(p.8, l.6)(praviśya) ayya | aa mhi |ārya | ayam asmi |

(p.8, l.7)vijanaṃ tāvat | yāvat te priyam ākhyāsyāmi |

(p.8, l.8)ayya | taha | (niṣkramya praviśya |) idaṃ viaṇaṃ | piaṃ dāva ayyo
(p.8, l.9)ācakkhadu |ārya | tathā | idaṃ vijanam | priyaṃ tāvad ārya ācaṣṭām |

(p.8, l.10)śrūyatām | adyāsmi bahir nagarād āgacchatānekasiddhādeśajanita-
(p.8, l.11)pratyayena lakṣaṇinā brāhmaṇenāham ādiṣṭaḥ | adya saptame 'hani tava rājakule
(p.8, l.12)prekṣā bhaviṣyati | tatas tvatprayogaparituṣṭena rājñā dattāṃ mahatīṃ śriyam a-
(p.8, l.13)vāpsyasīti | tasya brāhmaṇasyāmithyādeśitayā janitotsāhaḥ saṅgītakaṃ
(p.8, l.14)kariṣyāmi |

(p.10, l.1)kadamaṃ dāṇi ayyeṇa ṇāḍaaṃ ṇāḍīadi |katamad idānīm āryeṇa nāṭakaṃ nāṭyate |

(p.10, l.2)atraiva me cintā | atha tu nāṭakaprakaraṇodbhavāsu vārehāmṛga-
(p.10, l.3)ḍimasamavakāravyāyogabhāṇasallāpavīthyutsṛṣṭikāṅkaprahasanādiṣu daśajātiṣu
(p.10, l.4)nāṭyaraseṣu hāsyam eva pradhānam iti paśyāmi | tasmāt prahasanam eva prayo-
(p.10, l.5)kṣyāmi |

(p.10, l.6)ayya | ahaṃ hasso vi pahasaṇaṃ ṇa āṇe |ārya | ahaṃ hāsyo 'pi prahasanaṃ na jāne |

(p.10, l.7)tena tu śikṣatu bhavān | na śakyam aśikṣitena kiñcid api jñātum |

(p.10, l.8)teṇa hi ayyo evva me uvadisadu |tena hy ārya eva me upadiśatu |

• (p.10, l.9)bāḍham |
• jñānārthaṃ kṛtabuddhiḥ sanmārgeṇānugaccha gacchantam |

(p.10, l.11)śāṇḍilya śāṇḍilya |

(p.10, l.12)(śrutvā |)

• (p.10, l.13)yogeśvaraṃ dvijavṛṣaṃ śiṣya ivemaṃ parivrājam || 2 ||

(p.10, l.14)(niṣkrāntau)
(p.10, l.15)|| āmukham ||

(p.12, l.1)(tataḥ praviśati parivrājakaḥ |)

(p.12, l.2)śāṇḍilya śāṇḍilya | (pṛṣṭhato vilokya |) na tāvad dṛśyate |
(p.12, l.3)sadṛśam asya tamovṛtasya | kutaḥ |

• (p.12, l.4)deho roganidhir jarāvaśagato līnāntakādhiṣṭhito (p.12, l.5)yo nityapratighātaruddhaviṣayas tīre yathā pādapaḥ | (p.12, l.6)taṃ labdhvā sukṛtair anekaguṇitair dehātmanā vismito (p.12, l.7)matto yo balarūpayauvanaguṇair doṣān na tān paśyati || 3 ||

(p.12, l.8)tasmād anaparāddhaḥ khalv ayaṃ tapasvī | punar api samāhvānaṃ kariṣye | śāṇḍilya
(p.12, l.9)śāṇḍilya |

(p.12, l.10)(tataḥ praviśati śāṇḍilyaḥ |)

(p.12, l.11)bho | puṭhamaṃ evva ahaṃ karaḍuasesasamiddhe ṇirakkharappakkhitta-
(p.12, l.12)jīhe kaṇṭhappasattajaṇṇovavīde bamhaṇṇamattaparituṭṭhe kule pasūdo | tado
(p.12, l.13)dudīaṃ amhāṇaṃ gehe asaṇaṇāseṇa bubhukkhido pādarasaṇaloheṇa sakkia-
(p.12, l.14)samaṇaaṃ pavvajido mhi | tado tahiṃ dāsīe vuttāṇaṃ ekkakālabhattattaṇeṇa
(p.12, l.15)bubhukkhido taṃ pi visajjia cīvaraṃ chindia pattaṃ patolia chattamattaṃ

(p.14, l.17)gaṇhia ṇiggado mhi | tado tidīaṃ imassa duṭṭhācayyassa bhaṇḍabhāragaddabho
(p.14, l.18)saṃvutto | tā adūragadaṃ bhaavantaṃ sambhāvemi | kahiṃ ṇu khu gado bhaavo |
(p.14, l.19)ā | eso duṭṭhaliṅgī pādarasaṇaloheṇa eāī bhikkhaṃ āhiṇḍiduṃ puvvaṃ
(p.14, l.20)gado tti takkemi | (parikramya dṛṣṭvā |) eso khu bhaavo | (upagamya |) marisedu
(p.14, l.21)marisedu bhaavo |bhoḥ | prathamam evāhaṃ karaṭakaśeṣasamṛddhe nirakṣaraprakṣiptajihve kaṇṭhaprasaktayajñopavīte brāhmaṇyamātraparituṣṭe kule prasūtaḥ | tato dvitīyam asmākaṃ gehe 'śananāśena bubhukṣitaḥ prātaraśanalobhena śākyaśramaṇakaṃ pravrajito 'smi | tatas tasmin dāsyāḥ putrāṇāṃ ekakālabhaktatvena bubhukṣitas tam api visṛjya cīvaraṃ chittvā pātraṃ pratolya chatramātraṃ gṛhītvā nirgato 'smi | tatas tṛtīyam asya duṣṭācāryasya bhāṇḍabhāragardabhaḥ saṃvṛttaḥ | tad adūragataṃ bhagavantaṃ saṃbhāvayāmi | kutra nu khalu gato bhagavān | ā | eṣa duṣṭaliṅgī prātaraśanalobhenaikākī bhikṣām āhiṇḍituṃ pūrvaṃ gata iti tarkayāmi | eṣa khalu bhagavān | mṛṣyatāṃ mṛṣyatāṃ bhagavān |

(p.14, l.6)śāṇḍilya | na bhetavyaṃ na bhetavyam |

(p.14, l.7)bho bhaavaṃ | imassiṃ jīvaloe ṇiccocchavavisese suhappahāṇe
(p.14, l.8)keṇa vihiṇā bhikkhaṃ āhiṇḍadi bhaavo |bhoḥ bhagavan | asmiñ jīvaloke nityotsavaviśeṣe sukhapradhāne kena vidhinā bhikṣām āhiṇḍate bhagavān |

• (p.14, l.9)śṛṇu |
• amānakāmaḥ sahitavyadharṣaṇaḥ (p.14, l.10)kṛśāj janād bhaikṣakṛtātmadhāraṇaḥ | (p.14, l.11)carāmi doṣavyasanottaraṃ jagad (p.14, l.12)dhradaṃ bahugrāham ivāpramādavān || 4 ||

(p.14, l.14)bho bhaavaṃ |bhoḥ bhagavan |

• (p.14, l.15)ṇa māmao atthi ṇa bhāduo vā (p.14, l.16)pidā kudo me bhaavappasādo | (p.14, l.17)ekko ahaṃ aṇṇahadattaṇeṇa (p.14, l.18)jaṭṭhiṃ paviṭṭho ṇa khu dhammalohā || 5 ||

(p.14, l.19)śāṇḍilya | kim etat |

(p.14, l.20)ṇaṃ bhūdattho aliaṃ bandhaaṃ ti bhaavo bhaṇādi |nanu bhūtārtho 'līkaṃ bandhakam iti bhagavān bhaṇati |

