāraṇāṃ pratilapsyase ||
[3.61ab]	sarvālaṃkārayuktānāṃ sarvopakara(18a5)ṇaiḥ saha |
[3.61cd]	dadau kanyāsahasrāṇām aśītiṃ hi muniḥ purā ||
<167>
[3.62ab]	bhāsvarāṇi vicitrāṇi vāsāṃsy ābharaṇāni ca |
[3.62cd]	gandhamālyopabhogāṃś ca dehi arthibhyo (')nuka(18b1)mpayā ||
[3.63ab]	yasya yena vinārthena dharmeṇātibhṛśaṃ bhavet |
[3.63cd]	sa tasmai tatkṣaṇaṃ deyo nāsti dānam ataḥparam ||
[3.64ab]	dātavyaṃ viṣam apy asmai hitaṃ yasya viṣaṃ bhavet |
[3.64cd]	varā(18b2)nnam apy adeyaṃ syād yasmai tad ahitaṃ bhavet ||
<168>
[3.65ab]	sarpadaṣṭāṅgulīcchedo 'py uktaḥ pathyo yathā tathā |
[3.65cd]	muninoktaṃ parahitaṃ kartavyam api pīḍayā ||
[3.66ab]	saddharme gaura(18b3)vaṃ kārya‹ṃ› dharmavādiṣu cottamaṃ |
[3.66cd]	satkṛtya dharmaśravaṇaṃ dharmadānam api svayaṃ ||
<169>
[3.67ab]	na ratir lokadharmeṣu rati‹r› lokottareṣu ca |
[3.67cd]	kāryā guṇāḥ samādheyā ya(18b4)thātmani tathā pare ||
[3.68ab]	asaṃtoṣaḥ śrute dharme dhāraṇe 'rthavibhāvane |
[3.68cd]	gurubhyo dakṣiṇā dāne cādaraḥ kriyatāṃ sadā ||
[3.69ab]	lokāyatādyapaṭhanaṃ vā(18b5)dā‹r›thaṃ mānavarjanaṃ |
[3.69cd]	na kāryā svaguṇaślāghā guṇā vācyā ripor api ||
<170>
[3.70ab]	na marmaghaṭṭanaṃ kāryaṃ na sūcā duṣṭacetasā |
[3.70cd]	pareṣām ātmanaḥ kāryaṃ skhalitapratyavekṣa(19a1)ṇaṃ ||
[3.71ab]	yenāpy avadyo doṣeṇa paraḥ syāt paṇḍitaiḥ sadā |
[3.71cd]	sa svayaṃ parihartavyaḥ śaktyā vāryaḥ paro 'pi ca ||
<171>
[3.72ab]	parāpakāreṣv akrodhaḥ purākṛtanirīkṣaṇāt |
[3.72cd]	sva(19a2)yaṃ cānaparādhī tvaṃ mā bhūd duḥkham ataḥ punaḥ ||
[3.73ab]	paropakāraḥ kartavyaḥ pratīkāra{ka}m akāṅkṣatā |
[3.73cd]	duḥkham ekena soḍhavyaṃ sukhabhogyaṃ sahārthibhiḥ ||
[3.74ab]	unnatir nai(19a3)va gantavyā saṃpattyā divyayāpi ca |
[3.74cd]	naivānatir vipattyāpi nirbhogapretatulyayā ||
<172>
[3.75ab]	rājyabhaṅgo bhaved yasmāt satyān mṛtyur athāpi vā |
[3.75cd]	tathāpi vacanaṃ vā(19a4)dyaṃ svārthe maunam ato 'nyathā ||
[3.76ab]	yathā vādī tathā kārī bhaviṣyasi dṛḍhavrataḥ «|»
[3.76cd]	bhaviṣyasi tataḥ khyātaḥ pramāṇaṃ paramaṃ bhuvi ||
<173>
[3.77ab]	supavīkṣitakāritvaṃ sarvatraiva{sa} (19a5)sadāstu te |
[3.77cd]	aparapratyayatvaṃ ca yathā bhūtā‹r›thadarśanāt ||
[3.78ab]	yaśo vitānaṃ vistīrṇaṃ dikṣu sarvāsu jāyate |
[3.78cd]	sāmantasaṃtatiś cāpi dharmād rājyasukham api ||
[3.79ab]	bahavaḥ pratyayā (19b1)mṛtyoḥ katicij jīvatasya tu |
[3.79cd]	mṛtyor api ta eva syād dharmaḥ kāryas tataḥ sadā ||
<174>
[3.80ab]	satataṃ kurvato dharma(ṃ) ni‹r›vṛtir yaiva jāyate |
[3.80cd]	lokasya cātmanaś caiva {saiva}saiva tā(19b2)vad alaṃ hite ||
[3.81ab]	sukhaṃ svapiti dharmātmā sukhaṃ ca pratibudhyate |
[3.81cd]	svapnān api sukhān paśyed aduṣṭenāntarātmanā ||
[3.82ab]	mātāpitṛbharo jantuḥ kulajyeṣṭhāpacā(19b3)yakaḥ |
[3.82cd]	sat{a}saṃbhogī kṣamī tyāgī ślakṣṇāpiśunasatyavāk ||
<175>
[3.83ab]	vratād ā maraṇād asmād devendratvaṃ samāpnuyāt |
[3.83cd]	karoty adyāpi cendratvaṃ tasmād dharmāsa(19b4)na(ṃ) bhaja ||
<176>
[3.84ab]	{lolo}(trai)kālyadattād ekāhe sthālapākaśatatrayāt |
[3.84cd]	puṇyaṃ mauhūrtikasyaiti na maitrasya kalām api ||
[3.85ab]	priyo devamanuṣyāṇāṃ bhavaty etaiś ca rakṣyate |
[3.85cd]	(19b5)saumanasyasukhī prāyo ‹'›viṣaśastrena bādhyate ||
[3.86ab]	a‹r›thān ayatnāl labhate brahmaloke ca jāyate |
[3.86cd]	maitrīdharmān imān aṣṭau bhu‹ṅ›kte yadi na mucyate ||
<177>
[3.87ab]	cittāny utpādya sattvānāṃ (20a1)bodhau kṛtvā sthirāṇi ca |
[3.87cd]	bodhicittam avāpnoti sthiraṃ śailendrarājavat ||
[3.88ab]	akṣaṇān śraddhayā naiti śīlād yāti śubhāṃ gatiṃ |
[3.88cd]	labhate śūnyatābhyāsāt kuśaleṣv a(20a2)pramattatām ||
<178>
[3.89ab]	aśaṭhaḥ smṛtim āpnoti matim āpnoti cintakaḥ |
[3.89cd]	gauravād a‹r›thagatimān prājñaḥ syād dharmadhāraṇāt ||
[3.90ab]	dharmaśravaṇadānānāṃ kṛtvā (20a3)nāvaraṇakriyām |
[3.90cd]	labhate kṣipram eveṣṭāṃ buddhaiḥ samavadhānatām ||
[3.91ab]	arthasiddhir alobhena bhogasiddhir amatsarāt |
[3.91cd]	amānenottamatvaṃ syāt (20a4)dharmakṣāntyā tu dhāriṇī ||
[3.92ab]	pañcasārapradānena bhītebhyo 'py abhayasya ca |
[3.92cd]	sarvamārair anādhṛṣyo bhavaty agro mahābalaḥ ||
[3.93ab]	caityeṣu dīpamālā(20a5)nāṃ pradīpānāṃ tamassu ca |
[3.93cd]	dīp‹a›tailapradānāc ca divyaṃ cakṣur avāpyate ||
[3.94ab]	caityapūjāsu vādyānāṃ ghaṇṭānāṃ ca pradānataḥ |
[3.94cd]	śaṅkhabherīpradānāc ca divyaṃ śrotra‹m› (20b1)‹a›vāpyate ||
<180>
[3.95ab]	para{li}skhalitamūkatvād vyaṅgānāṃ cāpy akīrtanāt |
[3.95cd]	cittānurakṣaṇāc caiva paracittajñam āpyate ||
[3.96ab]	upānadyānadānena durbalodvahanena ca |
[3.96cd]	(20b2)vahanād gurumānyānāṃ viduṣām ṛddhir āpyate ||
<181>
[3.97ab]	smaraṇād dharmakāryāṇāṃ dharmagranthārthayos tathā |
[3.97cd]	jātismaratvaṃ prāpnoti dharmadānāc ca nirmalāt ||
[3.98ab]	ya(20b3)thābhūtaparijñānād bhāvānām asvabhāvataḥ |
[3.98cd]	abhijñāṃ labhate śreṣṭhāṃ ṣaṣṭhāṃ sarvāśravakṣayām ||
[3.99ab]	samasya karuṇā‹r›drasya tattvajñānasya bhāvanā(20b4)t |
[3.99cd]	sarvasattvavimokṣārthaṃ bhavaty aṅgīraso jitaḥ ||
<182>
[3.100ab]	vicitraśuddhapraṇidher buddhakṣetraṃ viśudhyati |
[3.100cd]	ratnadānān munīndrebhyaḥ prabhānantā prasarpa(20b5)ti ||
[3.101ab]	ity evaṃ karmaphalayo‹r› jñātvā sārūpyam arthataḥ |
[3.101cd]	jagaddhitaṃ kuru sadā tad evātmahitaṃ hi te ||

