alam ativistareṇa! ādiṣṭo 'smi — sakalasāmantacakracūḍāmaṇimarīcimañjarīnīrājitacaraṇakamalena; balavadarinivahavakṣaḥsthalakavāṭapāṭanaprakaṭitanṛsiṃharūpeṇa; prabalataranarapatikulapralayamahārṇavanimagnamedinīsamuddharaṇopanītamahāvarāharūpeṇa; sakaladigvilāsinīkarṇapūrīkṛtakīrtilatāpallavena; samastāśāstamberamakarṇatālāsphālanabahalapavanasampātapravardhitapratāpānalena — śrīmatā gopalena, yathā khalv — “asya sahajasuhṛdo rājñaḥ kīrtivarmadevasya digvijayavyāpārāntaritaparabrahmānandair asmābhiḥ samunmīlitavividhaviṣamaviṣayarasāsvādadūṣitā ivātivāhitā divasāḥ | idānīṃ tu kṛtakṛtyā vayam | yataḥ —

• (p.2)nītāḥ kṣayaṃ kṣitibhujo nṛpater vipakṣā; rakṣāvatī kṣitir abhūt prathitair amātyaiḥ | sāmrājyam asya vihitaṃ kṣitipālamauli- mālārpitaṃ bhuvi payonidhimekhalāyām || 1.3 ||

tad vayaṃ śāntarasaprayogābhinayenātmānaṃ vinodayitum icchāmaḥ | tad yat pūrvam asmadgurubhis, tatrabhavadbhiḥ śrīkṛṣṇamiśraiḥ prabodhacandrodayaṃ nāma nāṭakaṃ nirmāya bhavataḥ samarpitam āsīt tad adya rājñaḥ śrīkīrtivarmaṇaḥ purastād abhinetavyaṃ bhavatā | asti cāsya bhūpateḥ sapariṣadas tadavalokane kutūhalam” iti | tad bhavatu | gṛhaṃ gatvā, gṛhiṇīm āhūya, saṅgītakam anutiṣṭhāmi | (parikramya, nepathyābhimukham avalokya |) ārye! itas tāvat!

(praviśya |)

esa mhi | āṇavedu, ayyaütto, ko ṇioo aṇuciṭṭhīyadu tti |eṣāsmi | ājñāpayatv āryaputraḥ ko niyogo 'nuṣṭhīyatām iti |

ārye viditam eva bhavatyā —

• asti pratyarthipṛthvīpativipulabalāraṇyamūrcchatpratāpa- jyotirjvālāvalīḍhatribhuvanavivaro viśvaviśrāntakīrtiḥ | gopālo bhūmipālān prasabham asilatāmitramātreṇa jitvā; sāmrājye kīrtivarmā narapatitilako yena bhūyo 'bhyaṣeci || 1.4 ||
• api ca —
• adyāpy unmadayātudhānataruṇīcañcatkarāsphālana- vyāvalgannṛkapālatālaraṇitair nṛtyatpiśācāṅganāḥ | udgāyanti yaśāṃsi yasya vitatair nādaiḥ pracaṇḍānila- prakṣubhyatkarikumbhakūṭakuharavyaktai raṇakṣoṇayaḥ || 1.5 ||

tena ca śāntapathaprasthitenātmano vinodārthaṃ prabodhacandrodayābhidhānaṃ nāṭakam abhinetum ādiṣṭo 'smi | tad ādiśyantāṃ bharatā varṇikāparigrahāya!