(p.16, l.1)atha kim | satyam anṛtaṃ cābhisandhāya kṛtaṃ bandhakaṃ bhavati |

• (p.16, l.2)yadā tu saṅkalpitam iṣṭam iṣṭataḥ (p.16, l.3)karoti karmāvahitendriyaḥ pumān | (p.16, l.4)tadāsya tatkarmaphalaṃ sadā suraiḥ (p.16, l.5)surakṣito nyāsa ivānupālyate || 6 ||

(p.16, l.6)kadā ṇu khu tassa phalaṃ lahadi |kadā nu khalu tasya phalaṃ labhate |

(p.16, l.7)yadā virāgam aiśvaryaṃ labhate |

(p.16, l.8)taṃ puṇa kahaṃ lahadi |tat punaḥ kathaṃ labhate |

(p.16, l.9)asaṅgatayā |

(p.16, l.10)kiṃ puṇa edaṃ asaṅgada tti pucchadi |kiṃ punar etad asaṃgateti pṛcchati |

(p.16, l.11)rāgadveṣayor madhyasthatā | kutaḥ |

• (p.16, l.12)sukheṣu duḥkheṣu ca nityatulyatāṃ (p.16, l.13)bhayeṣu harṣeṣu ca nātiriktatām | (p.16, l.14)suhṛtsv amitreṣu ca bhāvatulyatāṃ (p.16, l.15)vadanti tāṃ tattvavido hy asaṅgatām || 7 ||

(p.16, l.16)edaṃ puṇa atthi |etat punar asti |

(p.16, l.17)nāsataḥ sañjñā bhavati |

(p.16, l.18)kiṃ sakkaṃ kattuṃ ti bhaavo bhaṇādi |kiṃ śakyaṃ kartum iti bhagavān bhaṇati |

(p.16, l.19)kaḥ saṃśayaḥ |

(p.16, l.20)aliaṃ aliaṃ edaṃ |alīkam alīkam etat |

(p.16, l.21)katham iva |

(p.16, l.22)bhaavo khu dāva kissa maṃ kuppadi |bhagavān khalu tāvat kasmān me kupyati |

(p.18, l.1)nādhīṣa iti |

(p.18, l.2)jai ahaṃ ahīāmi vā ṇāhīāmi vā kiṃ tava muttassa |yady aham adhīye vā nādhīye vā kiṃ tava muktasya |

(p.18, l.3)mā maivam | abhyupagataśiṣyārthaṃ tāḍanaṃ smṛtam iti | tasmād a-
(p.18, l.4)kupitaś cāhaṃ śreyo'rthaṃ bhavantaṃ tāḍayāmi |

(p.18, l.5)accheraṃ accheraṃ | akuvido ṇāma maṃ tāḍedi | chindīadu esā
(p.18, l.6)kahā | adikkamadi bhikkhavelā |āścaryam āścaryam | akupito nāma māṃ tāḍayati | chidyatām eṣā kathā | atikrāmati bhikṣāvelā |

(p.18, l.7)mūrkha | prātas tāvan na madhyāhnaḥ | nyastamusale vyaṅgāre sarvabhukta-
(p.18, l.8)jane kāla ity upadeśaḥ | tasmād viśramārtham idam udyānaṃ praviśāvaḥ |

(p.18, l.9)hā hā | paḍiññāhāṇio kila bhaavo |hā hā | pratijñāhānikaḥ kila bhagavān |

(p.18, l.10)katham iva |

(p.18, l.11)ṇaṃ samasukhadukkho kila bhaavo |nanu samasukhaduḥkhaḥ kila bhagavān |

(p.18, l.12)atha kim | samasukhaduḥkho mamātmā | karmātmā viśrama-
(p.18, l.13)m icchati |

(p.18, l.14)bho bhaavaṃ | ko eso attā ṇāma | ko aṇṇo kammattā ṇāma |bho bhagavan | ka eṣa ātmā nāma | ko 'nyaḥ karmātmā nāma |

• (p.18, l.15)śṛṇu |
• yaḥ svapne gaganam upaiti so 'ntarātmā (p.18, l.16)so 'py ātmā vidhivihitaṃ prayāti yaś ca | (p.18, l.17)deho 'yaṃ nara iti sañjñito 'nyathā vā (p.18, l.18)karmātmā śramasukhabhājanaṃ narāṇām || 8 ||

(p.18, l.20)jo ajaro amaro acchejjo abhejjo so attā ṇāma | jo hasadi

(p.20, l.22)hāsedi saadi bhuñjadi vilaaṃ ca gacchadi so kammattā ṇāma |yo 'jaro 'maro 'cchedyo 'bhedyaḥ sa ātmā nāma | yo hasati hāsayati śete bhuṅkte vilayaṃ ca gacchati sa karmātmā nāma |

(p.20, l.2)yathā grāhyaṃ tathā gṛhītam |

(p.20, l.3)ā | avehi | abhiggahido si |ā | apehi/avehi | abhigṛhīto 'si |

(p.20, l.4)katham iva |

(p.20, l.5)ṇaṃ so evva dāṇi eso | ṇahi sarīraṃ viṇā atthi kimpi |nanu sa evedānīm eṣaḥ | na hi śarīraṃ vināsti kim api |

(p.20, l.6)laukikam abhihitam | yataś ca bhedam upagatānāṃ sattvānāṃ sthānāni
(p.20, l.7)śrūyante | ata evaṃ brūmaḥ |

(p.20, l.8)savvaṃ dāva ciṭṭhadu | tuvaṃ dāva ko |sarvaṃ tāvat tiṣṭhatu | tvaṃ tāvat kaḥ |

• (p.20, l.9)śṛṇu |
• khapavanasalilānāṃ tejasaś caikadeśād (p.20, l.10)upacitacalamūrtiḥ pārthivadravyarāśiḥ | (p.20, l.11)śravaṇanayanajihvānāsikāsparśavedī (p.20, l.12)nara iti kṛtasañjñaḥ ko 'py ahaṃ prāṇidharmā || 9 ||

(p.20, l.14)hā hā | ettiamatteṇa attāṇaṃ pi ṇa āṇādi | kiṃ puṇa
(p.20, l.15)attāṇaṃ | bho bhaavaṃ | idaṃ uyyāṇaṃ |hā hā | etāvanmātreṇa ātmānam api na jānāti | kiṃ punar ātmānam | bho bhagavan | idam udyānam |

(p.20, l.16)praviśāgrataḥ | viviktaśaraṇāraṇyapratiśrayā vayam |

(p.20, l.17)bhaavaṃ evva purado pavisadu | ahaṃ piṭṭhado pavisāmi |bhagavān eva purataḥ praviśatu | ahaṃ pṛṣṭhataḥ praviśāmi |

(p.20, l.18)kim artham |

(p.20, l.19)† polāaṇīe † mama mādāe sudaṃ asoapallavantalaṇiluddho
(p.20, l.20)vaggho paḍivasadi tti | tā bhaavaṃ evva purado pavisadu | ahaṃ piṭṭhado
(p.20, l.21)pavisāmi |paurāṇikyā mama mātuḥ śrutam aśokapallavāntaraniruddho vyāghraḥ prativasatīti | tad bhagavān eva purataḥ praviśatu | ahaṃ pṛṣṭhataḥ praviśāmi |

(p.20, l.22)bāḍham |

(p.22, l.1)(praviśataḥ |)

(p.22, l.2)avihā | vaggheṇa gahido mhi | moedha maṃ vagghamuhādo |
(p.22, l.3)aṇāho via vaggheṇa khāido mhi | idaṃ khu luhilaṃ passavadi kaṇṭhādo |avidhā | vyāghreṇa gṛhīto 'smi | mocayatha māṃ vyāghramukhāt | anātha iva vyāghreṇa khādito 'smi | idaṃ khalu rudhiraṃ prasravati kaṇṭhāt |

