(p.1, l.8)(nepathyābhimukhamavalokya ।)  ārye, itastāvat ।

(p.1, l.9)(praviśya)

(p.1, l.10)ajja, iaṃ mhi । ko ṇioo āṇavedu ।ārya, iyamasmi । ko niyoga ājñāpayatu ।

(p.1, l.11)adya khalvādiṣṭo'smi vimalataranijakīrtikarpūrakaraṇḍī-
(p.1, l.12)kṛtanikhilabrahmāṇḍena digantadantāvalakumbhamaṇḍalamaṇḍanāyamānapratāpasi-
(p.1, l.13)ndūreṇa sakalakalākalāpakovidena vidyāraṇyaśrīcaraṇāravindavandanamahotsa-
(p.1, l.14)vamilitenāmunā sāmājikena, yathā —

• • (p.2, l.1)unmattarāghavaṃ nāma yatprekṣāṇakamuktavān ।
  • (p.2, l.2)bhāskaraḥ kṛtināṃ mānyastattvayādya nirūpyatām ॥ 2 ॥

(p.2, l.3)iti । tadādiśyatāṃ prayatnaḥ ।

(p.2, l.4)(savimarśam ।) bahuviṇṇāṇakusalo kkhu eso sabhājaṇo । kahaṃ
(p.2, l.5)se hiaaṃ āvajjiduṃ sakkhiadi ।bahuvijñānakuśalaḥ khalveṣa sabhājanaḥ । kathamasya hṛdayamāvarjayituṃ śakyate ।

(p.2, l.6)mā maivaṃ vaktavyam । viśeṣajñānāmeva guṇagrāhitā naisa-
(p.2, l.7)rgikī । ataste sukhamāvarjanīyāḥ । śṛṇu ।

• • (p.2, l.8)vijñānaviśadameva hi cetaḥ sujanasya śakyate hartum ।
  • (p.2, l.9)pariśuddhameva lohaṃ sutarāṃ karṣatyayaskāntaḥ ॥ 3 ॥

(p.2, l.10)hodu । jaṃ aṇantarakaraṇijjaṃ taṃ ajjo ṇirūvedu ।bhavatu । yadanantarakaraṇīyaṃ tadāryo nirūpayatu ।

(p.2, l.11)nanvidānīṃ vartate vasantasamayaḥ । tathā hi ।

• • (p.2, l.12)mākandāliṃ malayapavanā mandamāndolayante
    (p.2, l.13)majjatyasyā madhukarayuvā mañjarīṇāṃ marande ।
  • (p.2, l.14)āsevante mukulanikarānāsamantādaśokā
    (p.2, l.15)vaktuṃ mattāḥ pikayuvatayaḥ pañcamaṃ prārabhante ॥ 4 ॥

(p.2, l.16)devi, tatsamayocitaṃ kiṃcidgīyatām ।

(p.2, l.17)(gāyati ।)

• • (p.2, l.18)jassa hi mahū amacco dakkhiṇapavaṇo varūhiṇīṇāho ।
  • (p.2, l.19)piabhamarāṇuaro so jedu ciraṃ vammaho rāo ॥ 5 ॥
  • yasya hi madhuramātyo dakṣiṇapavano varūthinīnāthaḥ ।
  • priyabhramarānucaraḥ sa jayatu ciraṃ manmatho rājā ॥

(p.2, l.20)sādhu gītam । (anyato'valokya ।)  ārye, itaḥ paśya ।

• • (p.2, l.21)manoharāṇāmapi mañjarīṇāṃ vihāya jālāni viśeṣalipsuḥ ।
  • (p.2, l.22)latāntarāṇyeti madhuvratāliḥ sītā yatheyaṃ kusumeṣu lobhāt ॥ 6 ॥

(p.2, l.23)(iti niṣkrāntau ।)


(p.2, l.24)prastāvanā ।

(p.3, l.2)halā jāṇaï, aggado evva kusumāiṃ dīsandi । kiṃ aṇṇado
(p.3, l.3)diṇṇadiṭṭhī gacchasi ।sakhi jānaki, agrata eva kusumāni dṛśyante । kimanyato dattadṛṣṭirgacchasi ।

(p.3, l.4)halā mahuarie, ido vi puraṭṭhide kāṇaṇantare maṇoharāiṃ
(p.3, l.5)kusumāiṃ dīsandi । tā ahilāseṇa gacchāmi ।sakhi madhukarike, ito'pi puraḥsthite kānanāntare manoharāṇi kusumāni dṛśyante । tasmādabhilāṣeṇa gacchāmi ।

(p.3, l.6)halā jāṇaï, dāṇiṃ vi amhāṇaṃ aparicido padeso ।
(p.3, l.7)kāṇaṇesu sāvāṇuggahasamatthā isiṇo ciṭṭhanti । ado jassiṃ kassiṃ vi
(p.3, l.8)assame kusumesu gahidesu jo ko vi kuppaï । rāmabhaddo vi tuha piaṃ kāduṃ
(p.3, l.9)kaṇaamia geṇhia miaāvāvārādo dāṇiṃ evva ṇivaṭṭissadi । tā
(p.3, l.10)ettiehiṃ kusumehiṃ ṇivattemo ।sakhi jānaki, idānīmapyasmākamaparicitaḥ pradeśaḥ । kānaneṣu śāpānugrahasamarthā ṛṣayastiṣṭhanti । ato yasminkasminnapyāśrame kusumeṣu gṛhīteṣu yaḥ ko'pi kupyati । rāmabhadro'pi tava priyaṃ kartuṃ kanakamṛgaṃ gṛhītvā mṛgayāvyāpārādidānīmeva nivartiṣyate । tasmādetāvadbhiḥ kusumairnivartāvahe ।