[182,13]

rājaratnāvalyāṃ bodhisaṃbhārasamāso(21a1)« »nāma tṛtīyaparicchedaḥ ||

{4 rājavṛttopadeśa}

<183>

[183,2]

rājavṛttopadeśo nāma caturthaḥ |

<184>
[4.1ab]	adharmam anyāyyam api prāyo rājānujīvibhiḥ |
[4.1cd]	ācaraṃ stūyate yasmāt kṛcchrād vetti kṣamākṣamam ||
[4.2ab]	anyo 'pi tāvad yaḥ ka(21a2)ścid durvacaḥ kṣemam apriyam |
[4.2cd]	kim u rājā mahābhaumas tvaṃ mayā bhikṣuṇā satā ||
<185>
[4.3ab]	tvat{a}kṛtād eva tu snehāj jagatām anukampayā |
[4.3cd]	aha(21a3)m eko vadāmi tvāṃ pathyam apy apriyaṃ bhṛśam ||
[4.4ab]	satya‹ṃ› ślakṣṇā‹r›thavat pathyaṃ śiṣyaḥ kāle 'nukampayā |
[4.4cd]	vācya ity āha{ṃ} bhagavāṃs tad evam abhidhīyase ||
<186>
[4.5ab]	akrodhe« »(21a4)satyavākye ca śrāvyamāṇo 'pi tu sthitaḥ |
[4.5cd]	sevyaṃ saṃparigṛhṇīyāt sattoyaṃ snāpyamānavat ||
[4.6ab]	tasya me vadato vākyaṃ tva{ṃ}m ihāmutra ca kṣamam |
[4.6cd]	jñātvā (21a5)kuru hitāyedam ātmano jagato 'pi ca ||
<187>
[4.7ab]	yācakebhyaḥ purā dānāt prāpyārthāṃś cen na dāsyasi |
[4.7cd]	akṛtajñatvalobhābhyāṃ nārthān punar avāpsyasi ||
[4.8ab]	iha pathyadanaṃ (21b1)loke na vahaty abhṛto bhṛtaḥ |
[4.8cd]	yācakas tv abhṛto (')mutra hīnaḥ śataguṇodvahaḥ ||
<188>
[4.9ab]	udāracittaḥ satataṃ bhavodārakriyārataḥ |
[4.9cd]	udārakarmaṇaḥ sarvam udāraṃ (21b2)jāyate phalam ||
[4.10ab]	manorathair api klībair anālīḍhaṃ narādhipaiḥ |
[4.10cd]	kuru dharmāspadaṃ śrīmat khyātaṃ ratnatrayāspadam ||
[4.11ab]	sāmantarājaromāñcakaraṃ dharmā(21b3)spa‹daṃ› na yat |
[4.11cd]	mṛtasyāpy apraśasyatvād rājaṃs tad akṛtaṃ varam ||
<189>
[4.12ab]	atyaudāryād udārāṇāṃ vismayotsāhavardhanam |
[4.12cd]	utsāhaghnaṃ ca mandānāṃ sarvasvenāpi (21b4)kāraya ||
[4.13ab]	utsṛjyāmutra gantavyaṃ sarvasvam avaśena te |
[4.13cd]	dharme niyuktaṃ yāty eva purastāt sarvam eva te ||
<190>
[4.14ab]	sarvasvaṃ pūrvanṛpate‹r› nṛpasya vaśam āgatam |
[4.14cd]	kiṃ (21b5)pūrvakasya dharmāya sukhāya yaśase (')pi vā ||
[4.15ab]	bhuktād arthād iha sukhaṃ dattāt pāratrikaṃ sukham |
[4.15cd]	abhuktādattanaṣṭāt tu duḥkham eva kutaḥ sukham ||
[4.16ab]	vinaśyan sa(22a1)civai‹r› dātum asvātantryān ‹na› śakyasi |
[4.16cd]	āyaticchedani‹ḥ›snehair navarājapriyaiṣibhiḥ ||
<191>
[4.17ab]	sarvasvenāpy ataḥ svasthaḥ śīghraṃ {va}dharmāspadaṃ kuru |
[4.17cd]	mṛtyupratyayamadhyasthaḥ pravā(22a2)tasthapradīpavat ||
[4.18ab]	dharmādhikārā ye cānye pūrvarājapravartitāḥ |
[4.18cd]	devadroṇyādayas te 'pi pravartyantāṃ yathā sthitāḥ ||
<192>
[4.19ab]	ahiṃsakaiḥ śubhācārair vrata(22a3)sthair atithipriyaiḥ |
[4.19cd]	sarvakṣamair akalahai‹r› bhajyeraṃs taiḥ sadodyataiḥ ||
[4.20ab]	andhavyādhita{ḥ}hīnāṅgadīnānāthavanīpakāḥ |
[4.20cd]	te 'py annapānaṃ sāmye‹na› labhera(22a4)nn avighaṭṭitāḥ ||
<193>
[4.21ab]	anarthinām api satāṃ dhārmikāṇā{ṃ}m anugrahān |
[4.21cd]	apy anyarājyasaṃsthānām anurūpān pravartaya ||
[4.22ab]	sarvadharmādhikāreṣu dharmādhi(22a5)kṛtam utthitam |
[4.22cd]	alubdhaṃ paṇḍitaṃ dharmyaṃ kuru teṣām abādhakam ||
<194>
[4.23ab]	nītijñān dhārmikān snigdhān śucīn bhaktān akātarān |
[4.23cd]	kulinān śīlasampannān kṛtajñān sacivān kuru ||
[4.24ab]	akṣudrāṃs tyāginaḥ śūrān snigdhān sambhoginaḥ sthirān |
[4.24cd]	kuru nityāpramattāṃs ca dhārmikān daṇḍanāyakān ||
<195>
[4.25ab]	dharmaśīlān śucīn dakṣā(22b1)n kāryajñān śāstrakovidān |
[4.25cd]	kṛtavṛttīn samān snigdhān vṛddhān adhikṛtān kuru ||
[4.26ab]	pratimāsaṃ ca tebhyas tvaṃ sarvam āyavyayaṃ śṛṇu |
[4.26cd]	śrutvā dharmādhikārādyaṃ kā(22b2)ryaṃ sarvaṃ svayaṃ vada ||
<196>
[4.27ab]	dharmārthaṃ yadi te rājyaṃ na kīrtyarthaṃ na kāmataḥ |
[4.27cd]	tataḥ saphala{ṃ}m atyartham anarthārtham ato (')nyathā ||
[4.28ab]	parasparāmiṣībhūte loke 'smin (22b3)prāyaśo nṛpa{ḥ} |
[4.28cd]	yathā rājyaṃ ca dharmaś ca bhavet tava tathā śṛṇu ||
<197>
[4.29ab]	jñānavṛddhāḥ kule jātā nyāyajñāḥ pāpabhīravaḥ |
[4.29cd]	sametā bahavo nityaṃ santu te kārya(22b4)darśinaḥ ||
[4.30ab]	daṇḍabandhaprahārādīn{a} ku‹r›yus te nyāyato (')pi cet |
[4.30cd]	kāruṇyārdraḥ sadā bhūtvā tvam anugrahavān bhava ||
<198>
[4.31ab]	hitāyaiva tvayā cittam u(22b5)nnāmya‹ṃ› sarvadehinām |
[4.31cd]	kāruṇyāt satataṃ rāja‹ṃ›s tīvrapāpakṛtām api ||
[4.32ab]	tīvrapāpeṣu hiṃsreṣu kṛpā kāryā viśeṣataḥ |
[4.32cd]	tatreva hi kṛpāpātraṃ hatātmāno mahātmanā(23a1)m ||
<199>
[4.33ab]	pratyahaṃ pañcarātraṃ vā baddhān (kṣīṇān) vimocaya{ḥ} |