(p.22, l.4)śāṇḍilya | na bhetavyaṃ na bhetavyam | mayūraḥ khalv eṣaḥ |

(p.22, l.5)saccaṃ moro |satyaṃ mayūraḥ |

(p.22, l.6)atha kim | satyaṃ mayūraḥ |

(p.22, l.7)jai moro ugghāḍemi akkhiṇī |yadi mayūra udghāṭayāmy akṣiṇī |

(p.22, l.8)chandataḥ |

(p.22, l.9)avihā | dāsīe vutto vaggho mabbhaeṇa morarūvaṃ gaṇhia palā-
(p.22, l.10)adi | (udyānaṃ virūpya |) hī hī | campaaajjuṇakadambaṇīvaṇiulatila-
(p.22, l.11)akaṇṇiārakuravaakappūracūdapiaṅgusālatālatamālapuṇṇāaṇāabaulasa-
(p.22, l.12)ralasajjasinduvāratiṇasullasattavaṇṇakaṇavīrakuḍaavaṇhicandaṇāsoamalli-
(p.22, l.13)āṇandivattataarakhadirakadalīsamavaiṇṇaṃ vasantovasohidappavālapattapa-
(p.22, l.14)llavakusumamañjarīsamāulaṃ adimuttamāhavīladāmaṇḍavamaṇḍidaṃ morakoila-
(p.22, l.15)mattabbhamaramahurārāvasaṅghuṭṭaṃ piajaṇavippaoasamuppaṇṇasoābhibhūdajuva-
(p.22, l.16)dījaṇāṇudāvaaraṃ sampauttāṇaṃ suhāvahaṃ aho ramaṇijjaṃ khu idaṃ uyyāṇaṃ |avidhā | dāsyāḥ putro vyāghro madbhayena mayūrarūpaṃ gṛhītvā palāyate | hi hi | campakārjunakadambanīpaniculatilakakarṇikārakuravakakarpūracūtapriyaṅgusāla tālatamālapuṃnāganāgabakulasaralasarjasinduvāratṛṇaśūlyasaptaparṇakaravīrakuṭajavarṇicandanāśokamallikānandyāvartatagarakhadirakadalīsamavakīrṇaṃ vasantopaśobhitapravālapatrapallavakusumamañjarīsamākulam atimuktamādhavīlatāmaṇḍapamaṇḍitaṃ mayūrakokilamattabhramaramadhurārāvasaṃghuṣṭaṃ priyajanaviprayogasamutpannaśokābhibhūtayuvatijanānutāpakaraṃ saṃprayuktānāṃ sukhāvaham aho ramaṇīyaṃ khalv idam udyānam |

(p.22, l.17)mūrkha | ahany ahani hīyamāneṣv indriyeṣu kiṃ te ramaṇīyam |
(p.22, l.18)kutaḥ |

• (p.22, l.19)abhyāgataḥ kisalayābharaṇo vasantaḥ (p.22, l.20)prāptā śarat kumudaṣaṇḍavibhūṣaṇeti | (p.22, l.21)bālo naveṣv ṛtuṣu rajyati nāma loke (p.22, l.22)yaj jīvitaṃ harati tat kila ramyam asya || 10 ||

(p.24, l.1)jaṃ jadā ramaṇijjaṃ taṃ tadā ramaṇijjaṃ ti pucchadi |yad yadā ramaṇīyaṃ tat tadā ramaṇīyam iti pṛcchati |

(p.24, l.2)apāṇḍityam abhihitam | paśya |

• (p.24, l.3)anāgataṃ prārthayatām atikrāntaṃ ca śocatām | (p.24, l.4)vartamānair atuṣṭānāṃ nirvāṇaṃ nopapadyate || 11 ||

(p.24, l.5)āadamāṇo panthā | kahiṃ dāṇi uvavisāmo |āyatamānaḥ panthāḥ | kutredānīm upaviśāvaḥ |

(p.24, l.6)ihaivāsiṣyāvahe |

(p.24, l.7)acokkhaṃ acokkhaṃ |acaukṣam acaukṣam |

(p.24, l.8)medhyam araṇyam adūṣyā bhūḥ |

(p.24, l.9)jadā parissanto uvavisadukāmo tadā acokkhaṃ cokkhaṃ vā
(p.24, l.10)karesi |yadā pariśrānta upaveṣṭukāmas tadācaukṣaṃ caukṣaṃ vā karoṣi |

(p.24, l.11)śrutiḥ pramāṇaṃ nāham | kutaḥ |

• (p.24, l.12)atimānonmattānām ahite hitam iti kṛtapratijñānām | (p.24, l.13)naivāsti paraṃ teṣāṃ svacchandakṛtapramāṇānām || 12 ||

(p.24, l.14)appamāṇaṃ tuha edaṃ bahuaṃ mantaantassa |apramāṇaṃ tavaitad bahukaṃ mantrayamāṇasya |

• (p.24, l.15)mā maivam |
• pramāṇaṃ kuru yal loke pramāṇīkriyate budhaiḥ | (p.24, l.16)nāpramāṇaṃ pramāṇasthāḥ kariṣyantīti niścayaḥ || 13 ||

(p.24, l.18)ṇa khu de pamāṇaṃ jāṇāmi |na khalu te pramāṇaṃ jānāmi |

(p.24, l.19)āgaccha vatsa | adhīṣva tāvat |

(p.24, l.20)ṇa dāva ajjhaissaṃ |ta tāvad adhyeṣye |

(p.26, l.1)kim artham |

(p.26, l.2)ajjhaaṇassa dāva atthaṃ soduṃ icchāmi |adhyayanasya tāvad arthaṃ śrotum icchāmi |

(p.26, l.3)adhītādhyayanair api kālāntaravijñeyā bhavanty adhyayanārthāḥ |
(p.26, l.4)tasmād adhīṣva tāvat |

(p.26, l.5)adhīde kiṃ bhavissadi |adhīte kiṃ bhaviṣyati |

(p.26, l.6)śṛṇu | jñānād bhavati vijñānam | vijñānāt saṃyamaḥ | saṃyamā-
(p.26, l.7)t tapaḥ | tapaso yogapravṛttiḥ | yogapravṛtter atītānāgatavartamānatattvadarśanaṃ
(p.26, l.8)bhavati | etebhyo 'ṣṭaguṇam aiśvaryaṃ labhate |

(p.26, l.9)bho bhaavaṃ | appaccakkhe jahākāmaṃ mama buddhiṃ paribhavia
(p.26, l.10)bhaṇāsi | sakkaṃ puṇa adiṭṭhe bhaavādo paragehāṇi pavisiduṃ |bho bhagavan | apratyakṣe yathākāmaṃ mama buddhiṃ paribhūya bhaṇasi | śakyaṃ punar adṛṣṭe bhagavataḥ paragṛhāṇi praveṣṭum |

(p.26, l.11)kim abhipretaṃ bhavataḥ |

(p.26, l.12)mama abhippedaṃ sakkiasamaṇaāṇaṃ kāraṇādo susādhidāṇi
(p.26, l.13)saṅghappavuttāṇi bhoaṇāṇi aṇhiduṃ |mamābhipretaṃ śākyaśramaṇakānāṃ kāraṇāt susādhitāni saṅghaprayuktāni/pravṛttāni bhojanāny aśitum |

(p.26, l.14)akālyaṃ vartate lobhaḥ |

(p.26, l.15)edassa kāraṇādo tuvaṃ muṇḍido si |etasya kāraṇāt tvaṃ muṇḍito 'si |

• (p.26, l.16)mā maivam |
• mahātmabhiḥ sevitapūjitaṃ dvijaiḥ (p.26, l.17)surāsurāṇām api buddhisaṃmatam | (p.26, l.18)avāryam akṣobhyam acintyam avyayaṃ (p.26, l.19)mahan mayā yogaphalaṃ niṣevyate || 14 ||