(p.3, l.11)savvajaṇasāhāraṇāiṃ kkhu vaṇaladāiṃ phalapupphamūlāiṃ ṇaīja-
(p.3, l.12)lāiṃ a । ado kiṃṇimittaṃ jo ko vi kuppadi । (puṣpabhājanaṃ vilokya ।)  a-
(p.3, l.13)jjaüttassa devvaccaṇopajuttāiṃ kusumāiṃ pajjattāiṃ । ido puraṭṭhide kāṇaṇantare
(p.3, l.14)maṇoharāiṃ kusumāiṃ ahigeṇhia uḍaaṃ gacchamho ।sarvajanasādhāraṇāni khalu vanalatāḥ phalapuṣpamūlāni nadījalāni ca । ataḥ kiṃnimittaṃ yaḥ ko'pi kupyati । āryaputrasya devārcanopayuktāni kusumāni paryāptāni । itaḥ puraḥsthite kānanāntare manoharāṇi kusumānyabhigṛhyoṭajaṃ gacchāvaḥ ।

(p.3, l.15)(ityubhe prasthite ।)

(p.4, l.1)(sadṛṣṭikṣepam ।) halā, ido bhamaro kiṃṇimittaṃ saṃbhamanto desu
(p.4, l.2)desu ladāviḍavesu kusumakoḍaresu āluṭhanto paribbhamaï ।sakhi, ito bhramaraḥ kiṃnimittaṃ saṃbhramaṃsteṣu teṣu latāviṭapeṣu kusumakoṭareṣvāluṭhanparibhramati ।

(p.4, l.3)(vibhāvya ।) halā, maarandapāṇaṇiccalapakkhadāe palla-
(p.4, l.4)vantaridaṃ imaṃ sahaariṃ bhamariṃ avekkhanto aviloaṇaveaṇāe ṇūṇaṃ u-
(p.4, l.5)mmatto saṃvutto ।sakhi, makarandapānaniścalapakṣatayā pallavāntaritāmimāṃ sahacarīṃ bhramarīmaprekṣamāṇo'vilokanavedanayā nūnamunmattaḥ saṃvṛttaḥ ।

(p.4, l.6)(vilokya ।)  halā, sāhu lakkhidaṃ tue ।sakhi, sādhu lakṣitaṃ tvayā ।

(p.4, l.7)amhahe । savisesaṃ paribbhamanto vi eso sahaariṃ ṇa
(p.4, l.8)pekkhadi ।āścaryam । saviśeṣaṃ paribhramannapyeṣa sahacarīṃ na paśyati ।

(p.4, l.9)mahuarie, saṃjojehi ṇam ।madhukarike, saṃyojayainam ।

(p.4, l.10)imiṇā sahaāradaṇḍena mañjariṃ tāḍia maarandapāṇa-
(p.4, l.11)ṇiccalaṃ bhamariṃ uṭṭhāvemi । (tathā kṛtvā ।)  amhahe । mañjarīe uṭṭhidāe tāe
(p.4, l.12)sahaarīe saṃgado imo mahuaro māhavīmaṇḍavaṃ ahiruhia mahurasaṃ pi-
(p.4, l.13)banto suhaṃ vaṭṭaï । (vanāntaraṃ vilokya sāvegam ।)  kahiṃ gadā jāṇaī । (puna-
(p.4, l.14)rvilokya ।)  amhahe । ṇa kassiṃ vi dīsaï । (vanāntaraṃ praviśya sarvatrānviṣyantī ।)
(p.4, l.15)amhahe । iaṃ maṇoharākidī kā vi hariṇī siṇiddhāe diṭṭhie maṃ pekkhia
(p.4, l.16)ṇissarantehiṃ ṇaaṇasalilehiṃ sahīsiṇehaṃ sūaadi । maha hiaaṃ vi
(p.4, l.17)edassiṃ ciraparicidaṃ via vissaddhaṃ hodi । ahavā imāe jaṇaṇantarasa-
(p.4, l.18)hīe hodavvam । (iti sasaṃbhramaṃ paribhramantī savimarśam ।)  ettha mahesiṇo a-
(p.4, l.19)ssamappahāvādo duṭṭhamiāṇaṃ saṃcāro ṇatthi । tā kahiṃ patthidā jāṇaïtti me
(p.4, l.20)accariaṃ hodi । (niḥśvasya ।)  mandabhāiṇī ahaṃ khu । miaāvāvārādo ṇi-
(p.5, l.1)uttassa rāmabhaddassa kahaṃ kahaïssam । rāmabhaddo vi suṇia kīrisaṃ avattha-
(p.5, l.2)ntaraṃ aṇuhavissaditti vevaï me hiaam ।anena sahakāradaṇḍena mañjarīṃ tāḍayitvā makarandapānaniścalāṃ bhramarīmutthāpayāmi । āścaryam । mañjaryā utthitayā tayā sahacaryā saṃgato'yaṃ madhukaro mādhavīmaṇḍapamadhiruhya madhurasaṃ pibansukhaṃ vartate । kutra gatā jānakī । āścaryam । na kutrāpi dṛśyate । āścaryam । iyaṃ manoharākṛtiḥ kāpi hariṇī snigdhayā dṛṣṭyā māṃ dṛṣṭvā niḥsaradbhirnayanasalilaiḥ sakhīsnehaṃ sūcayati । mama hṛdayamapyetasyāṃ ciraparicitamiva visrabdhaṃ bhavati । athavānayā jananāntarasakhyā bhavitavyam । atra maharṣerāśramaprabhāvādduṣṭamṛgāṇāṃ saṃcāro nāsti । tasmātkutra prasthitā jānakīti ma āścaryaṃ bhavati । mandabhāginyahaṃ khalu । mṛgayāvyāpārānnivṛttasya rāmabhadrasya kathaṃ kathayiṣye । rāmabhadro'pi śrutvā kīdṛśamavasthāntaramanubhaviṣyatīti vepate me hṛdayam ।