[4.33cd]	śeṣān api yathāyogaṃ mā kāṃścit naiva mocaya ||
[4.34ab]	yeṣv amokṣaṇacittaṃ te jāyate teṣv asaṃvaraḥ |
[4.34cd]	tasmād asaṃvarāt pāpa(23a2)m ajasram upacīyate ||
<200>
[4.35ab]	yāvac ca na vimucyeraṃs tāvat syuḥ sukhabandhanāḥ |
[4.35cd]	nāpitasnānapānānnabhaiṣajyavasanānvitāḥ ||
[4.36ab]	apātreṣv iva putreṣu pātrī(23a3)karaṇakāṅkṣayā |
[4.36cd]	kāruṇyāc chāsanaṃ kāryaṃ na dveṣān nārthalipsayā ||
[4.37ab]	vimṛśya samyag vijñāya praduṣṭān ghātakān api |
<201>
[4.37cd]	ahatvā{i}pīḍayitvā ca (23a4)kuru nirviṣayān narān ||
[4.38ab]	svatantraḥ paśya sarvaṃ ca viṣayaṃ cāracakṣuṣā |
[4.38cd]	nityāpramattaḥ smṛtimān kuru kāryaṃ ca dhārmikam ||
[4.39ab]	pradānamānasa(23a5)tkārair guṇasthān satataṃ bhaja |
[4.39cd]	udārair anurūpais tu śeṣān api yathāvidhi ||
<202>
[4.40ab]	saṃmānasphītakusumaḥ saṃpradānamahāphalaḥ |
[4.40cd]	rājavṛkṣaḥ kṣamācchā(23b1)ya‹ḥ› sevyate bhṛtyapakṣibhiḥ ||
[4.41ab]	tyāgaśīlamayo rājā tejasvī bhavati priyaḥ |
[4.41cd]	śarkarāmodako yadvad elāmaricakarkaśaḥ ||
<203>
[4.42ab]	mātsyanyāyaś ca te naivaṃ nyāyā(23b2)d rājyaṃ bhaviṣyati |
[4.42cd]	na cānyāyo na vādharmo dharmaś caivaṃ bhaviṣyati ||
[4.43ab]	paralokāt tvayā rājyaṃ nānītaṃ nāpi neṣyasi |
[4.43cd]	dharmāt prāptam ato (')syārthe (23b3)nādharmaṃ kartum a‹r›hasi ||
[4.44ab]	rājyena bhāṇḍamūlyena duḥkhabhāṇḍaparaṃparām |
[4.44cd]	rājan yathā nā‹r›jayasi prayatnaḥ kriyatā‹ṃ› tathā ||
<204>
[4.45ab]	rājyena bhāṇḍamū(23b4)lyena rājyabhāṇḍaparaṃparām |
[4.45cd]	rājan yathā nirviśasi prayatnaḥ kriyatāṃ tathā ||
[4.46ab]	catu‹r›dvīpām api prāpya pṛthivīṃ cakravartinaḥ |
[4.46cd]	śārīraṃ mā(23b5)nasaṃ caiva sukhadvayam idaṃ matam ||
<205>
[4.47ab]	duḥkhapratikriyāmātraṃ śārīraṃ vedanāsukhaṃ |
[4.47cd]	saṃjñāmayaṃ mānasaṃ tu kevalaṃ kalpanākṛtam ||
[4.48ab]	duḥkhaprati(24a1)kriyāmātraṃ kalpanāmātram eva ca |
[4.48cd]	lokasya sukhasarvasvaṃ vyartham etad ato 'rthataḥ ||
[4.49ab]	dvīpadeśapurāvāsapradeśāsanavāsasām |
[4.49cd]	śayyānnapānahastyaśvastrīṇāṃ cai(24a2)kaikabhogyatā ||
<206>
[4.50ab]	yadā ca yatra cittaṃ syāt tadā tena sukhaṃ kila |
[4.50cd]	śeṣāṇā{ṃ}m amanaskārāt teṣāṃ vya‹r›thatvam a‹r›thataḥ ||
[4.51ab]	viṣayān pañcabhiḥ pañca cakṣurā(24a3)dibhir indriyaiḥ |
[4.51cd]	na kalpayati yad gṛhṇan nāsmāt teṣu tadā sukham ||
<207>
[4.52ab]	jānīte viṣayaṃ yaṃ yaṃ {ye}yena yenendriyeṇa ca |
[4.52cd]	tadā na śeṣaiḥ śeṣāṇi vyarthāny e(24a4)va yatas tadā ||
[4.53ab]	indriyair upalabdhasya viṣayasyākṛtiṃ manaḥ |
[4.53cd]	upalabhya vyatītasya kalpayan manyate sukham ||
[4.54ab]	ekam arthaṃ vijānāti yady apy ekam ihe(24a5)ndriyam |
[4.54cd]	tad apy arthaṃ vinā vyarthaṃ vyartho (')rtho (')pi ca tad vinā ||
<208>
[4.55ab]	pratītya mātāpitarau yathoktaḥ putrasaṃbhavaḥ |
[4.55cd]	cakṣūrūpe pratītyaivam ukto vijñānasaṃbhava≤h≥«ḥ» ||
[4.56ab]	atītānāga(24b1)tā vyarthā viṣayāḥ sārdham indriyaiḥ |
[4.56cd]	taddvayānatiriktatvād vyarthā ye (')pi ca sāmpratāḥ ||
<209>
[4.57ab]	alātacakraṃ gṛhṇāti yathā cakṣur viparyayāt |
[4.57cd]	tathendriyāṇi gṛhṇanti viṣa(24b2)yān sāṃpratān iva ||
[4.58ab]	indriyāṇīndriyā‹r›thāś ca pañcabhūtamayā matāḥ |
[4.58cd]	pratisvaṃ bhūtavaiya‹r›thyād eṣāṃ vya‹r›thatva{ṃ}m a‹r›thataḥ ||
<210>
[4.59ab]	nirindhano (')gni‹r› bhūtānāṃ vinirbhā(24b3)ge prasajyate |
[4.59cd]	saṃparke lakṣaṇābhāvaḥ śeṣeṣv apy eṣa nirṇayaḥ ||
[4.60ab]	evaṃ dvidhāpi bhūtānāṃ vyarthatvāt saṅgatir vṛthā |
[4.60cd]	vya‹r›thatvāt saṅgateś caiva rūpaṃ vya‹r›tha(24b4)m ato 'rthataḥ ||
[4.61ab]	vijñānavedanāsaṃjñāsaṃskārāṇāṃ ca sarvaśaḥ |
[4.61cd]	pratyekam ātmavaiyarthyād vaiyarthyaṃ paramārthataḥ ||
<211>
[4.62ab]	sukhābhimāno duḥkhasya pratīkāre (24b5)yathā‹r›thataḥ |
[4.62cd]	tathā duḥkhābhimāno (')pi sukhasya pratighātajaḥ ||
[4.63ab]	sukhe saṃyogatṛṣṇaivaṃ naiḥsvābhāvyāt prahīyate |
[4.63cd]	duḥkhe viyogatṛṣṇā ca paśyatāṃ muktir ity a(25a1)taḥ ||
<212>
[4.64ab]	kaḥ paśyatīti cec cittaṃ vyavahāreṇa kathyate |
[4.64cd]	na hi caittaṃ vinā cittaṃ vyarthatvān ‹na› saheṣyate ||
[4.65ab]	vyartham evaṃ jagan matvā yāthābhūtā nirāspadā |
[4.65cd]	nirvāti nirupādā(25a2)no nirupādānavahnivat ||
[4.66ab]	bodhisattvo (')pi dṛṣṭvaiva‹ṃ› saṃbodhau niyato mataḥ |
<213>
[4.66cd]	kevalaṃ tv asya kāruṇyād ā bodher bhavasaṃtatiḥ ||