(p.26, l.21)bho bhaavaṃ | joo joo tti pavvājaā bahuaṃ mantaanti |
(p.26, l.22)ko eso joo ṇāma |bho bhagavan | yogo yoga iti pravrājakā bahukaṃ mantrayante | ka eṣa yogo nāma |

• (p.28, l.1)śṛṇu |
• jñānamūlaṃ tapaḥsāraṃ sattvasthaṃ dvandvanāśanam | (p.28, l.2)muktaṃ dveṣāc ca rāgāc ca yoga ity abhidhīyate || 15 ||

(p.28, l.4)āhārappamādo savvappamādo tti mantaantassa ṇamo bhaavado
(p.28, l.5)buddhassa |āhārapramādaḥ sarvapramāda iti mantrayamāṇāya namo bhagavate buddhāya |

(p.28, l.6)śāṇḍilya | kim etat |

(p.28, l.7)bhaavaṃ | kiṃ ṇa āṇāsi | puṭhamaṃ evva ahaṃ pādarasaṇaloheṇa
(p.28, l.8)sakkiasamaṇaaṃ pavvajido mhi |bhagavan | kiṃ na jānāsi | prathamam evāhaṃ prātaraśanalobhena śākyaśramaṇakaṃ pravrajito 'smi |

(p.28, l.9)asti kiñcid api jñātam |

(p.28, l.10)atthi atthi | pabhūdaṃ pi atthi |asti, asti | prabhūtam apy asti |

(p.28, l.11)bhavatu | śroṣyāmas tāvat |

(p.28, l.12)suṇādu bhaavo | aṣṭau prakṛtayaḥ | ṣoḍaśa vikārāḥ | ātmā |
(p.28, l.13)pañca vāyavaḥ | traiguṇyam | manaḥ | sañcaraḥ | pratisañcaraś ceti | evvaṃ bhaa-
(p.28, l.14)vadā jiṇeṇa piḍaaputthaesu uttaṃ |śṛṇotu bhagavān | aṣṭau … ceti | evaṃ bhagavatā jineṇa piṭakapustakeṣūktam |

(p.28, l.15)śāṇḍilya | sāṅkhyasamaya eṣa na śākyasamayaḥ |

(p.28, l.16)bubhukkhāe odaṇagadāe cintāe aññaṃ cintidaṃ aññaṃ mantidaṃ |
(p.28, l.17)dāṇiṃ suṇādu bhaavo | pāṇādipādādo veramaṇī sikkhāpadaṃ | adiṇṇādā-
(p.28, l.18)ṇādo veramaṇī sikkhāpadaṃ | abbamhacayyādo veramaṇī sikkhāpadaṃ | mudhā-

(p.30, l.20)vādādo veramaṇī sikkhāpadaṃ | viālabhoaṇādo veramaṇī sikkhāpadaṃ |
(p.30, l.21)amhāṇaṃ buddhaṃ dhammaṃ saṅghaṃ saraṇaṃ gacchāmi |bubhukṣayā odanagatayā cintayā anyac cintitaṃ anyan mantritam | idānīṃ śṛṇotu bhagavān | prāṇātipātād viramaṇaṃ śikṣāpadam | adattādānād ... abrahmacaryād … mudhāvādād … vikālabhojanād ... asmākaṃ buddhaṃ dharmaṃ saṅghaṃ śaraṇaṃ gacchāmi |

(p.30, l.3)śāṇḍilya | svasamayam atikramya parasamayaṃ vaktuṃ nārhati bhavān |

• (p.30, l.4)tamas tyaktvā rajo jitvā sattvasthaḥ susamāhitaḥ | (p.30, l.5)dhyātu śīghraṃ bhavān dhyānam etaj jñānaprayojanam || 16 ||

(p.30, l.6)bhaavo susamāhido joaṃ cintedu | ahaṃ susamāhido odaṇaṃ
(p.30, l.7)cintemi |bhagavān susamāhito yogaṃ cintayatu | ahaṃ susamāhita odanaṃ cintayāmi |

(p.30, l.8)chidyatām eṣā kathā |

• (p.30, l.9)sarvaṃ jagat saṅkṣipa dehabandhe (p.30, l.10)yathendriyāṇy ātmani yojayitvā | (p.30, l.11)jñānena sattvaṃ samupāśraya tvaṃ (p.30, l.12)dehātmanātmānam avekṣya kṛtsnam || 17 ||

(p.30, l.13)(tataḥ praviśati gaṇikā ceṭyau ca |)

(p.30, l.14)hañje mahuarie mahuarie | kahiṃ kahiṃ rāmilao |hañje madhukarike madhukarike | kutra kutra rāmilakaḥ |

(p.30, l.15)ajjue | aaṃ āachāmi tti bhaṇia ṇaaraṃ evva paviṭṭho āvutto |ajjuke | aham āgacchāmīti bhaṇitvā nagaram eva praviṣṭa āvuttaḥ |

(p.30, l.16)hañje | kiṃ ṇu khu bhave |hañje | kiṃ nu khalu bhavet |

(p.30, l.17)kiṃ aññaṃ goṭṭhiṃ tuvāreduṃ |kim anyad goṣṭhīṃ tvarayitum |

(p.30, l.18)dāṇiṃ pi ṇa payyattā goṭṭhī |idānīm api na paryāptā goṣṭhī |

(p.32, l.1)suṭṭhu ajjuā bhaṇādi | āsavo evva goṭṭhī jo mattāvedi hassāvedi
(p.32, l.2)lajjādhīraṃ pi itthiājaṇaṃ |suṣṭhv ajjukā bhaṇati | āsava eva goṣṭhī, yo madayati hāsayati lajjādhīram api strījanam |

(p.32, l.3)gaccha | tuvārehi ṇaṃ |gaccha | tvarayainam |

(p.32, l.4)ajjue | taha | (niṣkrāntā |) ajjuke | tathā |

(p.32, l.5)hañje parahudie parahudie | kahiṃ kahiṃ uvavisāmo |hañje | parabhṛtike, parabhṛtike | kutra kutropaviśāvaḥ |

(p.32, l.6)ajjue | edassiṃ kusumidasahaāratilaamaṇḍide silāpaṭṭae muhuttaaṃ
(p.32, l.7)uvavisia ekkaṃ vatthuaṃ gāadu ajjuā |ajjuke | etasmin kusumitasahakāratilakamaṇḍite śilāpaṭṭake muhūrtam upaviśyaikaṃ vastukaṃ gāyatv ajjukā |

(p.32, l.8)evvaṃ hodu |evaṃ bhavatu |

(p.32, l.9)(ubhe upaviśya gāyati |)

• (p.32, l.10)parabhṛtamadhukaranādajyāghoṣaḥ kāma eṣa udyāne | (p.32, l.11)tiṣṭaṣṭhati sahakāraśaro muhyati nūnaṃ mano 'pi muneḥ || 18 ||

(p.32, l.12)(ākarṇya |) ae | koilaravo | (punar vibhāvya |) ṇa khu aaṃ
(p.32, l.13)koilaravo | pāase ghidaṃ pakkhittaṃ via aimahuro ko vi gīaravo |
(p.32, l.14)hodu pekkhāmi dāva | (vilokya |) avihā | kā ṇu khu esā taruṇī dassa-
(p.32, l.15)ṇīā aṇavaroheṇa alaṅkāreṇa alaṅkidā imassa uyyāṇassa alaṅkāro
(p.32, l.16)via uvaviṭṭhā |aye | kokilaravaḥ | na khalv ayaṃ kokilaravaḥ | pāyase ghṛtaṃ prakṣiptam ivātimadhuraḥ ko 'pi gītaravaḥ | bhavatu paśyāmi tāvat | avidhā | ko nu khalv eṣā taruṇī darśanīyānavaroheṇālaṃkāreṇālaṃkṛtāsyodyānasyālaṃkāra ivopaviṣṭā |