(p.5, l.3)(nepathye kalakalaḥ ।)

(p.5, l.4)ido tado vi saṃbhamantā tāvasajaṇā dīsanti । ado
(p.5, l.5)rāmabhaddo vi āacchaditti takkemi ।itastato'pi saṃbhramantastāpasajanā dṛśyante । ato rāmabhadro'pyāgacchatīti tarkayāmi ।

(p.5, l.6)(punarnepathye ।)

• • (p.5, l.7)saṃmṛjyantāṃ padavyaḥ karadhṛtakalaśāvarjitaistoyapūraiḥ
    (p.5, l.8)sicyantāmāsamantādaviralamabhitaḥ kīrṇapuṣpāḥ kriyantām ।
  • (p.5, l.9)jīvagrāhaṃ gṛhītvā kanakamṛgamasau jānakīprītihetoḥ
    (p.5, l.10)saṃprāptaḥ kānanāntātsamadhikamahimā satvaraṃ rāmabhadraḥ ॥ 7 ॥

(p.5, l.11)ayaṃ hi

• • (p.5, l.12)pratipadamupamanuyāntaṃ lakṣmaṇaṃ vīkṣya kiṃci-
    (p.5, l.13)dvalitanayanakoṇenādarādbhāṣamāṇaḥ ।
  • (p.5, l.14)śramajalalasadāsyaḥ śobhate cāpadaṇḍaṃ
    (p.5, l.15)śithilitaguṇabandhaṃ skandhadeśe dadhānaḥ ॥ 8 ॥

(p.6, l.1)(sasaṃbhramam ।) ae, kaṇaamiaṃ geṇhia antiattheṇa
(p.6, l.2)lakkhaṇeṇa kiṃ vi mantaanto rāmabhaddo evva āacchadi । ahaṃ se maggaṃ
(p.6, l.3)pariharia ciṭṭhāmi ।aye, kanakamṛgaṃ gṛhītvāntikasthena lakṣmaṇena kimapi mantrayanrāmabhadra evāgacchati । ahamasya mārgaṃ parihṛtya tiṣṭhāmi । (tathā karoti ।)

(p.6, l.4)(tataḥ praviśati yathānirdiṣṭaḥ salakṣmaṇo rāmaḥ ।)

(p.6, l.5)vatsa, nūnamimaṃ kanakamṛgaṃ vilokya jānakī saviśeṣaṃ tuṣyati ।

(p.6, l.6)vacanamātreṇa devyāḥ kutūhalaṃ nivartayatastavāyaṃ prasāda
(p.6, l.7)eva kanakamṛgalābhādapi mahāntaṃ paritoṣamāpādayati ।

(p.6, l.8)(nimittamabhinīya ।)  vatsa, mahāmuneragastyasya sāmarthyādapa-
(p.6, l.9)gatasakalabhaye tapovane sakhyā madhukarikayā saha vartamānāmapi jānakīṃ
(p.6, l.10)vicintya, aparicitapradeśatayā manaḥ śaṅkākulamāste ।

(p.6, l.11)premaviśeṣo hi priyajane prathamaṃ pramādameva cintayati ।

(p.6, l.12)(saniḥśvāsam ।) savvahā jadākadāvi kahaṇijjo jevva
(p.6, l.13)so uttanto । tā gacchamhi । dāṇiṃ evva kahemi ।sarvathā yadākadāpi kathanīya eva sa vṛttāntaḥ । tadgacchāmi । idānīmeva kathayāmi । (upasarpati ।)

(p.6, l.14)(madhukarikāṃ dṛṣṭvā svagatam ।)  ekākinī dīnamukhī madhuka-
(p.6, l.15)rikā samāgacchati । sarvathātyāhitena bhavitavyaṃ devyāḥ sītāyāḥ ।

(p.6, l.16)jedu mahārāo ।jayatu mahārājaḥ ।

(p.6, l.17)madhukarike, kvāste jānakī ।

(p.6, l.18)(sagadgadam ।) devva, tumhāṇaṃ devvaccaṇāe uḍaasamī-
(p.6, l.19)vaṭṭhidāsu ladāsu kusumāiṃ avaciṇomi tti ṇiggadā ।deva, yuṣmākaṃ devārcanāyai uṭajasamīpasthitāsu latāsu kusumānyavacinomīti nirgatā ।

(p.7, l.1)devatārcanākusumānyavacetavyānyeva ।

(p.7, l.2)(svagatam ।)  kimataḥparaṃ kathayiṣyatīti kampate me cetaḥ ।
(p.7, l.3)(prakāśam ।)  tatastataḥ ।