[4.67ab]	bodhisattvasya saṃ(25a3)bhāro mahāyāne tathāgataiḥ |
[4.67cd]	nirdiṣṭaḥ sa tu saṃmūḍhaiḥ pradviṣṭaiś caiva nindyate{ḥ} ||
[4.68ab]	guṇadoṣānabhijño vā doṣasaṃjñī guṇeṣu vā |
[4.68cd]	athavāpi guṇa(25a4)dveṣī mahāyānasya nindakaḥ ||
<214>
[4.69ab]	paropaghātino doṣān parānugrāhiṇo guṇān |
[4.69cd]	jñātvocyate guṇadveṣī mahāyānasya nindakaḥ ||
[4.70ab]	yat svārtha(25a5)nirapekṣatvāt parārthaikarasapriyam |
[4.70cd]	guṇākaraṃ mahāyānaṃ tad dveṣī tena dahyate ||
<215>
[4.71ab]	śrāddho (')pi durgṛhītena dviṣyāt kruddho (')thavetaraḥ |
[4.71cd]	śrāddho (')pi dagdha i(25b1)ty uktaḥ kā cintā dveṣabandhure ||
[4.72ab]	viṣeṇāpi viṣaṃ hanyād yathaivoktaṃ cikitsakaiḥ |
[4.72cd]	duḥkhenāpy ahitaṃ hanyād ity ukte kiṃ virudhyate ||
<216>
[4.73ab]	manaḥpūrva(25b2)ṃgamā dharmā manaḥśreṣṭhā iti śruteḥ |
[4.73cd]	hitaṃ hitamanāḥ kurvan duḥkhenāpy ahitaṃ katham ||
[4.74ab]	duḥkham apy āyatīpathyaṃ kāryaṃ kim u sukhaṃ hi(25b3)tam |
[4.74cd]	ātmanaś ca pareṣāṃ ca dharma eṣa sanātanaḥ ||
<217>
[4.75ab]	mātrāsukhaparityāgāt paścāc ced vipulaṃ sukham |
[4.75cd]	tyajen mātrāsukhaṃ dhīraḥ saṃpaśyan(25b4)vipulaṃ sukham ||
[4.76ab]	na mṛṣyate ca yady etat kaṭubhaiṣajyadāyinaḥ |
[4.76cd]	tataś cikitsakādyāś ca hatā naivaṃ ca yujyate ||
[4.77ab]	apathyam api yad dṛṣṭaṃ tat pathya‹ṃ› (25b5)paṇḍitaiḥ kvacit |
[4.77cd]	utsargaś cāpavādaś ca sarvaśāstre(ṣu) śasyate ||
<218>
[4.78ab]	karuṇāpūrvakāḥ sarve niṣyandā jñānanirmalāḥ |
[4.78cd]	uktā yatra mahāyāne kas tan ni(26a1)ndet sacetanaḥ ||
[4.79ab]	atyaudāryātigāmbhīryād viṣaṇṇair akṛtātmabhiḥ |
[4.79cd]	nindyate (')dya mahāyānaṃ mohāt svaparavairibhiḥ ||
<219>
[4.80ab]	dānaśīlakṣamāvīryadhyānaprajñākṛpātmakam |
[4.80cd]	(26a2)mahāyānam atas tasmin kasmād durbhāṣitaṃ vacaḥ ||
[4.81ab]	parārtho dānaśīlābhyāṃ kṣāntyā vīryeṇa cātmanaḥ |
[4.81cd]	dhyānaṃ prajñā ca mokṣāya mahāyānārthasaṃgraha(26a3)ḥ ||
<220>
[4.82ab]	parātmahitamokṣārthā(ḥ) saṃkṣepād buddhaśāsanam |
[4.82cd]	te ṣaṭpāramitāgarbhās tasmād bauddham idaṃ vaca(ḥ) ||
[4.83ab]	puṇyajñānamayo yatra buddhair bodhimahāpathaḥ |
[4.83cd]	(26a4)deśitas tan mahāyānam ajñānāndhe na mṛṣyate ||
<221>
[4.84ab]	kham ivācintyapuṇyatvād ukto (')cintyaguṇo jinaḥ |
[4.84cd]	mahāyāne yato buddhamāhātmyaṃ kṣamyatām idam ||
[4.85ab]	(26a5)āryaśāradvatasyāpi śīla{ṃ}mātre (')py agocaraḥ |
[4.85cd]	yasmāt tad buddhamāhātmyam acintyaṃ kiṃ na mṛṣyate ||
<222>
[4.86ab]	anutpādo mahāyāne pareṣāṃ śūnyatā kṣayaḥ |
[4.86cd]	kṣayānutpā(26b1)dayoś caikyam arthataḥ kṣamyatāṃ yataḥ ||
[4.87ab]	śūnyatā{ṃ}buddhamāhātmyam evaṃ yuktyānupaśyatām |
[4.87cd]	mahāyānetaroktāni na sameyuḥ kathaṃ satām ||
[4.88ab]	tathāgatābhisaṃdhyoktā(26b2)ny asukhaṃ jñātum ity ataḥ |
[4.88cd]	ekayānatriyānoktād ātmā rakṣya upekṣayā ||
<223>
[4.89ab]	upekṣayā hi nāpuṇyam dveṣāt pāpaṃ kutaḥ śubham |
[4.89cd]	mahāyāne yato (26b3)dveṣo nātmakāmaiḥ kṛto (')rhati ||
[4.90ab]	na bodhisattvapraṇidhi‹r› na caryāpariṇāmanā |
[4.90cd]	uktā‹ḥ› śrāvakayāne (')smād bodhisattvas tataḥ kutaḥ ||
<224>
[4.91ab]	adhiṣṭhānā(26b4)ni noktāni bodhisattvasya bodhaye |
[4.91cd]	buddhair anyat pramāṇaṃ ca ko (')sminn arthe jinādhikaḥ ||
[4.92ab]	adhiṣṭhānāryasatyārthabodhipakṣopasaṃhitāt |
[4.92cd]	mārgāc chrāvaka(26b5)sāmānyād bauddha‹ṃ› kenādhikaṃ phalam ||
[4.93ab]	bodhicaryāpratiṣṭhārthaṃ na sūtre bhāṣitaṃ vacaḥ |
<225>
[4.93cd]	bhāṣitaṃ ca mahāyāne grāhyam asmād vicakṣaṇaiḥ ||
[4.94ab]	yathaiva vaiyākaraṇo (27a1)mātṛkām api pāṭhayet |
[4.94cd]	buddho 'vadat tathā dharmaṃ vineyānāṃ yathākṣamam ||
[4.95ab]	keṣāṃcid avadad dharmaṃ pāpebhyo vinivṛttaye |
[4.95cd]	keṣāṃcit puṇyasiddhyarthaṃ keṣāṃcid dvayaniśri(27a2)tam ||
<226>
[4.96ab]	dvayāniśritam ekeṣāṃ gambhīraṃ bhīrubhīṣaṇam |
[4.96cd]	śūnyatākaruṇāgarbham ekeṣāṃ bodhisādhanam ||
[4.97ab]	iti sadbhi{ḥ}r mahāyāne kartavya{ṃ}ḥ pratigha(27a3)kṣayaḥ |
<227>
[4.97cd]	prasādaś cā{pi}dhikaḥ kāryaḥ samyaksaṃbodhisiddhaye ||
[4.98ab]	mahāyānaprasādena (ta)duktācaraṇena ca |
[4.98cd]	prāpyate (')nuttarā bodhiḥ sarvasaukhyā(27a4)ni cāntarā ||
[4.99ab]	dānaśīlakṣamāsatyaṃ gṛhasthasya viśeṣataḥ |
[4.99cd]	dharma uktaḥ kṛpāgarbhaḥ sa sātmīkriyatāṃ dṛḍham ||
<228>
[4.100ab]	atha lokasya vaidharmyād rājyaṃ dharmeṇa duṣ(27a5)karam |
[4.100cd]	tato dharmayaśo (')rthaṃ te pravrajyādhigamaḥ kṣamaḥ ||