(p.3)(savismayam) accariaṃ accariaṃ | jeṇa taha ṇiabhuabalavikkamekkaṇibbhacchiasaalarāamaṇḍaleṇa ākaṇṇākiṭṭhakaṭhiṇakoaṇḍadaṇḍabahalaghaṇavarisantasantaasaradhārāṇiarajajjarijjantaturaṃgataraṃgamālaṃ, ṇirantaraṇivaḍantatikkhakhaggavikkhittasahatthasatthapaliattottuṅgamāaṅgamahāmahīharasahassaṃ, bhamantabhuadaṇḍamandalāhihādaghuṇṇantasaalapattisalilasa≤ṇghā≥«ṃghā»aṃ, kaṇṇaseṇṇasāaraṃ ṇimmahia | mahumahaṇeṇavva khīrasamuddaṃ āsādiā; samaravijaalacchī | tassa saṃpadaṃ saalamuṇiaṇasilāaṇijjo kahaṃ īriso uvasamo saṃvutto |āścaryam, āścaryam! yena tathā nijabhujabalavikram'aikanirbhartsitasakalarājamaṇḍalenākarṇākṛṣṭakaṭhinakodaṇḍadaṇḍabahalaghanavarṣatsantataśaradhārānikarajarjaratturaṅgataraṅgamālaṃ nirantaranipatattīkṣṇakhadgavikṣiptasvahastaśastraparyastottuṅgamātaṅgamahāmahīdharasahasram bhramadbhujadaṇḍamandarābhighātaghūrṇamānasakalapattisalilasaṃghātaṃ karṇasainyasāgaraṃ nirmathya madhumathaneneva kṣīrasamudram āsāditā samaravijayalakṣmīḥ | tasya sāmprataṃ sakalamunijanaślāghanīyaḥ katham īdṛśa upaśamaḥ saṃvṛttaḥ |

ārye nisargasaumyam eva brāhmaṃ jyotiḥ, kuto 'pi kāraṇāt prāptavikriyam api, punaḥ svabhāva evāvatiṣṭhate | yataḥ sakalabhūpālakulapralayakālāgnirudreṇa cedipatinā samunmūlitaṃ candrānvayapārthivānāṃ pṛthivyām ādhipatyaṃ sthirīkartum ayam asya saṃrambhaḥ | paśya tathā —

• kalpāntavātasaṃkṣobhalaṅghitāśeṣabhūbhṛtaḥ | dhairyaprasādamaryādās tā eva hi mahodadheḥ || 1.6 ||

api ca, bhagavannārāyaṇāṃśasaṃbhūtā bhūtahitāya tathāvidhapauruṣabhūṣaṇāḥ puruṣāḥ kṣitim avatīrya, niṣpāditakṛtyāḥ punaḥ śāntim eva prapadyante | tathā hi paraśurāmam evākalayatu bhavatī tāvat —

• yena triḥsaptakṛtvo nṛpabahulavasāmāṃsamastiṣkapaṅka- prāgbhāre 'kāri bhūricyutarudhirasaridvāripūre 'bhiṣekaḥ | yasya strībālavṛddhāvadhinidhanavidhau nirdayo viśruto 'sau rājanyoccāṃsakūṭatruṭanapaṭuraṭadghoradhāraḥ kuṭhāraḥ || 1.7 ||
• so 'pi svavīryād avatārya bhūmer bhāraṃ samutkhāya kulaṃ nṛpāṇām | praśāntakopajvalanas tapobhiḥ śrīmān punaḥ śāmyati jāmadagnyaḥ || 1.8 ||

tathāyam api kṛtakartavyaḥ saṃprati parāṃ śāntiṃ prapannaḥ | yena ca —

• (p.4)vivekeneva nirjitya karṇaṃ moham ivorjitam | śrīkīrtivarmanṛpater bodhasyevodayaḥ kṛtaḥ || 1.9 ||

āḥ pāpa śailūṣādhama! katham, asmāsu jīvatsu, svāmino mahāmohasya vivekasakāśāt parājayam udāharasi?

(sasaṃbhramaṃ vilokya) ārye itas tāvat |

• uttuṅgapīvarakucadvayapīḍitāṅgam, āliṅgitaḥ pulakitena bhujena ratyā | śrīmāñ jaganti madayan nayanābhirāmaḥ, kāmo 'yam eti madaghūrṇitanetrapadmaḥ || 1.10 ||

madvacanāc cāyam upajātakrodha iva lakṣyate | tad apasaraṇam evāsmākam itaḥ śreyaḥ |

(niṣkrāntau |) prastāvanā |

(p.5) (tataḥ praviśati yathānirdiṣṭaḥ kāmo ratiś ca |)

(sakrodham, āḥ pāpeti pūrvoktam eva paṭhitvā) nanu re re bharatādhama!