(p.7, l.4)maṇoharāiṃ kusumāiṃ dīsandi tti idaṃ kāṇaṇantaraṃ pa-
(p.7, l.5)viṭṭhā jāṇaī aṇṇesandīe mae ṇa diṭṭhā ।manoharāṇi kusumāni dṛśyanta itīdaṃ kānanāntaraṃ praviṣṭā jānakī anveṣantyā mayā na dṛṣṭā ।

(p.7, l.6)hā, hato'smi ।

• • (p.7, l.7)jvalattuṣārāgnikaṇopamāni sītā na dṛṣṭeti durakṣarāṇi ।
  • (p.7, l.8)karṇaṃ praviṣṭāni haṭhādamūni sarvāṅgatāpaṃ janayanti hanta ॥ 9 ॥

(p.7, l.9)kaṣṭam । atidāruṇo daivadurvipākaḥ ।

• • (p.7, l.10)ambājanaṃ ca pitaraṃ ca sahodarau ca
    (p.7, l.11)rājyaṃ ca tāni bhavanāni sabāndhavāni ।
  • (p.7, l.12)daivādvihāya vipine vasatāṃ tathāpi
    (p.7, l.13)hantātiduḥkhamaviṣahyamupāgataṃ naḥ ॥ 10 ॥

(p.7, l.14)hā jānaki,

• • (p.7, l.15)virahaṃ mama soḍhumakṣamā tvaṃ vanavīthīṣvapi māmanudrutāsi ।
  • (p.7, l.16)akṛtāgasamenamadya muktvā vada kutrāsi kuraṅgaśāvanetre ॥ 11 ॥

(p.7, l.17)(svagatam ।)  imamāryaḥ paśyati cedatipīḍito bhaviṣyati ।
(p.7, l.18)tadenaṃ preṣayāmi । (apavārya ।)  madhukarike, imamuṭajaṃ naya । ahamāryasamīpe
(p.7, l.19)tiṣṭhāmi ।

(p.7, l.20)(kanakamṛgamādāya ।) taha । (iti niṣkrāntā ।) tathā ।

• • (p.7, l.22)prāṇapriyāṃ prāptavatīṃ kaṭhorāmakīrtitavyāṃ padavīmakāṇḍe ।
  • (p.7, l.23)trailokyalāvaṇyalalāmabhūtāṃ hā jānakīṃ kutra vilokayāmi ॥ 12 ॥

(p.8, l.1)kimevaṃ khidyase । idaṃ vanaṃ praviśyānviṣyadbhirdṛśyate devī ।

(p.8, l.2)mandabhāgyayormama cakṣuṣorataḥparaṃ kutaḥ sītādarśanasukham ।
(p.8, l.3)tathāpi pratipādaya ।

(p.8, l.4)ita itaḥ ।

(p.8, l.5)(ubhau parikramya vanaṃ praviśataḥ ।)

(p.8, l.6)ārya, sikatāvati pradeśe spaṣṭaṃ pratīyate devyāḥ padapaddhatiḥ ।

(p.8, l.7)(vilokya ।)  nūnamiyaṃ priyāyāścaraṇasaraṇiḥ । tathā hi ।

• • (p.8, l.8)sa evāṅgulivinyāsaḥ sa eva caraṇakramaḥ ।
  • (p.8, l.9)tadevālpapradeśatvaṃ saiva vikṣepacāturī ॥ 13 ॥

(p.8, l.10)(niḥśvasya ।)

• • (p.8, l.11)praṇatātpraṇayāparādhakāle śiraso me patitaiḥ prasūnajālaiḥ ।
  • (p.8, l.12)kṛtapūjanayormṛgekṣaṇāyāḥ padayoratra vilokayāmi mudrām ॥ 14 ॥

(p.8, l.13)(padasaraṇimanusaran । vilokya ।)

• • (p.8, l.14)aśrubinducayamañjanāñcitaṃ muñcatī praṇayakopanirgatam ।
  • (p.8, l.15)pāṭalaṃ vinamitaṃ mukhāmbujaṃ bibhratīyamiha dṛśyate priyā ॥ 15 ॥

(p.8, l.16)(upasṛtya ।)  priye, prasīda prasīda ।

• • (p.8, l.17)ayi muñca ruṣaṃ tava prasannaṃ jitapūrṇendu mukhāravindamastu ।
  • (p.8, l.18)praṇatiṃ kalayannahaṃ tvadīyāṃ padalākṣāṃ paripālayāmi mūrdhnā ॥ 16 ॥

(p.8, l.19)(iti tatrasthitāṃ pādamudrāṃ praṇamati ।)

(p.8, l.20)kaṣṭamāryasyonmādadaśā vartate । ārya, na jānakī । (iti
(p.8, l.21)mūrdhānamunnamayati ।)

(p.8, l.22)(utthāya sthalapadminīṃ vilokya ।)  madhubharanamitaprasūnāṃ mahītala-
(p.8, l.23)galitamakarandapānāya kamalodarādāpatantyā madhukaramālayā sa me tāmaruṇāṃ
(p.8, l.24)sthalapadminīṃ vilokya mūḍho'smi ।

(p.8, l.25)aho, jñānājñānayoḥ saṃkaraḥ । tathā hi ।

• • (p.8, l.26)vākyāni kānicidayuktatarāṇi vakti
    (p.8, l.27)brūte ca kānyapi tathāpi yathārthavanti ।
  • (p.9, l.1)ārye sahaiva vasatastadabodhabodhau
    (p.9, l.2)chāyātapāviva tale'lpadaladrumasya ॥ 17 ॥