[228,10]

rājaratnāvalyāṃ rājavṛttopadeśo nāma caturthaḥ paricchedaḥ |

{5 pañcama = *bodhisattvācāra}

<229>

[229,2]

pañcamaḥ paricchedaḥ

<230>
[5.1ab]	tataḥ pravra(27b1)jitenādau kāryaḥ (śi)kṣādaraḥ paraḥ |
[5.1cd]	pratimokṣe savinaye bāhuśrutye (')rthanirṇaye ||
[5.2ab]	tato doṣāḥ prahātavyāḥ kṣudravastukasaṃjñitāḥ |
[5.2cd]	yatnena saptapañcā(27b2)śat kīrtyamānān nibodha tān ||
<231>
[5.3ab]	krodhaś cittaprakopo (')sminn upanāho (')nubandhakṛt |
[5.3cd]	pāpapracchādanaṃ mrakṣaḥ pradāśaḥ pāpasaṅgitā ||
[5.4ab]	māye(27b3)ti vañcanā śāṭhya‹ṃ› cittasaṃtānajihmatā |
[5.4cd]	īrṣyā paraguṇais tāpo mātsaryaṃ tyāgabhīrutā ||
<232>
[5.5ab]	ahrīkatānapatrāpye svapareṣā{ṃ}m alajjane |
[5.5cd]	(27b4)asaṃnatikṛta(ḥ) stambhaḥ sa‹ṃ›rambhaḥ kopavibhramaḥ ||
[5.6ab]	mado darpaḥ pramādas tu kuśaleṣv a(pra)yogitā |
[5.6cd]	mānaḥ punaḥ saptavidhas taṃ vakṣyāmi (27b5)prabhedataḥ ||
[5.7ab]	(28a1)tatrābhimanyamānasya hīnād dhīnaṃ samāt samaṃ |
[5.7cd]	hīnād vā{a}dhikam ātmānaṃ samam vā māna ucyate ||
<233>
[5.8ab]	yo (')dhamas tulyam ātmānaṃ viśiṣṭād abhimanyate |
[5.8cd]	so (')bhimāno viśiṣṭebhyo viśiṣṭa‹ṃ› yo 'bhi(28a2)manyate ||
<234>
[5.9ab]	mānātimāno yo (')tyarthaṃ samucchraye samucchrayaḥ |
[5.9cd]	piṭako vātisaṃrabdho gaṇḍopari samutthitaḥ ||
[5.10ab]	yad upādānasaṃjñeṣu skandheṣv eteṣu pañcasu |
[5.10cd]	mohād aham i(28a3)ti grāhaḥ so 'smimāna udāhṛtaḥ ||
[5.11ab]	abhimāno yad aprāpte phale prāptābhimānitā |
<235>
[5.11cd]	pāpakarmakriyā ślāghyā mithyāmānaṃ vindur budhāḥ ||
[5.12ab]	niṣprayojana e(28a4)vāham iti yātmāvasādanā |
[5.12cd]	so (')dhamo māna ity ete saptāpy uktā(ḥ) samāsataḥ ||
<236>
[5.13ab]	kuhanā lābhasatkārahetor indriyasaṃvaraḥ |
[5.13cd]	lapanā lābhasatkāraheto(28a5)ś cāṭupuraskriyā ||
[5.14ab]	naimittikatvaṃ tatprāptyai paradravyapraśa‹ṃ›sanam |
[5.14cd]	naiṣpeṣikatvaṃ lābhārthaṃ samakṣaṃ parapaṃsanam ||
<237>
[5.15ab]	lābhena lipsā lābhānāṃ pūrvalabdhapraśaṃsanaṃ |
[5.15cd]	(28a6)śiṅguḥ prakopitasyānyai(s) tat tad yad anuśiñjanam ||
[5.16ab]	staimityaṃ viklavībhāvo 'pratisaṃkhyānarogajaḥ |
[5.16cd]	ātmopakaraṇe hīne nidrāsaṅgo 'lasasya vā ||
<238>
[5.17ab]	nānātvasaṃjñā (28b1)yā saṃjñā rāgadveṣatamovṛtā |
[5.17cd]	amanaskāram āhus taṃ yac cittasyānavekṣaṇam ||
[5.18ab]	pratirūpakriyāsv ālasyād yā gauravahīnatā |
[5.18cd]	guruṣv abhagavadvṛttir eṣā durjanasa‹ṃ›matā ||
[5.19ab]	gardho (28b2)(')lpaparyavasthānaṃ kāmarāgasamudbhavaṃ |
<239>
[5.19cd]	parigardho (')rtha{pari}kāmotthaṃ paryutthānaṃ mahattaram ||
[5.20ab]	lobhaḥ svadravyasaṃgṛddhirāgāvyavasitamanaḥ |
[5.20cd]	paradravye(28b3)ṣv abhiṣvaṅgo viṣamo lobha ucyate ||
[5.21ab]	adharmarāgo va‹r›jyāsu strīṣv abhiṣvaṅgasādhutā |
[5.21cd]	pāpecchatā nirguṇasya guṇavatprakriyāvidhiḥ ||
<240>
[5.22ab]	mahecchatātipra(28b4)ṇayaḥ saṃtoṣaśrīvilaṅghanaṃ |
[5.22cd]	icchepsutā kathaṃ vidyuḥ sadbhūtai‹r› mā‹ṃ› guṇair iti ||
[5.23ab]	akṣāntir aparādhānāṃ duḥkhānām cāsahiṣṇutā |
[5.23cd]	anācāro ya ā(28b5)cāryagurukāryeṣv anādaraḥ ||
<241>
[5.24ab]	daurvacasya‹ṃ› yad uktaṃ saddharmaṃ nādriyate vaca(ḥ) |
[5.24cd]	vitarko jñātisaṃbandho jñātiṣu snehasaṅgitā ||
[5.25ab]	tathā jālapadas ta[d ya]d a(28b6)tyarthaṃ tadguṇoktitā |
[5.25cd]	tathā 'maravitarko yan na mṛtyubhayaśaṅkitā ||
<242>
[5.26ab]	anuvijñaptisaṃyukto vitarka(ḥ) katham eva mā‹ṃ› |
[5.26cd]	sataiva guṇajātena guruṃ kuryuḥ parā i(29a1)ti ||