• prabhavati manasi viveko viduṣām api śāstrasaṃbhavas tāvat | nipatanti dṛṣṭiviśikhā yāvan nendīvarākṣīṇām || 1.11 ||
• api ca —
• ramyaṃ harmyatalaṃ, navāḥ sunayanā, guñjaddvirephā latāḥ, pronmīlannavamallikā, surabhayo vātāḥ, sacandrāḥ kṣapāḥ | ity etāni jayanti hanta paritaḥ śastrāṇy amoghāni me, tad bhoḥ kīdṛg asau vivekavibhavaḥ, kīdṛg prabodhodayaḥ? || 1.12 ||

ajjaütta! garuo kkhu mahāraamahāmohassa paḍivakkho viveo tti takkemi |āryaputra! garīyān khalu mahārājamahāmohasya pratipakṣo viveka iti tarkayāmi |

priye, kutas tavedaṃ strīsvabhāvasulabhaṃ vivekād bhayam utpannam? paśya —

• (p.6)api yadi viśikhāḥ śarāsanaṃ vā kusumam ayaṃ sasurāsuraṃ tathāpi | mama jagad akhilaṃ, varoru! nājñām idam atilaṅghya dhṛtiṃ muhūrtam eti || 1.13 ||
• tathā hi —
• ahalyāyā jāraḥ surapatir abhūd, ātmatanayāṃ prajānātho 'yāsīd, abhajata guror indur abalām | iti prāyaḥ ko vā na padam apade 'kāryata mayā? śramo madbāṇānāṃ ka iva bhuvanonmāthavidhiṣu? || 1.14 ||

ajjaütta evvaṃ edaṃ | taha vi mahāsahāasaṃpaṇṇo saṅgidavvo arādī | jado 'ssa jamaṇiamappamuhā amaccā mahābalā suṇīandi |āryaputra, evaṃ etat | tathāpi mahāsahāyasaṃpannaḥ śaṅkitavyo 'rātiḥ | yato 'sya yaminiyamapramukhā amātyā mahābalāḥ śrūyante |

priye, yān etān rājño vivekasya balavato yamādīn aṣṭāv amātyān paśyasi ta ete niyatam asmābhir abhiyuktamātrād drāg eva vighaṭiṣyante | tathā hi —

• ahiṃsā kaiva kopasya? brahmacaryādayo mama? | lobhasya purataḥ ke 'mī — satyāsteyāparigrahāḥ? || 1.15 ||

yamaniyamāsanaprāṇāyāmapratyāhāradhyānadhāraṇāsamādhayas tu, nirvikāracittaikasādhyatvād, īṣatkarasamunmūlanā eva | api ca striya evāmīṣāṃ kṛtyās tenaite 'smadgocarā eva na vartante | yataḥ —

• santu vilokanabhāṣaṇavilāsaparihāsakeliparirambhāḥ! | smaraṇam api kāminīnām alam iha manaso vikārāya || 1.16 ||

viśeṣataś caite madamānamātsaryadambhastambhalobhādibhir asmatsvāmivallabhair abhiyujyamānā narapatimantriṇo 'dharmam evāśrayiṣyante |

sudaṃ mae tumhāṇaṃ samadamaviveappahudīṇaṃ ca ekkaṃ uppattitthāṇaṃ ti |śrutaṃ mayā yuṣmākaṃ śamadamavivekaprabhṛtīnāṃ caikam utpattisthānam iti |

āḥ, priye, kim ucyata “ekam utpattisthānam” iti, nanu janaka evāsmākam abhinnaḥ | tathā hi —