(p.9, l.3)bhavatu । etāmeva pṛcchāmi ।

• • (p.9, l.4)tvāmāgateyaṃ padapaṅktirasyāḥ prayaccha me padmini padmavaktrām ।
  • (p.9, l.5)na cettadīyāṃ caraṇābjamudrāṃ pradarśayānyatra vinirgatāṃ me ॥ 18 ॥

(p.9, l.6)(vibhāvya ।)  iyamapi calitakamalamukhasaṃjñayā padapaddhatimitaḥ prayātāmāve-
(p.9, l.7)dayati ।

(p.9, l.8)itaḥ sahakāravāṭikāmupagatā pādamudrā ।

(p.9, l.9)(ubhau cūtavāṭikāmupasarataḥ ।)

(p.9, l.10)(svagatam ।)  āryasya hṛdayamanyato nayāmi । (prakāśam ।)

• • (p.9, l.11)kisalayaparipāṭīṃ kiṃcidagre vidhunva-
    (p.9, l.12)npratipadamupa(manu)  yātaḥ paṅktibhiḥ ṣaṭpadānām ।
  • (p.9, l.13)abhinavamakarandānāharanmañjarīṇāṃ
    (p.9, l.14)malayaśikharijanmā māruto yāti mandam ॥ 19 ॥

(p.9, l.15)aye, virahijanavanadāvānalaḥ samīraṇaḥ ।

• • (p.9, l.16)sarvasya jagataḥ prāṇa iti tvāṃ bruvate vṛthā ।
  • (p.9, l.17)jagadantaḥsthitasyaiva yato me prāṇahārakaḥ ॥ 20 ॥

(p.9, l.18)tathā hi ।

• • (p.9, l.19)aṅgaṃ yadi priyāyāḥ spṛṣṭaṃ bhavatā śirīṣasukumāram ।
  • (p.9, l.20)tarhyāliṅga mamāṅgānyapasara tūrṇaṃ na cetpavana ॥ 21 ॥

(p.9, l.21)(vibhāvya ।)  bhavatu, preyasīmeva pṛcchāmi ।

• • (p.9, l.22)jagatprāṇa mama prāṇakāntā kāntārasīmani ।
  • (p.9, l.23)bhramatā bhavatā dṛṣṭā kiṃ sā haṃsalasadgatiḥ ॥ 22 ॥

(p.9, l.24)aye, priyāyā nisargasurabhiṇā mukhamārutena tiraskṛtatayā vairamanusmaraṃ-
(p.9, l.25)stūṣṇīmupayāsi ।

• • (p.9, l.26)mākandapālīmakarandapūre madhuvratā majjanamācarantaḥ ।
  • (p.9, l.27)mānāpanodāya manasvinīnāṃ mānobhavaṃ mantramudīrayanti ॥ 23 ॥

(p.10, l.1)api ca ।

• • (p.10, l.2)mākandavṛndamakarandajaleṣu magnā
    (p.10, l.3)dhṛtvā ca paṅkajarajāṃsi madhuvratāliḥ ।
  • (p.10, l.4)mānāpanodanaphalāya manasvinīnāṃ
    (p.10, l.5)mantrānudīrayati manmathadevatākān ॥ 24 ॥

(p.10, l.6)kiṃ [ca] nirantaramadhurasāsvādamattānāmamīṣāṃ vacanamapramāṇameva । ataḥ
(p.10, l.7)priyāgatirna praṣṭavyā । (padāntaramabhinīya karṇaṃ dattvā ।)  vatsa,

• • (p.10, l.8)sarojanetrā sahakāravīthyāṃ navapravālāntaritā priyā me ।
  • (p.10, l.9)avyaktavarṇaṃ kimapi bruvāṇā samutsukaṃ me hṛdayaṃ tanoti ॥ 25 ॥

(p.10, l.10)(svagatam ।)  kokilālāpamākarṇya bhrānto nūnamāryaḥ ।

(p.10, l.11)aye, priyālāpa iva śrūyate nākṛtistu dṛśyate । ataḥ
(p.10, l.12)prārthayāmi ।

• • (p.10, l.13)cetasaḥ sapadi jīvanauṣadhaṃ netrayoramṛtavartikāñjanam ।
  • (p.10, l.14)manmathajvaramahārasāyanaṃ darśayasva dayite tavākṛti(nana)m ॥ 26 ॥

(p.10, l.15)(kṣaṇamātraṃ tūṣṇīṃ sthitvā ।)  ayi jānaki, kimityaudāsīnyaṃ bhajasi ।

• • (p.10, l.16)āgatya tūrṇamasitotpalaramyanetre
    (p.10, l.17)kaṇṭhaṃ badhāna mama te bhujavallarībhyām ।
  • (p.10, l.18)paścādupetya nibhṛtaṃ padamarpayantī
    (p.10, l.19)yadvā pidhehi nayane karapallavābhyām ॥ 27 ॥

(p.10, l.20)(iti nayane nimīlya tiṣṭhati ।)