[5.27ab]	parānudayatāyukto vitarko yat{a} parān prati |
[5.27cd]	snehavyāpādasaṃsparśād dhitāhitavicintanaṃ ||
[5.28ab]	aratil luptadhairyasya samutkaṇṭhāvilamanaḥ |
<243>
[5.28cd]	tandrī gātrāva(29a2)sādottham ālasyam atarasvinaḥ ||
[5.29ab]	vijṛmbhikā kleśavaśāt kāyavaktravijṛmbhaṇam |
[5.29cd]	bhaktasa‹ṃ›madam atyāśād āhuḥ kāyasya mūrcchana(m) ||
<244>
[5.30ab]	cetolīnatvam uddiṣṭaṃ (29a3)cittasyātyarthadīnatā |
[5.30cd]	kāmacchando vibhāvo yaḥ kāmikāguṇapañcake ||
[5.31ab]	vyāpādo navahetūtthā parasyānarthacetanā |
[5.31cd]	ātmamitravipakṣeṣu traikālyā(29a4)narthaśaṅkinaḥ ||
<245>
[5.32ab]	styānaṃ yat kāyamanasor gurutvād apakarmatā |
[5.32cd]	middhaṃ nidrāndhyam auddhatyaṃ kāyacittāpraśāntatā ||
[5.33ab]	kaukṛtyaṃ kukṛte śokaḥ paścā(29a5)ttā‹pa›samudbhavaḥ |
[5.33cd]	vicikitsā matidvaidhaṃ satyaratnatrayādiṣu ||
[5.34ab]	etāni bodhisattvena tyājyāni yatinādhikaṃ |
[5.34cd]	doṣair etair vinirmukto guṇānā‹ṃ› sevate su(29a6)khaṃ ||
<246>
[5.35ab]	āsevyā bodhisattvena guṇās tatra samāsataḥ |
[5.35cd]	dānaśīlakṣamāvīryadhyānaprajñākṛpādayaḥ ||
[5.36ab]	dānaṃ svārthaparityāgaḥ śīlaṃ parahitakriyā |
[5.36cd]	kṣāntiḥ (29b1)krodhavinirmuktir vīryaṃ śubhaparigraha‹ḥ› ||
<247>
[5.37ab]	dhyānam aikāgryam akliṣṭaṃ prajñā tatvārthaniścayaḥ |
[5.37cd]	{sa}kṛpā sarveṣu sattveṣu karuṇaikarasā matiḥ ||
[5.38ab]	dānād bhogaḥ sukhaṃ (29b2)śīlāt kṣāntyāḥ kānti‹ḥ› śramād dyutiḥ |
[5.38cd]	dhyānāc chāntir mater muktiḥ kṛpā sarvārthasādhanī ||
<248>
[5.39ab]	saptabhiḥ sakalais tv ebhir yugapat pāram āgataiḥ |
[5.39cd]	acintya(29b3)jñānaviṣayaṃ lokanāthatvam āpyate ||
[5.40ab]	yathā śrāvakayāne 'ṣṭāv uktāḥ śrāvakabhūmayaḥ |
[5.40cd]	mahāyāne daśa tathā{gata} bodhisattvasya bhūmayaḥ ||
[5.41ab]	tāsāṃ pū(29b4)rvaṃ pramuditā bodhisattvapramodanāt |
[5.41cd]	saṃyojanatrayahānes tathāgatakulodbhavāt ||
<249>
[5.42ab]	jāyate (')syā vipākena dānapāramitāparaḥ |
[5.42cd]	lokadhā(29b5)tuśatākampī jambūdvīpamaheśvaraḥ ||
[5.43ab]	dvitīyā vimalā nāma kāyavākcittakarmaṇām |
[5.43cd]	daśānām api vaimalyāt prakṛtyā teṣv avasthiteḥ ||
<250>
[5.44ab]	jāya(29b6)te (')syā vipākena śīlapāramitāparaḥ |
[5.44cd]	saptaratnaprabhuḥ śrīmāṃś cakravartī jagaddhitaḥ ||
[5.45ab]	caturdvīpeśvaro rājā jāyate (')syā vipākataḥ |
[5.45cd]	kuśa(30a1)laḥ sarvasatvānāṃ dauśīlyavinivartane ||
[5.46ab]	prabhākarī tṛtīyā bhū śāntajñānaprabhodbhavāt |
<251>
[5.46cd]	dhyānābhijñāsamutpādād rāgadveṣaparikṣayāt ||
[5.47ab]	jāyate (')syā vi(30a2)pākena kṣāntipāramitādhikaḥ |
[5.47cd]	kṛtī mahendro devānāṃ kāmarāganivartakaḥ ||
[5.48ab]	caturthy arciṣmatī nāma samyagjñānārcirudbhavāt |
<252>
[5.48cd]	bhāvanād bodhipakṣāṇāṃ sakalā(30a3)nāṃ viśeṣataḥ ||
[5.49ab]	jāyate (')syā vipākena suyāmālayadevarāṭ |
[5.49cd]	satkāyadṛṣṭisaṃparkasamudghātakaraḥ kṛ(30a4)tī ||
[5.50ab]	sudurjayā pañcamī tu sarvamāraiḥ sudurjayāt |
[5.50cd]	āryasatyādisūkṣmārthajñānakauśalasaṃbhavāt ||
<253>
[5.51ab]	jāyate (')syā vipākena tuṣitāla(30a5)yadevarāṭ |
[5.51cd]	sarvatīrthyakarakleśadṛṣṭisthānanivartakaḥ ||
[5.52ab]	ṣaṣṭhī tv abhimukhī nāma buddhadharmābhimukhyataḥ |
[5.52cd]	vipaśyanāśamābhyāsān nirodhāvāptipuṣka(30a6)lā ||
<254>
[5.53ab]	jāyate (')syā vipākena devarājaḥ sunirmitaḥ |
[5.53cd]	śrāvakāṇām asaṃhārya ādhimānikaśaṃkaraḥ ||
[5.54ab]	dūraṃgamā saptamī tu saṃkhyādūraṃgamānvayāt |