• (p.7)saṃbhūtaḥ prathamamaheśvarasya saṅgān māyāyāṃ mana iti viśrutas tanūjaḥ | trailokyaṃ sakalam idaṃ visṛjya bhūyas tenātho janitam idam kuladvayaṃ naḥ || 1.17 ||

tasya ca pravṛttinivṛttī dve dharmapatnyau | tayoḥ pravṛttyāṃ samutpannaṃ mahāmohapradhānam ekaṃ kulam | nivṛttyāṃ ca dvitīyaṃ vivekapradhānam iti |

ajjaütta jaï evvaṃ, tā kiṃ ṇimittaṃ tumhāṇaṃ soarāṇaṃ vi īrisaṃ veram?āryaputra, yady evaṃ, tat kinnimittaṃ yuṣmākaṃ sodarāṇām api īdṛśaṃ vairam?

• priye,
• ekāmiṣaprabhavam eva mahīpatīnām ujjṛmbhate jagati vairam iti prasiddham | pṛthvīnimittam abhavat kurupāṇḍavānāṃ tīvras tathā hi bhuvanakṣayakṛdvirodhaḥ || 1.18 ||

sarvam evaitaj jagad asmākaṃ pitryam upārjanaṃ, tac cāsmābhis tātavallabhatayā sarvam evākrāntam, teṣāṃ tu viralaḥ pracāraḥ | tenaite pāpāḥ sāṃprataṃ pitaram asmāṃś conmūlayitum udyatāḥ!

sāntaṃ pāvaṃ sāntaṃ pāvaṃ | ajjaütta kiṃ edaṃ pāvaṃ viddesamatteṇa tehiṃ āraddhaṃ? ahavā uvāo vi ko vi ettha mantido?śāntaṃ pāpaṃ, śāntaṃ pāpam! āryaputra, kiṃ etat pāpaṃ vidveṣamātreṇa tair ārabdham? athavā upāyo 'pi ko 'py atra mantritaḥ?

priye, asty atra kiṃcin niguḍhaṃ bījam |

ajjaütta tā kiṃ ṇa ugghāḍīadi?āryaputra, tat kiṃ nodghāṭyate?

priye, bhavatī strīsvabhāvād bhīrur iti, na dāruṇakarma pāpīyasām udāhriyate!

(p.8)(sabhayam) ajjaütta kerisaṃ tam?āryaputra, kīdṛśaṃ tat?

priye, na bhetavyaṃ, na bhetavyam | hatāśānāṃ manorathamātram evaitat | asti kilaiṣā kiṃvadantī — “asmākaṃ kule kālarātrikalpā vidyā nāma rākṣasī samutpatsyata” iti |

(sabhayam) haddhi! kadhaṃ uṇa amhāṇaṃ kule rakkhasi? tti vevadi me hiaam |hā dhik! katham punar asmākaṃ kule rākṣasīti? vepate me hṛdayam |

priye, na bhetavyaṃ, ne bhetavyaṃ | kiṃvadantīmātram etat |

aha tāe rakkhasīe kiṃ kādavvam?atha tayā rākṣasyā kiṃ kartavyam?

priye asti kilaiṣā prājāpatyā sarasvatī —

• puṃsaḥ saṅgasamujjhitasya gṛhiṇī māyeti tenāpy asāv aspṛṣṭāpi manaḥ prasūya tanayaṃ; lokān asūta kramāt | tasmād eva janiṣyate punar asau vidyeti kanyā yayā tātas te ca sahodarāś ca jananī sarvaṃ ca bhakṣyaṃ kulam || 1.19 ||

(satrāsotkampam) ajjaütta! parittāāhi, parittāāhi!āryaputra! paritrāyasva, paritrāyasva! (iti bhartāram āliṅgati |)

(sparśasukham abhinīya | svagatam |)

• sphuradromodbhedas taralataratārākuladṛśo, bhayotkampottuṅgastanayugabharāsaṅgasubhagaḥ | adhīrākṣyā guñjanmaṇivalayadorvalliracitaḥ; parīrambho modaṃ janayati ca saṃmohayati ca || 1.20 ||

(prakāśam | dṛḍhaṃ pariṣvajya |) priye, na bhetavyaṃ, na bhetavyam | asmāsu jīvatsu kuto vidyotpattiḥ?

ajjaütta kiṃ tāe rakkhassīe uppattī amhāṇaṃ paḍivakkhāṇaṃ sammadā?āryaputra, kiṃ tasyā rākṣasyā utpattir asmākaṃ pratipakṣāṇāṃ sammatā?