(p.10, l.21)(svagatam ।)  kaṣṭaṃ pratīkāraduḥsthe karmaṇi kiṃ kurmaḥ ।

(p.10, l.22)priye, kimiti vilambase । ubhayoḥ pakṣayorekataramācara ।

(p.10, l.23)lakṣmaṇaḥ — ārya, eṣa kokilālāpaḥ śrūyate । nātra jānakī sā-
(p.10, l.24)jvalati (?)sañjalpati ।

(p.10, l.25)(netre nimīlya punaḥ karṇaṃ dattvā ।)  sa evedānīṃ śrutavīṇāravasya ḍha-
(p.10, l.26)kkādhvaniriva kaṭhoratāṃ bhajati ।

(p.11, l.1)(lakṣmaṇo'nyato darśayati ।)

(p.11, l.2)(vilokya sasaṃbhramam ।)  vatsa, kecidamī corāḥ priyāyāḥ sarvā-
(p.11, l.3)bharaṇajātamādāya mastake dadhānāḥ prasāritabāhavo mayā yoddhumagrato niḥ-
(p.11, l.4)śaṅkamāsate । paśya paśya ।

• • (p.11, l.5)muktāhāracchaṭāmeke padmarāgāvaliṃ pare ।
  • (p.11, l.6)priyāyāḥ kanakākalpānapare hanta bibhrati ॥ 28 ॥

(p.11, l.7)(svagatam ।)  kaṣṭamāryasya punarapyunmādaḥ ।

(p.11, l.8)bho bhoścorāḥ, tiṣṭhata । mamāgrataḥ kuto gamyate । idānīmeva
(p.11, l.9)dhanurāropyaikenaiva sāyakena sarvānvaḥ pātayāmi । (iti sāṭopaṃ parikramya
(p.11, l.10)dhanurāropayati ।)

(p.11, l.11)(sajjaṃ dhanuravalambya ।)  alamāṭopena ।

(p.11, l.12)vatsa, muñca muñca bāṇaṃ saṃdhāsyāmi । amī punaratraiva nirbhayā ni-
(p.11, l.13)ścalamāsate । (iti tūṇīramukhādbāṇamuddhartumicchati ।)

• • (p.11, l.15)niṣaṅgānnirgate bāṇe pareṣāṃ prāṇanirgamaḥ ।
  • (p.11, l.16)tadeva jñāyate deva saṃdhānaṃ kiṃprayojanam ॥ 29 ॥

(p.11, l.17)ataḥ śarasaṃdhānaṃ vihāya vibhāvayatvāryaḥ, nātra corāḥ ।

(p.11, l.18)(vibhāvya ।)  aho, me mūḍhā matiḥ । tathā hi ।

• • (p.11, l.19)ārakto'yamaśokakuḍmalacayo no padmarāgacchaṭā
    (p.11, l.20)phullo'yaṃ navakarṇikāranikaro na svarṇabhūṣāvaliḥ ।
  • (p.11, l.21)eṣā ca sphuṭasindhuvārapaṭalī no mauktikānāṃ vrajaḥ
    (p.11, l.22)śākhājālabhṛtasta eva taravo nodyadbhujā dasyavaḥ ॥ 30 ॥

(p.11, l.23)ito'pi latākuñjeṣu vibhāvayāvaḥ ।

(p.11, l.24)tathā । (iti padāntare sthitvā vilokya saharṣam ।)  vatsa, dṛṣṭā
(p.11, l.25)jānakī ।

• • (p.11, l.26)stanabharavinamramūrtirmāmiha cāhūya pāṇicalanena ।
  • (p.11, l.27)karṇāmṛtairvacobhiḥ kalayati mama hṛdayamāhitānandam ॥ 31 ॥

(p.12, l.1)aho, ciramunmādo vartate ।

(p.12, l.2)aye jānaki, etāvantaṃ kālaṃ kutra gatāsi । (karṇaṃ dattvā ।)  kiṃ
(p.12, l.3)bravīṣi — ‘āryaputrasya premaparīkṣārthaṃ kvacillatākuñje nigūḍhāsmi’ iti ।

(p.12, l.4)kvāste jānakī ।

(p.12, l.5)(anākarṇitakena ।)

• • (p.12, l.6)tvadālāpāḥ karṇe mama navasudhāśīkaramayā-
    (p.12, l.7)stava sparśo'pyaṅge śiśiraśiśiraścandanarasaḥ ।
  • (p.12, l.8)śarajjyotsnāpūrastava vapuridaṃ me nayanayoḥ
    (p.12, l.9)kathaṃ te kalyāṇi kṣaṇamapi sahe hanta viraham ॥ 32 ॥

(p.12, l.10)ārya, kvāste jānakī ।

(p.12, l.11)nanviyamagrata evāste । (iti puropasthitāṃ latāmupasṛtya vilokya ।)
(p.12, l.12)aho me mohaḥ ।

• • (p.12, l.13)kusumastabakānatā vilolāṃ dadhatī pallavasaṃpadaṃ manojñām ।
  • (p.12, l.14)makarandalihāṃ madhuvratānāṃ kalajhaṃkārakarambitā lateyam ॥ 33 ॥

(p.12, l.15)(punarvilokya ।)  vatsa, asyāmeva latāyāṃ puṣpāṇyavacitavatī jānakīti
(p.12, l.16)tarkayāmi । tathā hi ।

• • (p.12, l.17)avacitakusumāni tayā kevalavṛntāvaśeṣitānyadhunā ।
  • (p.12, l.18)patitāḥ pallavabhaṅgā lakṣyante tata itaścāmī ॥ 34 ॥