(p.32, l.17)ajjue |ajjuke |

(p.32, l.18)ai | gaṇiā khu iaṃ | dhaññā khu sadhaṇā |ayi | gaṇikā khalv iyam | dhanyāḥ khalu sadhanāḥ |

(p.32, l.19)dudīaṃ pi ekkaṃ vatthuaṃ gāadu ajjuā |dvitīyam apy ekaṃ vastukaṃ gāyatv ajjukā |

(p.34, l.1)taha | (punar gāyati |) tathā |

• (p.34, l.2)madhumāsajātadarpaḥ kandarpaḥ kāminīkaṭākṣasakhaḥ | (p.34, l.3)api yoginām iha mano vidhyati phullair aśokaśaraiḥ || 19 ||

(p.34, l.4)aimahuraṃ passavadi kaṇṭhādo | suṇādu bhaavo |atimadhuraṃ prasravati kaṇṭhāt | śṛṇotu bhagavān |

(p.34, l.5)śabdaprayojanaṃ śrotram | prasaṅgam atra na gacchāmi |

(p.34, l.6)pasaṅgaṃ pi sampadaṃ karesi jai se kārisāpaṇā bhave |prasaṅgam api sāṃprataṃ karoṣi, yady asya kārṣāpaṇāṃ bhaveyuḥ |

(p.34, l.7)ā | apehi | yuktavyavahārī bhava |

(p.34, l.8)mā kuppa | ajuttaṃ pavvājaāṇaṃ kuppiduṃ |mā kupyaḥ | ayuktaṃ pravrājakāṇāṃ kopitum |

(p.34, l.9)eṣa na vyavaharāmi |

(p.34, l.10)dāṇiṃ paṇḍido si |idānīṃ paṇḍito 'si |

(p.34, l.11)(tataḥ praviśati yamapuruṣaḥ |)

• (p.34, l.12)eṣa bhoḥ |
• bhūtāni yo harati karmahatāni loke (p.34, l.13)yaḥ prāṇināṃ sukṛtaduṣkṛtakarmasākṣī | (p.34, l.14)ukto 'smi tena śamanena yamena dehe (p.34, l.15)prāṇān prajāvadhividhau viniyojayeti || 20 ||
• (p.36, l.1)tasmāt |
• nānārāṣṭranadīvanācalavatīṃ bhūmiṃ samālokayan (p.36, l.3)medhaighais toyabharāvanamranicayaiḥ pracchādyamāno bhṛśam | (p.36, l.4)tīrtvā cāraṇasiddhakinnarayutaṃ vātoddhatābhraṃ nabhaḥ (p.36, l.5)samprāpto 'smi yamena yatra vihitas tarkād ivāhaṃ puram || 21 ||

(p.36, l.6)tat kva nu khalu sā | aye | iyaṃ sā |

• (p.36, l.7)sapallavais taptasuvarṇavarṇair (p.36, l.8)aśokapuṣpastabakair manojñaiḥ | (p.36, l.9)antarhitā bhāti varāṅganaiṣā (p.36, l.10)sandhyābhrajālair iva candralekhā || 22 ||

(p.36, l.11)bhavatu | asty asyāḥ karmāvaśeṣaḥ | muhūrtaṃ sthitvā prāṇān harāmi |

(p.36, l.12)ajjue | dassaṇīo khu eso asoakisalao | ṇaṃ gaṇhāmi |ajjuke | darśanīyaḥ khalv eṣo 'śokakisalayaḥ | enaṃ gṛhṇāmi |

(p.36, l.13)mā mā evvaṃ | ahaṃ evva gaṇhāmi |mā maivam | aham eva gṛhṇāmi |

(p.36, l.14)ayaṃ sa deśakālaḥ | yāvat sarpatvam upagamyāśokaśākhāyāṃ sthitvā-
(p.36, l.15)syāḥ prāṇān harāmi | (tathā kurvan |) ayam idānīm |

• (p.36, l.16)śyāmāṃ prasannavadanāṃ madhurapralāpāṃ (p.36, l.17)mattāṃ viśālajaghanāṃ varacandanārdrām | (p.36, l.18)raktotpalābhanayanāṃ nayanābhirāmāṃ (p.36, l.19)kṣipraṃ nayāmi yamasādanam eva bālām || 23 ||

(p.38, l.1)(gaṇikā pallavāpacayaṃ karoti |)

(p.38, l.2)ayaṃ sandaṃśakālaḥ |

(p.38, l.3)haṃ | keṇa vi daṭṭha mhi |ham | kenāpi daṣṭāsmi |

(p.38, l.4)ammahe | eso so asoakoḍarantarido vālo |ammahe | eṣa so 'śokakoṭarāntarito vyālaḥ |

(p.38, l.5)haṃ | vālo | (iti patitā |) ham | vyālaḥ |

(p.38, l.6)(upagamya |) bhodi | kiṃ edaṃ |bhavati | kim etat |

(p.38, l.7)ayya | esā ajjuā vāleṇa daṭṭhā |ārya | eṣājjukā vyālena daṣṭā |

(p.38, l.8)avihā | bho bhaavaṃ | esā gaṇiā dāriā vāleṇa daṭṭhā |avidhā | bho bhagavan | eṣā gaṇikā dārikā vyālena daṣṭā |

(p.38, l.9)kṣīṇenāsyāḥ karmaṇā bhavitavyam | kutaḥ |

• (p.38, l.10)svakarma bhoktuṃ jāyante prāyeṇaiva hi jantavaḥ | (p.38, l.11)kṣīṇe karmaṇi cānyatra punar gacchanti dehinaḥ || 24 ||

(p.38, l.12)ajjue | kiṃ bādhedi |ajjuke | kiṃ bādhate |

(p.38, l.13)sīdadi via me sarīraṃ | ubbhamantī via me diṭṭhī | āuliaṃ
(p.38, l.14)via me hiaaṃ | ṇiggacchanti via me pāṇā | saiduṃ icchāmi |sīdatīva me śarīram, udbhramantīva me dṛṣṭiḥ, ākulitam iva me hṛdayam, nirgacchantīva me prāṇāḥ | śayitum icchāmi |

(p.38, l.15)suhaṃ saadu ajjuā |sukhaṃ śetām ajjukā |

(p.38, l.16)attaṃ abhivādehi |mātaram abhivādaya |

(p.38, l.17)mā mā evvaṃ | saaṃ evva attaṃ abhivādehi |mā maivam | svayam eva mātaram abhivādayiṣyasi |

(p.38, l.18)rāmilaaṃ āliṅgehi | (iti mūrcchitā |) rāmilakam āliṅga |

(p.38, l.19)hā | hadā khu ajjuā |hā | hatā khalu ajjukā |

(p.40, l.1)hanta | hṛtāḥ prāṇāḥ | eṣa bhoḥ |

• (p.40, l.2)gaṅgām uttīrya vindhyaṃ śubhasalilavahāṃ narmadām eṣa sahyaṃ (p.40, l.3)goleyīṃ kṛṣṇaveṇṇāṃ paśupatibhavanaṃ suprayogāṃ ca kāñcīm | (p.40, l.4)kāverīṃ tāmraparṇīm atha malayagiriṃ sāgaraṃ laṅghayitvā (p.40, l.5)vegād uttīrya laṅkāṃ pavanasamagatiḥ prāptavān dharmadeśam || 25 ||

(p.40, l.6)ayaṃ viśālaśākho vaṭavṛkṣaḥ | atrāsīnaṃ citraguptaṃ nayāmi | (niṣkrāntaḥ |)