(p.9)bāḍham! sā khalu vivekenopaniṣaddevyāṃ prabodhacandreṇa bhrātrā samaṃ janayitavyā | tatra sarva evaite śamadamādayaḥ pratipannodyogāḥ |

kahaṃ puṇa appaṇo viṇāsakāriṇīe vijjāe uppattī tehiṃ duvviṇīdehiṃ silāhijjaï?katham punar ātmano vināśakāriṇyā vidyāyā utpattir tair durvinītaiḥ slāghyate?

priye, kulakṣayapravṛttānāṃ pāpakāriṇāṃ kutaḥ svaparapratyavāyagaṇanā? paśya —

• sahajamalinavakrabhāvabhājāṃ bhavati bhavaḥ prabhavātmanāśahetuḥ | jaladharapadavīm avāpya dhūmo jvalanavināśam anuprayāti nāśam || 1.21 ||

āḥ pāpa! durātman! katham asmān eva “pāpakāriṇa” ity ākṣipasi | nanu re!

• guror apy avaliptasya, kāryākāryam ajānataḥ | utpathaṃ pratipannasya, parityāgo vidhīyate || 1.22 ||

iti paurāṇikīṃ gāthāṃ purāṇavida udāharanti! anena cāsmākaṃ janakenāhaṅkārānuvartinā jagatpatiḥ pitaiva tāvad baddhaḥ! mohādibhiś ca sa eva bandhaḥ sudṛḍhatāṃ nītaḥ |

(samantād avalokya) priye, ayam asmākaṃ kule jyāyān matyā devyā saha viveka ita evābhivartate | ya eṣaḥ —

• rāgādibhiḥ svarasacāribhir āttakāntir (p.10)nirbhartsyamāna iva mānadhanaḥ kṛśāṅgaḥ | matyā nitāntakaluṣīkṛtayā śaśaṅkaḥ kāntyeva sāndratuhināntarito vibhāti || 1.23 ||

tan na yuktam ihāsmākam avasthātum |

(iti niṣkrāntau) viṣkambhaḥ

(tataḥ praviśati rājā viveko matiś ca)

(vicintya) priye, śrutaṃ tvayāsya durvinītasya kāmabaṭor madavisphūrjitaṃ vaco yad asmān eva pāpakāriṇa ity ākṣipati?

ajjaütta kiṃ appaṇo dosaṃ loo viāṇādi?āryaputra, kim ātmano doṣaṃ loko vijānāti?

• paśya —
• asāv ahaṅkāraparair durātmabhir nibadhya taiḥ pāpaśaṭhair madādibhiḥ | ciraṃ cidānandamayo nirañjano jagatpatir dīnadaśām anīyata || 1.24 ||

ta ete puṇyakāriṇo vayaṃ tu tanmuktaye pravṛttāḥ pāpakāriṇa! ity aho jitaṃ durātmabhiḥ!

ajjaütta, jado so sahaāṇandasundarasahāvo ṇiccappaāsapphurantasaalattihuaṇappaāro paramessaro suṇīadi | tā kahaṃ edehiṃ duvviaḍḍhehiṃ baṃdhia mahāmohasāare ṇikkhitto?āryaputra, yato 'sau sahajānandasundarasvabhāvo nityaprakāśasphuratsakalatribhuvanapracāraḥ parameśvaraḥ śrūyate | tasmāt katham etair dirvidagdhair bandhitvā mahāmohasāgare nikṣiptaḥ |