[5.54cd]	āpadyate (30b1)nirodhaṃ ca yasmād asyāṃ kṣaṇe kṣaṇe ||
<255>
[5.55ab]	jāyate (')syā vipākena vaśavarty amarādhipaḥ |
[5.55cd]	āryasatyābhisamayajñānācāryamahānṛpaḥ ||
[5.56ab]	kumārabhūmir acalā niścalatvā(30b2)t tathāṣṭamī |
[5.56cd]	nirvikalpā tathācintyakāyavākcittagocarā ||
[5.57ab]	sahasrādhipati‹r› brahmā jāyate (')syā vipākataḥ |
[5.57cd]	arhatpratyekabuddhādyair asaṃhāryo (')rthanirṇa(30b3)ye ||
<256>
[5.58ab]	bhūmisādhumatī nāma navamī yauvarājyavat |
[5.58cd]	asyāṃ sādhvī matir yasmāt saṃprāpya pratisaṃvidā‹m› ||
[5.59ab]	dvisāhasrādhipo brahmā jāyate (')syā vipākataḥ |
[5.59cd]	(30b4)sattvāśayaparipraśneṣv asaṃhāryo (')rhadā‹di›bhi‹ḥ› ||
<257>
[5.60ab]	daśamī dharmameghā tu saddharmāmbhobhivarṣaṇāt |
[5.60cd]	bodhisattvābhiṣekāc ca buddharaśmyabhiṣecanāt ||
[5.61ab]	jāyate (')syā(30b5)vipākena śuddhāvāso (')marādhipaḥ |
[5.61cd]	acintyajñānaviṣayo vibhur agryo maheśvaraḥ ||
<258>
[5.62ab]	ity etā bodhisattvānāṃ bhūmayo daśa kīrtitāḥ |
[5.62cd]	buddhānāṃ bhū(30b6)mir anyā tu sarvathāmeyavistarā ||
[5.63ab]	kathyate kevalam asau bandhitā daśabhibaleḥ |
[5.63cd]	balam ekaikam asyāś ca jagat sarvam ivāmitam ||
[5.64ab]	etāvatī tu vācyā syād buddhā(31a1)nām aprameyatā |
[5.64cd]	sarvadikṣu yathākāśabhūjalānilatejasām ||
<259>
[5.65ab]	buddhānā{ṃ}m aprameyatvam aśraddheyam idaṃ bhavet |
[5.65cd]	yadi hetor na dṛśyeta tāvaty evāprameyatā ||
[5.66ab]	tadarthaṃ pratimā(31a2)stūpapurastād anyathāpi vā |
[5.66cd]	trai{vā}kālye divasasyedaṃ vyāhāryaṃ ślokaviṃśakam ||
[5.67ab]	buddhā{nā}ṃs taddharmasaṃghāṃś ca bodhisattvāṃś ca sarvaśaḥ |
[5.67cd]	praṇamya śaranaṃ ga(31a3)tvā vande vandyāṃs tathādarāt ||
<260>
[5.68ab]	karomi virati‹ṃ› pāpāt sarvapuṇyaparigrahaṃ |
[5.68cd]	sarvapuṇyāni sarveṣā{ṃ}m anumode śarīriṇām ||
[5.69ab]	mūrdhnā« »praṇamya saṃbuddhān adhye(31a4)ṣyāmi kṛtāñjaliḥ |
[5.69cd]	dharmacakrapravṛttyarthaṃ sthitaye ca jagatsthiteḥ ||
<261>
[5.70ab]	yad evaṃ kurvataḥ puṇya‹ṃ› yac ca me 'nya{ta}kṛtākṛta‹m› |
[5.70cd]	tenāstu sarvasattvānāṃ bodhici(31a5)ttam anuttaraṃ ||
[5.71ab]	sarve sarvākṣaṇātītāḥ paripūrṇāmalendriyāḥ |
[5.71cd]	santu svājīvasampannāḥ sattvāḥ svāyatavṛttayaḥ ||
[5.72ab]	sarvopakaraṇānantyaratnapāṇi(31a6)tvasaṃhita‹m› |
[5.72cd]	āsaṃsārād anucchinna‹ṃ› sarveṣām astu dehinā‹m› ||
<262>
[5.73ab]	puruṣottamatā strīṇāṃ sarvāsām astu sarvadā |
[5.73cd]	vidyācaraṇasaṃpac ca sarveṣām eva dehinā‹m› ||
[5.74ab]	varṇavanto mahau(31b1)jaskāḥ surūpāḥ priyadarśanāḥ |
[5.74cd]	arogā balavantaḥ syur āyuṣmantaś ca dehinaḥ ||
[5.75ab]	sarvadu‹ḥ›khabhayair muktā ratnatrayaparāyaṇāḥ |
[5.75cd]	upāyakuśalāḥ sarve buddhadha(31b2)rmamahādhanāḥ ||
<263>
[5.76ab]	maitrīkaruṇāmuditākleśopekṣavihāriṇaḥ |
[5.76cd]	dānaśīlakṣamāvīryadhyānaprajñāvibhūṣitāḥ ||
[5.77ab]	sarvasaṃbhārasaṃpūrṇāḥ lakṣaṇavyañja(31b3)nojjvalāḥ |
[5.77cd]	bhavantu tu daśācintyavaśitābhūmilābhinaḥ ||
[5.78ab]	ahaṃ caibhi‹r› guṇai‹r› yuktaḥ sarvaiś cānyair alaṃkṛtaḥ |
[5.78cd]	syāṃ sarvadoṣamuktaś ca sarvasattvāgrava(31b4)tsalaḥ ||
<264>
[5.79ab]	pūrayeyaṃ śubhān sarvān sarvasattvamanorathān |
[5.79cd]	sarvadu‹ḥ›khaharaś ca syā‹ṃ› sarvadā sarvadehinām ||
[5.80ab]	ye ca kecid bhayodvignāḥ sarvalokeṣu jantava(31b5)ḥ |
[5.80cd]	atyantanirbhayās te syur mannāmaśravaṇād api ||
<265>
[5.81ab]	prasannāḥ kupitāḥ svasthā da‹r›śanasparśanāc ca me |