(p.40, l.7)hā ajjue |hā ajjuke |

(p.40, l.8)bhaavaṃ | parittajadi esā gaṇiā dāriā attaṇo pāṇāṇi |bhagavan | parityajaty eṣā gaṇikā dārikātmanaḥ prāṇān |

(p.40, l.9)mūrkha | paramapriyāḥ prāṇināṃ prāṇāḥ | prāṇais tu parityajyate
(p.40, l.10)śarīram iti vaktavyam |

(p.40, l.11)ā | apehi | aaruṇa ṇissiṇeha kakkasahiaa duṭṭhabuddha
(p.40, l.12)bhiṇṇacāritta kūrasaaḍa muhāmuṇḍa |ā | apehi | akaruṇa niḥsneha karkaśahṛdaya duṣṭabuddha bhinnacāritra kūraśakaṭa mudhāmuṇḍa |

(p.40, l.13)kim abhipretaṃ bhavataḥ |

(p.40, l.14)ṇāmaṭṭhasadaṃ de pūraissaṃ |nāmāṣṭaśataṃ te pūrayiṣyāmi |

(p.40, l.15)chandataḥ |

(p.40, l.16)bho bhaavaṃ | dukkhido mhi |bho bhagavan | duḥkhito 'smi |

(p.42, l.1)kim artham |

(p.42, l.2)amhāṇaṃ saaṇo esā |asmākaṃ svajana eṣā |

(p.42, l.3)kathaṃ svajano nāma |

(p.42, l.4)esā pavvājiā via ṇa kahiñci siṇehaṃ karedi |eṣā pravrājikā iva na kvacit snehaṃ karoti |

(p.42, l.5)durlabhasneho 'pi bhūyo'rthayogāt snihyatīti yuktam | kutaḥ |

• (p.42, l.6)ye nirmamā mokṣam anuprapannāḥ (p.42, l.7)śāstropadiṣṭena pathā prayānti | (p.42, l.8)teṣām api prītiparāṅmukhānāṃ (p.42, l.9)guṇeṣv apekṣāṃ hṛdayaṃ karoti || 26 ||

(p.42, l.10)bho bhaavaṃ | ṇa sakkuṇomi attāṇaṃ dhāreduṃ | uvasappia rodāmi |bho bhagavan | na śaknomy ātmānaṃ dhārayitum | upasṛtya rodimi |

(p.42, l.11)na khalu na khalu gantavyam |

(p.42, l.12)mā kuppa | ajuttaṃ pavvājaāṇaṃ kuppiduṃ | (upasṛtya |) hā ajjue |
(p.42, l.13)hā piasampaṇṇe | hā mahuragāiṇi |mā kupyaḥ | ayuktaṃ pravrājakānāṃ kopitum | hā ajjuke | hā priyasaṃpanne | hā madhuragāyini |

(p.42, l.13)ayya | kiṃ edaṃ |ārya | kim etat |

(p.42, l.14)bhodi | siṇeho |bhavati | snehaḥ |

(p.42, l.15)(ātmagatam |) jujjadi savvāṇukampī sāhujaṇo ṇāma |yujyate sarvānukampī sādhujano nāma |

(p.42, l.16)bhodi | āmissāmi dāva ṇaṃ |bhavati | āmṛśāmi tāvad enām |

(p.42, l.17)pabhavadi ayyo |prabhavaty āryaḥ |

(p.42, l.18)hā bhodi | (pādau spṛśati |) hā bhavati |

(p.42, l.19)mā mā pādāṇi āmissiduṃ |mā mā pādāv āmṛṣṭum |

(p.42, l.20)ā | āula mhi | sīsaṃ pādaṃ pi ṇa āṇāmi | edāṇi
(p.42, l.21)tālaphalapīṇāṇi kāleacandaṇāṇulittāṇi thaṇāṇi aṇahomuhāṇi tatta-
(p.42, l.22)hodīe adhaṇassa mama jīvantīe ṇa āsādidāṇi |ā | ākulito 'smi | śīrṣaṃ pādam api na jānāmi | etau tālaphalapīnau kāleyacandanānuliptau stanāv anadhomukhau tatrabhavatyā adhanasya mama jīvantyā nāsāditau |

(p.44, l.1)(ātmagatam |) evvaṃ dāva karissaṃ | (prakāśam |) ayya | ajjuaṃ muhuttaaṃ
(p.44, l.2)paḍivālehi | jāva attaṃ āṇemi |evaṃ tāvat kariṣyāmi | ārya | ajjukāṃ muhūrtakaṃ paripālaya, yāvan mātaram ānayāmi |

(p.44, l.3)gaccha sigghaṃ | ahaṃ attā aṇattāṇaṃ |gaccha śīghram | ahaṃ mātāmātṝṇām |

(p.44, l.4)(ātmagatam |) sāṇukkoso eso bamhaṇo ajjuaṃ ṇa pariccaadi | jāva
(p.44, l.5)gacchāmi | (niṣkrāntā |) sānukrośa eṣa brāhmaṇo 'jjukāṃ na parityajati, yāvat gacchāmi |

(p.44, l.6)gadā esā | seraṃ rodāmi | hā ajjue | hā mahuragāiṇi |gataiṣā | svairaṃ rodimi | hā ajjuke | hā madhuragāyini |

(p.44, l.7)śāṇḍilya | na kartavyam etat |

(p.44, l.8)ā | apehi ṇissiṇeha | maṃ pi tumaṃ via takkesi |ā | apehi niḥsneha | mām api tvāṃ tarkayasi |

(p.44, l.9)āgaccha vatsa | adhīṣva tāvat |

(p.44, l.10)bhaavaṃ | kiṃ | ciicchīadu dāva esā aṇāhā tavassiṇī |bhagavan | kim | cikitsyatāṃ tāvad eṣā 'nāthā tapasvinī |

(p.44, l.11)kim auṣadhaśāstraṃ bhavataḥ |

(p.44, l.12)aghaṃ de joassa phalaṃ |aghaṃ te yogasya phalam |

(p.44, l.13)(ātmagatam |) eṣa khalu tapasvī kartavyābodhyatayāśramāpavādaṃ na
(p.44, l.14)jānāti | kiñcic chrutaṃ maheśvarādibhir yogācāryaiḥ śiṣyānukrośaḥ saṅgaṃ na
(p.44, l.15)bādhata iti | tad asya pratyayotpādanaṃ kariṣyāmīdṛśo yoga iti | asyā
(p.44, l.16)gaṇikāyāḥ śarīra ātmānaṃ yojayāmi | (yogenāviṣṭaḥ |)

(p.44, l.17)(utthāya |) śāṇḍilya śāṇḍilya |

(p.44, l.18)(saharṣaṃ |) avihā | paccāadappāṇā khu esā | bhodi | aa mhi |avidhā | pratyāgataprāṇā khalv eṣā | bhavati | ayam asmi

(p.46, l.1)aprakṣālitapāṇibhyāṃ mā sprākṣīḥ |

(p.46, l.2)avihā | adicokkhiṇī khu iaṃ |avidhā | aticaukṣīṇī khalv iyam |

(p.46, l.3)ehi vatsa | adhīṣva tāvat |

(p.46, l.4)iha vi ajjhaaṇaṃ | bhaavantaṃ evva uvasappāmi | (upasṛtya |)
(p.46, l.5)bho bhaavaṃ | ai | mudo bhaavo | hā vāālaa | hā adijoavittaa |
(p.46, l.6)hā uvajjhāa | hā | evvaṃ bahu jāṇanto vi maranti |ihāpy adhyayanam | bhagavantam evopasarpāmi | bho bhagavan | ayi | mṛto bhagavān | hā vācālaka | hā atiyogavittaka | hā upādhyāya | hā | evaṃ bahu jānanto 'pi mriyante |