(p.12, l.19)evametat । padapaddhatirapyavicchinnā latāmimāṃ prāptā ।

(p.12, l.20)itaḥ paraṃ kāṃ diśaṃ prasthiteti vilokaya ।

(p.12, l.21)tathā । (iti latāṃ paribhraman, maṇivalayaṃ vilokya, svagatam ।)
(p.12, l.22)idaṃ devyāḥ karaparibhraṣṭam । tadāryasya hṛdayavinodanārthamavasare darśayāmi ।
(p.12, l.23)(ityādāya paṭānte pidadhāti । upasṛtya prakāśam ।)  ārya, netaḥparaṃ kutrāpi la-
(p.12, l.24)kṣyate pādamudrā । kiṃtu vane saṃcarataḥ kasyāpi mṛgasyātraivābhivyaktā pada-
(p.12, l.25)saraṇirālokitā ।

(p.12, l.26)hanta, nirāśāḥ smaḥ । aye jānaki,

• • (p.13, l.1)āyatekṣaṇamarālakuntalaṃ pakvabimbaphalapāṭalādharam ।
  • (p.13, l.2)mañjubhāṣiṇi mamākṣigocaraṃ kalpate tava kadā mukhāmbujam ॥ 35 ॥

(p.13, l.3)(parito'valokya ।)  aye, priyāyāḥ kiṃcidapi vastu na lakṣyate । kenāhaṃ
(p.13, l.4)hṛdayamavalambe ।

(p.13, l.5)ārya, devyāḥ karaparibhraṣṭamidaṃ maṇivalayam । tadavadhāra-
(p.13, l.6)yatvāryaḥ । (iti dadāti ।)

(p.13, l.7)(gṛhītvā saharṣam ।)

• • (p.13, l.8)mama hṛdayamidaṃ cirāya kiṃcidvigalitatāparujaṃ vitanvadetat ।
  • (p.13, l.9)kathamapi karapallavātpriyāyā maṇivalayaṃ patitaṃ mayādya labdham ॥ 36 ॥

(p.13, l.10)(hṛdaye nikṣipan ।)

• • (p.13, l.11)etatpurā mama galaṃ paripīḍya gāḍhaṃ
    (p.13, l.12)cchinnaṃ vyadhatta bahuśaḥ parirambhaṇeṣu ।
  • (p.13, l.13)bimbādharaṃ mayi rasātpibati priyāyāḥ
    (p.13, l.14)kolāhalaṃ ca kṛtavatkaradhūnaneṣu ॥ 37 ॥

(p.13, l.15)(niḥśvasya ।)  vatsa, kva jānakīṃ paśyāmaḥ । kutra vanāntaḥ punaranviṣyāmaḥ ।
(p.13, l.16)keṣu vā nikuñjeṣu punarvilokayāmaḥ । hanta, sarvathā nirāśāḥ smaḥ ।

• • (p.13, l.17)diśo vilokayāmyadya jvālāparivṛtā iva ।
  • (p.13, l.18)bāḍhaṃ jagadidaṃ manye hyadya me priyayā vinā ॥ 38 ॥

(p.13, l.19)(svagatam ।)  aho, kaṣṭamāryasyeyaṃ daśā vartate ।

(p.13, l.20)kimatrāsmahe ।

• • (p.13, l.21)vatsā yāhi gṛhaṃ vrajāma
    

• • (p.13, l.22)kimidaṃ gehaṃ
    

• • (p.13, l.23)kutaḥ
    

• • (p.13, l.24)kānane
    (p.13, l.25)vatsyāmaḥ

• • (p.13, l.26)kathamāgatā vanabhuvaṃ
    

(p.14, l.1)

• • tātājñayā yantritāḥ ।

• • (p.14, l.3)āyātāḥ kati vā vayaṃ kathaya me
    

• • (p.14, l.4)deva trayaḥ
    

• • (p.14, l.5)ke ca te
    

• • (p.14, l.7)tvaṃ cāhaṃ janakātmajā ca
    

• • (p.14, l.8)dayite kutrāsi hā jānaki ॥ 39 ॥

(p.14, l.9)(nepathye ।)


(p.14, l.10)vatse, mā bhaiṣīḥ ।

(p.14, l.11)(karṇaṃ dattvā saharṣaṃ vibhāvya ।)  ārya, madhukarikāsametāṃ jānakīṃ
(p.14, l.12)samāśvāsayankumbhasaṃbhavo maharṣirita evābhivartate ।

(p.14, l.13)(tataḥ praviśati yathānirdiṣṭaḥ kumbhasaṃbhavaḥ ।)

(p.14, l.14)vatse, mā bhaiṣīḥ । ayamiha tvāmanviṣyannāste salakṣma-
(p.14, l.15)ṇo rāmabhadraḥ ।

(p.14, l.16)(rāmaṃ vilokya lajjāṃ nāṭayantī svagatam ।) edehiṃ viloaṇehiṃ
(p.14, l.17)ajjaütto diṭṭho tti aho me bhāaheam ।etābhyāṃ vilocanābhyāmāryaputro dṛṣṭa ityaho me bhāgadheyam ।