[5.81cd]	nāmamātraśravāc ca syuḥ saṃbodhiniyatā janāḥ ||
[5.82ab]	a(31b6)bhijñāḥ prāpnuyā‹t› pañca sarvajanmānugāminī(ḥ) |
[5.82cd]	sarvaśaḥ sarvasattvānāṃ kuryāt hitasukhe sadā ||
[5.83ab]	ye pāpāni cikīrṣanti sarvalokeṣu jantavaḥ |
<266>
[5.83cd]	vārayeyam nirāpī(32a1)ḍāṃ tān sarvān yugapat sadā ||
[5.84ab]	pṛthivītoyavāyvagnibhaiṣajyāraṇyavṛkṣavat |
[5.84cd]	svair anāvṛtabhogyaḥ syāṃ sarvaprāṇabhṛtāṃ sadā ||
[5.85ab]	prāṇapriyaḥ syāṃ sattvānāṃ te syuḥ pri(32a2)yatamāś ca me |
[5.85cd]	teṣāṃ pāpaṃ mayi pacyet macchubhaṃ teṣu cākhilaṃ ||
<267>
[5.86ab]	yāvad eko 'py amuktaḥ syāt sattvaḥ kaścid iha kvacit |
[5.86cd]	tāvat tadarthaṃ tiṣṭheyaṃ bodhiṃ prāpyāpy a(32a3)nuttarām ||
[5.87ab]	yad evaṃ vadataḥ puṇyaṃ yadi tan mūrtimad bhavet |
[5.87cd]	gaṅgāyāḥ sikatākhyeṣu na māyāl lokadhātuṣu ||
<268>
[5.88ab]	uktam etad bhagavatā hetur apy atra dṛśyate |
[5.88cd]	sattvadhā(32a4)tor ameyasya hitā śaṃseyam īdṛśī ||
[5.89ab]	iti dharmaḥ samākhyātaḥ saṃkṣepāt tava yo mayā |
[5.89cd]	priyaḥ sa te (')stu satataṃ yathātmā satataṃ priyaḥ ||
[5.90ab]	priyaś ca yasya dharmaḥ (32a5)syāt tasyaivātmā priyo (')rthataḥ |
<269>
[5.90cd]	priyasya ca hitaṃ kāryaṃ dharmād bhavati tat kṛtaṃ ||
[5.91ab]	bhajātmavad ato dharmaṃ pratipattiṃ ca dharmavat |
[5.91cd]	pratipattim iva prajñāṃ prajñām i(32a6)va ca paṇḍitān ||
<270>
[5.92ab]	śucisnigdha‹ṃ› buddhimantaṃ (ni)gṛhyahitavādinam |
[5.92cd]	śaṃketa yaḥ svadaurātmyāt sa svakāryaṃ vināśayet ||
[5.93ab]	śucisnigdhasya viduṣo nigṛhyahitavādinaḥ |
[5.93cd]	sanā(32b1)tho 'smīti nṛpate‹r› niryātyātmānam āśvasa ||
<271>
[5.94ab]	eṣāṃ kalyāṇamitrāṇā‹ṃ› viddhi saṃkṣepalakṣaṇām |
[5.94cd]	saṃtoṣaḥ karuṇā śīla‹ṃ› prajñā ca kleśaśātanī ||
[5.95ab]	ebhis tavopadeṣṭavya‹ṃ› jñātvā kā(32b2)ryaṃ tvayādarāt |
[5.95cd]	anayā nayasaṃpattyā parāṃ siddhim avāpsyasi ||
[5.96ab]	sarvasattvapriyābhāṣī sukhaśīlo durāsadaḥ |
<272>
[5.96cd]	nītimān nikṛtidveṣī svatantraḥ svavacā bhava(32b3){ḥ} ||
[5.97ab]	sudānto 'nuśayatyāgī tejasvī śāntamānasaḥ |
[5.97cd]	adīrghasūtro 'capalo niḥsādhyo bhava dakṣiṇaḥ ||
[5.98ab]	bhava pūrṇenduvat saumyas tejasvī śaradarkava(32b4)t |
[5.98cd]	samudra iva gambhīraḥ sthiradharmaḥ sumeruvat ||
<273>
[5.99ab]	sarvadoṣavini‹r›mukto guṇaiḥ sarvair alaṃkṛtāḥ |
[5.99cd]	sarvasattvopajīvyaś ca bhava sarvajña eva ca ||
[5.100ab]	na ke(32b5)valam ayaṃ dharmo rājña evopadiśyate |
[5.100cd]	anyebhyo (')pi yathāyogaṃ sattvebhyo hitakāmyayā ||
<274>
[5.101ab]	imāṃ parikathāṃ rājan pratyahaṃ śrotum arhasi |
[5.101cd]	ātmanaś ca (32b6)pareṣāṃ ca samyaksaṃbodhisiddhaye ||
[5.102ab]	śīle gauravam uttamaṃ gurujane kṣāntiṃ tathānī‹r›ṣyatāṃ, mātsaryāpagamaṃ parārthadhanitāṃ kṛtvā nirāśatsatāṃ |
[5.102cd]	kṛcchrāpannahi(33a1)tā krayā sadasato saṃpragrahāpagrahau, saddharmasya parigrahaś ca satataṃ kāryo 'rthibhir bodhaye ||

<275>

[275,10]

puṇyajñānam{a} hetu saugatakathā garbhāṃ priyāṃ dhāmatāṃ sambodhaiḥ
parāmārtha saṃvṛ(33a2)tiguṇāṃ saddharmaratnāvalī yat puṇyaṃ vipulaṃ mayā
jitam imāṃ tatyā vicintyāt na mānenedaṃ nikhilaṃ jagaccham{a} sukhabauddhaṃ
padaṃ prāpnuyāt

[275,14]

āryaratnāvalī nāma parikathā samāptāḥ || kṛtir iyam āryanāgājunapādānām iti || ye 
dharmā hetuprabhavā hetun || || teṣān tathāgato hy avadat tesāñ ca yo nirodha e || || 
va‹ṃ›vādī mahāśramaṇaḥ || deyadharmo (')yaṃ prava || || ramahāyānayāyina