(p.46, l.7)(praviśya mātā ceṭī ca |)

(p.46, l.8)edu edu attā |etv etu mātā |

(p.46, l.9)kahiṃ kahiṃ me dāriā |kutra kutra me dārikā |

(p.46, l.10)esā ajjuā uyyāṇe vāleṇa daṭṭhā |eṣājjukodyāne vyālena daṣṭā |

(p.46, l.11)hā | hada mhi mandabhāā |hā | hatāsmi mandabhāgā |

(p.46, l.12)assasadu assasadu attā | esā ajjuā satthā ciṭṭhadi |āśvasitv āśvasitu mātā | eṣājjukā svasthā tiṣṭhati |

(p.46, l.13)ṇaṃ paiditthā jaha | (upagamya |) jāde vasantaseṇe | kiṃ edaṃ |nanu prakṛtisthā yathā | putri vasantasene | kim etat |

(p.46, l.14)vṛṣalavṛddhe | mā sprākṣīḥ |

(p.46, l.15)haddhi | kiṃ edaṃ |hā dhik | kim etat |

(p.46, l.16)accārūḍho se visaveo |atyārūḍo 'syā viṣavegaḥ |

(p.46, l.17)gaccha sigghaṃ | vejjaṃ āṇehi |gaccha śīghram | vaidyam ānaya |

(p.46, l.18)atte | taha | (niṣkrāntā |) mātaḥ | tathā |

(p.46, l.19)(tataḥ praviśati rāmilakaś ceṭī ca |)

(p.46, l.20)edu edu āvutto | āvuttaṃ apekkhantī santappadi ajjuā |etv etv āvuttaḥ | āvutam apaśyantī saṃtapyaty ajjukā |

(p.48, l.1)rāmilakaḥ —

• (p.48, l.2)icchāmi tāvad asyāḥ kalamadhuravaco mukhaṃ viśālākṣyāḥ | (p.48, l.3)madhupavrato 'bhipātuṃ vikasitam iva komalaṃ kamalam || 27 ||

(p.48, l.4)(upetya |) kathaṃ māṃ dṛṣṭvā parāvṛttamukhī sthitā | (vastrānte gṛhṇan |)

• (p.48, l.5)etan nivartaya sugātri mukhāravindam (p.48, l.6)īṣattaraṅgaparivṛttam ivāravindam | (p.48, l.7)prīṇāti nāma tava vaktram asarvadṛṣṭam (p.48, l.8)alpālpapītam iva pāṇipuṭena toyam || 28 ||

(p.48, l.9)bhos tāmisra | mucyatāṃ mama vastrāntaḥ |

(p.48, l.10)bhavati | kim idam |

(p.48, l.11)jadappahudi vāleṇa daṭṭhā tadappahudi asambaddhāṇi mantedi |yadāprabhṛti vyālena daṣṭā tadāprabhṛty asaṃbaddhāni mantrayate |

• (p.48, l.12)evam |
• vyaktam asyā gataṃ cetas tataḥ śūnye tapasvinī | (p.48, l.13)śarīre 'nyena kenāpi sattvayuktena dharṣitā || 29 ||

(p.48, l.15)(praviśya vaidyaś ceṭī ca |)

(p.48, l.16)edu edu ayyo |etv etv āryaḥ |

(p.48, l.17)kahiṃ sā |kutra sā |

(p.48, l.18)esā khu ajjuā satthā ṭhidā |eṣā khalv ajjukā svasthā sthitā |

(p.48, l.19)dharisidā khu mahāsappeṇa khādidā bhave |dharṣitā khalu mahāsarpeṇa khāditā bhavet |

(p.48, l.20)kahaṃ ayyo jāṇādi |katham āryo jānāti |

(p.50, l.1)mahantaṃ viāraṃ karedi tti | † āṇehi | savvārambhāṇi dāva āra-
(p.50, l.2)mbhissaṃ visatante † | (upaviśya maṇḍalaṃ racayitvā |) kuṇḍalakuḍilagāmiṇi |
(p.50, l.3)maṇḍalaṃ pavisa maṇḍalaṃ | vāsuiputta | ciṭṭha ciṭṭha | śū śū | jāva sirāvehaṃ
(p.50, l.4)karissaṃ | kahiṃ kuṭhāriā |mahāntaṃ vikāraṃ karotīti | ānaya sarvārambhān, yāvad ārambhe viṣatantram | kuṇḍalakuṭilagāmini | maṇḍalaṃ praviśa maṇḍalam | vāsukiputra | tiṣṭha tiṣṭha | śū śū | yāvac chirāvedhaṃ kariṣyāṃi | kutra kuṭhārikā |

(p.50, l.5)mūrkhavaidya | alaṃ pariśrameṇa |

(p.50, l.6)ai | pittaṃ pi atthi | aaṃ de pittaṃ vādaṃ semhaṃ ca ṇāsemi |ayi | pittam apy asti | ayaṃ te pittaṃ vātaṃ śleṣmāṇaṃ ca nāśayāmi |

(p.50, l.7)kriyatāṃ yatnaḥ | na khalv akṛtajñā vayam |

(p.50, l.8)sundaraguliaṃ vālavejjaṃ āṇemi | (niṣkrāntaḥ |) sundaragulikaṃ vyālavaidyam ānayāmi |

(p.50, l.9)(tataḥ praviśati yamapuruṣaḥ |)

(p.50, l.10)bhoḥ | bhartsito 'smi yamena |

• (p.50, l.11)na sā vasantaseneyaṃ kṣipraṃ tatraiva nīyatām | (p.50, l.12)anyā vasantasenā sā kṣīṇāyus tām ihānaya || 30 ||

(p.50, l.13)iti | yāvad asyāḥ śarīram agnisaṃyogaṃ nopanīyate tāvat saprāṇām enāṃ karomi
(p.50, l.14)| (vilokya |) aye | utthitā khalv iyam | bhoḥ | kiṃ nu khalv idam |

• (p.50, l.15)asyā jīvo mama kara utthitaiṣā varāṅganā | (p.50, l.16)āścaryaṃ paramaṃ loke bhuvi pūrvaṃ na dṛśyate || 31 ||

(p.50, l.17)(sarvato vilokya |) aye | atrabhavān yogī parivrājakaḥ krīḍati | kim idānīṃ
(p.50, l.18)kariṣye | bhavatu dṛṣṭam | asyā gaṇikāyā ātmānaṃ parivrājakaśarīre
(p.52, l.1)nyasyāvasite karmaṇi yathāsthānaṃ yojayiṣyāmi | (tathā kṛtvā |)

• (p.52, l.2)ete vipraśarīre 'smin strīprāṇā viniyojitāḥ | (p.52, l.3)yathāsattvaṃ yathāśīlaṃ prāyo yāsyanti vikriyām || 32 ||

(p.52, l.4)(niṣkrāntaḥ |)

(p.52, l.5)(utthāya |) parahudie parahudie |parabhṛtike parabhṛtike |

(p.52, l.6)avihā | paccāadappāṇo khu bhaavo | ā | takkemi dukkha-
(p.52, l.7)bhāiṇo ṇa maranti tti |avidhā | pratyāgataprāṇaḥ khalu bhagavān | ā | tarkayāmi duḥkhabhāgino na mriyanta iti |

(p.52, l.8)kahiṃ kahiṃ rāmilao |kutra kutra rāmilakaḥ |

(p.52, l.9)bhagavan | ayam asmi |

(p.52, l.10)bhaavaṃ | kiṃ edaṃ | kuṇḍiaggahaṇoidaṃ vāmahatthaṃ saṅkhavalaa-
(p.52, l.11)pūridaṃ via me paḍibhādi |bhagavan | kim etat | kuṇḍikāgrahaṇocito vāmahastaḥ śaṅkhavalayapūrita iva me pratibhāti |