(p.14, l.18)(upasṛtya ।)  bhagavan, abhivādaye ।

(p.14, l.19)āyuṣmānedhi ।

(p.14, l.20)bhagavan, abhivādaye ।

(p.14, l.21)vatsa, ciraṃ jīva ।

(p.14, l.22)jedu jedu ajjaütto ।jayatu jayatvāryaputraḥ ।

(p.14, l.23)jedu jedu mahārāo ।jayatu jayatu mahārājaḥ ।

(p.15, l.1)(sītāṃ vilokya ।)  vatsa, akāṇḍapatitasudhāvṛṣṭisadṛśaṃ sītā-
(p.15, l.2)darśanam ।

(p.15, l.3)ārya, evametat । (agastyaṃ prati ।)  bhagavan, atra latāmaṇḍape
(p.15, l.4)muhūrtamāsanaparigrahaḥ kriyatām ।

(p.15, l.5)(tatheti sarve upaviśanti ।)

(p.15, l.6)bhagavan, kathamāsāditā jānakī ।

(p.15, l.7)śrūyatām ।

(p.15, l.8)avahitāḥ smaḥ ।

(p.15, l.9)pūrvamatra vane durvāsāḥ kāniciddināni tapaḥ kṛtavān ।

(p.15, l.10)sulahakovvo kkhu eso mahesī suṇiadi ।sulabhakopaḥ khalveṣa maharṣiḥ śrūyate ।

(p.15, l.11)tatastataḥ ।

(p.15, l.12)tasminsamaye teṣu teṣvāśrameṣu tīvratapaḥśaṅkinā mahendreṇa
(p.15, l.13)visṛṣṭānāṃ carantīnāṃ madhye hariṇī nāma kācidetattapovanaṃ praviśya puṣpā-
(p.15, l.14)ṇyavācinot ।

(p.15, l.15)hanta, mahānpramādaḥ ।

(p.15, l.16)tataḥ paramabhiṣekāyāgacchannayaṃ durvāsāstāmavalokya ‘aye
(p.15, l.17)hariṇi, yato'smaddevatārcanocitāni kusumānyavacinoṣi, tatastvannāmasadṛ-
(p.15, l.18)śīmevākṛtimehi’ iti śaśāpa । tadānīmeva parityajya vanamidamantarhitaśca ।

(p.15, l.19)amhahe, adiṇiṭṭhuradā tāvasāṇam ।aho, atiniṣṭhuratā tāpasānām ।

(p.15, l.20)kathamasyāstaduparamo jātaḥ ।

(p.15, l.21)tato hariṇībhūtāṃ hariṇīmādāyāsmadantikaṃ prāptābhirati-
(p.15, l.22)karuṇamākrandantībhirapsarobhirabhyarthitena mayā kṛpāvaśenābhimantritā dūrvā-
(p.15, l.23)muṣṭirarpitā । tasminvane nāsyāḥcāsyāḥ pratyāsattirāsīt । (?)

(p.15, l.24)kimāścaryam ।

• • (p.16, l.1)davadahanadagdhamūrteḥ kānanalakṣmyāḥ punarnavīkaraṇam ।
  • (p.16, l.2)upakarturakhilajagatāṃ ghananikarasya svabhāva evāyam ॥ 40 ॥

(p.16, l.3)ayamevādyāpyanuvartamānaḥ śāpo mahānasminvane kusumānya-
(p.16, l.4)vacinvantīṃ jānakīmaspṛśat ।

(p.16, l.5)(sāścaryam ।)  kimetāvantaṃ kālaṃ hariṇībhūya sthiteyam ।

(p.16, l.6)(svagatam ।) tassiṃ evva samuvadiṭṭhāe hariṇīe hoda-
(p.16, l.7)vvam ।tasminneva samupasthitayā hariṇyā bhavitavyam ।

(p.16, l.8)ahamekākinīmasmadāśrame tiṣṭhantīmitastataḥ plavamānā-
(p.16, l.9)madṛṣṭapūrvāṃ hariṇīṃ samādhinā jānakīṃ niścitya tatkṣaṇameva śāpānmocayi-
(p.16, l.10)tvā bhavadantikamanaiṣam ।

• • (p.16, l.12)paropakāraśīlatvaṃ paraduḥkhāsahiṣṇutā ।
  • (p.16, l.13)dayāparatvaṃ dākṣiṇyaṃ satāṃ svābhāvikā guṇāḥ ॥ 41 ॥

(p.16, l.14)anayā jānakyā lakṣmaṇena saha mahāntaṃ kālaṃ vartethāḥ ।
(p.16, l.15)api ca ।

• • (p.16, l.16)doṣadhvāntaṃ kṣālayantī narāṇā-
    (p.16, l.17)mākalpāntaṃ nandayantī jaganti ।
  • (p.16, l.18)sphāyajjyotsnāpūrapāṇḍustvadīyā
    (p.16, l.19)jīyātkīrtiḥ śrīnidhe rāghavendra ॥ 42 ॥

(p.16, l.20)mahānprasādaḥ ।

(p.16, l.21)kiṃ te bhūyaḥ priyamupakaromi ।

(p.16, l.22)itaḥ paraṃ kiṃ priyamasti । tathāpīdamastu bharatavākyam ।

• • (p.16, l.23)samayavihitavarṣaḥ sasyapūrṇāṃ dharitrīṃ
    (p.16, l.24)janayatu jaladaughaḥ prerito vāsavena ।
  • (p.16, l.25)bhavajalanidhimadhye majjatāṃ mānavānāṃ
    (p.16, l.26)bhavatu taraṇirūpā saṃgatiḥ sajjanānām ॥ 43 ॥

(p.16, l.27)saṃpūrṇam ।