(p.52, l.12)rāmilaa | āliṅgehi maṃ |rāmilaka | āliṅga mām |

(p.52, l.13)kiṃsuaṃ āliṅgehi |kiṃśukam āliṅga |

(p.52, l.14)rāmilaa | mattā khu ahaṃ |rāmilaka | mattā khalv aham |

(p.52, l.15)ṇahi ṇahi | ummatto khu tuvaṃ |nahi nahi | unmattaḥ khalu tvam |

(p.52, l.16)bhagavan | āśramaviruddhaḥ khalv ayam ālāpaḥ |

(p.52, l.17)suraṃ pibāmi |surāṃ pibāmi |

(p.52, l.18)visaṃ piba | bhodu | parihāsappamāṇaṃ jāṇissaṃ | ṇeva bhaavo
(p.52, l.19)ṇeva ajjuā | bhaavadajjuaṃ ṇāma saṃvuttaṃ |viṣaṃ piba | bhavatu, parihāsapramāṇaṃ jñāsyāmi | naiva bhagavān, naivājjukā | bhagavadajjukaṃ nāma saṃvṛttam |

(p.52, l.20)parahudie parahudie | āliṅgehi maṃ |parabhṛtike parabhṛtike | āliṅga mām |

(p.52, l.21)apehi |apehi |

(p.52, l.22)jāde vasantaseṇe |putri vasantasene |

(p.54, l.1)ia mhi | atte | vandāmi |iyam asmi | mātaḥ | vande |

(p.54, l.2)bhaavaṃ | kiṃ edaṃ |bhagavan | kim etat |

(p.54, l.3)atte | paccabhijāṇāsi maṃ | rāmilaa | ajja cirāidaṃ khu tue |mātaḥ | pratyabhijānāsi mām | rāmilaka | ādya cirāyitaṃ khalu tvayā |

(p.54, l.4)bhagavan | na vaśyo 'smi |

(p.54, l.5)(praviśya) guliā mae aṭṭha gahidā | osahaṃ ca | khaṇe khaṇe jīvi-
(p.54, l.6)ssadi marissadi tti | (upagamya |) udaaṃ udaaṃ |gulikā mayā aṣṭau gṛhītāḥ | auṣadhaṃ ca | kṣaṇe kṣaṇe jīviṣyati mariṣyatīti | udakam udakam |

(p.54, l.7)idaṃ udaaṃ |idam udakam |

(p.54, l.8)guliaṃ oghaṭṭhaāmi | avihā | ṇa hu iaṃ daṭṭhā | āviṭṭhā khu iaṃ |gulikām avaghaṭṭayāmi | avidhā | na khalv iyaṃ daṣṭā | āviṣṭā khalv iyam |

(p.54, l.9)mūrkhavaidya vṛthāvṛddha | prāṇinām antakam api na jānīṣe | katameneyaṃ
(p.54, l.10)sarpeṇa vyāpāditeti vada |

(p.54, l.11)kiṃ ettha acchariaṃ |kim atrāścaryam |

(p.54, l.12)śāstram apy asti |

(p.54, l.13)satthasahassaṃ atthi |śāstrasahasram asti |

(p.54, l.14)brūhi brūhi vaidyaśāstram |

(p.54, l.15)suṇādu bhodī |śṛṇotu bhavatī |

• (p.54, l.16)vātikāḥ paittikāś caiva ślai— ślai—...

(p.54, l.17)avihā | putthaaṃ putthaaṃ |avidhā | pustakaṃ pustakam |

(p.54, l.18)aho vejjassa abhirūvadā | ekkapade vīsarido | hodu | mama
(p.54, l.19)vaasso evva | idaṃ putthaaṃ |aho | vaidyasyābhirūpatā | ekapade vismṛtaḥ | bhavatu, mama vayasyaivedaṃ pustakam |

(p.54, l.20)suṇādu bhodī |śṛṇotu bhavatī |

• (p.54, l.21)vātikāḥ paittikāś caiva ślaiṣmikāś ca mahāviṣāḥ | (p.54, l.22)trīṇi sarpā bhavanty ete caturtho nādhigamyate || 33 ||

(p.56, l.1)ayam apaśabdaḥ | trayaḥ sarpā iti vaktavyam | trīṇīti napuṃsakaṃ
(p.56, l.2)bhavati |

(p.56, l.3)avihā | vaiāaraṇasappeṇa khādidā bhave |avidhā | vaiyākaraṇasarpeṇa khāditā bhavet |

(p.56, l.4)kiyanto viṣavegāḥ |

(p.56, l.5)visaveā sadaṃ |viṣavegāś śatam |

(p.56, l.6)na na | sapta viṣavegāḥ | tad yathā |

• (p.56, l.7)romāñco mukhaśoṣaś ca vaivarṇyaṃ caiva vepathuḥ | (p.56, l.8)hikkā śvāsaś ca sammohaḥ saptaite viṣavikriyāḥ || 34 ||

(p.56, l.9)saptaviṣavegād atikrānto 'śvibhyām api na śakyate cikitsitum | athavā
(p.56, l.10)vaktavyam asti ced brūhi |

(p.56, l.11)ṇa hu amhāṇaṃ visao | ṇamo bhodīe | gacchāmi dāva ahaṃ |
(p.56, l.12)(niṣkrāntaḥ |) na khalv asmākaṃ viṣayaḥ | namo bhavatyai | gacchāmi tāvad aham |

• (p.56, l.13)((praviśya)) bhoḥ |
• garbhasravaiś ca piṭakajvarakarṇarogair (p.56, l.14)gulmādhiśūlahṛdayākṣiśirorugādyaiḥ | (p.56, l.15)asmin kṣaṇe bahuvidhaiḥ khalu vidravaiś ca (p.56, l.16)kṣipraṃ kṛtā yamapurābhimukhāś ca jīvāḥ || 35 ||

(p.56, l.17)yāvad aham api bhagavatsandeśam anutiṣṭhāmi | (gaṇikām upetya |) bhagavan | mucyatāṃ
(p.56, l.18)vṛṣalyāḥ śarīram |

(p.56, l.20)chandataḥ |

(p.56, l.21)yathāsvaṃ jīvavinimayaṃ kṛtvā svakāryam anutiṣṭhāmi | ((tathā kṛtvā
(p.56, l.22)niṣkrāntaḥ |))

(p.58, l.1)śāṇḍilya śāṇḍilya |

(p.58, l.2)eso bhaavo sabhāve payyavatthido |eṣa bhagavān svabhāve paryavasthitaḥ |

(p.58, l.3)parahudie parahudie |parabhṛtike parabhṛtike |

(p.58, l.4)esā ajjuā sabhāveṇa mantedi |eṣājjukā svabhāvena mantrayate |

(p.58, l.5)jādo vasantaseṇe |putri vasantasene |

(p.58, l.6)priye vasantasene | ita itaḥ |

(p.58, l.7)(niṣkrāntā gaṇikā mātā rāmilakaś ceṭyau ca |)

(p.58, l.8)bhaavaṃ | kiṃ edaṃ |bhagavan, kim etat |

(p.58, l.9)mahatī khalu kathā | āvāse kathayiṣyāmi | (diśo vilokya |)
(p.58, l.10)gato divasaḥ | samprati hi

• (p.58, l.11)astaṃ gato hi dinakṛdgaganāntalambī (p.58, l.12)mūṣāmukhastha iva taptasuvarṇarāśiḥ | (p.58, l.13)yasya prabhābhir anurañjitameghavṛndam (p.58, l.14)ālakṣyate dahanagarbham ivāntarikṣam || 36 ||

(p.58, l.15)(niṣkrāntau)
(p.58, l.16)|| bhagavadajjukaṃ nāma prahasanaṃ samāptam ||