• (p.11)priye,
• satatadhṛtir apy uccaiḥ śānto 'py avāptamahodayo 'py adhigatanayo 'py antaḥsvaccho 'py udīritadhīr api | tyajati sahajaṃ dhairyaṃ strībhiḥ pratāritamānasaḥ. svam api yad ayaṃ māyāsaṅgāt pumān iti vismṛtaḥ? || 1.25 ||

ajjaütta, ṇaṃ andhakāralehāe sahassarassiṇo tirakkāro jaṃ māāe taha papphurantamahappaāsasāarassa devassa vi ahihavo |āryaputra, nanu andhakāralekhayā sahasraraśmes tiraskāro yan māyayā tathā prasphuranmahāprakāśasāgarasya devasyāpy abhibhavaḥ |

priye, avicārasiddheyaṃ veśyāvilāsinīva māyā asato 'pi bhāvānupadarśayantī puruṣaṃ vañcayati | paśya —

• sphaṭikamaṇivad bhāsvān devaḥ pragāḍham anāryayā vikṛtim anayā nītaḥ kām apy asaṅgatavikriyaḥ | na khalu tad upaśleṣād asya vyapaiti rucir manāk, prabhavati tathāpy eṣā puṃso vidhātum adhīratām || 1.26 ||

ajjaütta, kiṃ puṇa kālaṇaṃ jeṇa taha udāracaridaṃ duvvaḍḍhā paāredi?āryaputra, kiṃ punaḥ kāraṇaṃ yena sā tathodāracaritaṃ durvidagdhā pratārayati?

na khalu prayojanaṃ kāraṇaṃ vā vilokya māyā pravartate | svabhāvaḥ khalv asau strīpiśācīnāṃ | paśya —

• (p.12)saṃmohayanti, madayanti, viḍambayanti; nirbhartsayanti, ramayanti, viṣādayanti | etāḥ praviśya sadayaṃ hṛdayaṃ narāṇāṃ, kiṃ nāma vāmanayanā na samācaranti? || 1.27 ||

asti cāparam api kāraṇam |

ajjaütta, kiṃ ṇāma taṃ kālaṇam?āryaputra, kiṃ nāma tat kāraṇam |

evam anayā durācārayā vicintitaṃ yad “ahaṃ tāvad gatayauvanā varṣīyasījātā | ayaṃ ca purāṇapuruṣaḥ svabhāvād eva viṣayarasavimukhaḥ | tataḥ svatanayam eva pārameśvarapade niveśayāmī”ti tam eva mātur abhiprāyam āsādya nitāntatatpratyāsannatayā tadrūpatām ivāpannena manasā navadvārāṇi purāṇi racayitvā |

• eko 'pi bahudhā teṣu vicchidyeva niveśitaḥ | svaceṣṭitam atho tasmin nidadhāti maṇāv iva || 1.28 ||

(vicintya) jārisī mādā putto vi tāriso jevva jādo |yādṛśī mātā putro 'pi tāḍṛśa eva jātaḥ |

tato 'sāv ahaṃkāreṇa cittasya jyeṣṭhaputreṇa naptrā pariṣvaktaḥ | tataś cāsāv īśvaraḥ —

• “jāto 'haṃ janako mamaiṣa jananī kṣetraṃ kalatraṃ kulaṃ putrā mitram arātayo vasu balaṃ vidyā suhṛd bāndhavāḥ” | cittaspanditakalpanām anubhavan vidvān avidyāmayīṃ nidrām etya vighūrṇito bahuvidhān svapnān imān paśyati || 1.29 ||

ajjaütta evvaṃ dīhadīhataraṇiddāviddāviappabohe paramessare kahaṃ pabohuppattī bhavissadi?āryaputra, evaṃ dīrghadīrghataranidrāvidrāvitaprabodhe parameśvare kathaṃ prabodhotpattir bhaviṣyati |

(salajjam adhomukhas tiṣṭhati |)

kitti guruaralajjābharaṇamidaseharo tūṇhīṃbhūdo 'si?kimiti gurutaralajjābharanamitaśekharas tūṣṇīṃbhūto 'si |

(p.13)priye, serṣyaṃ prāyeṇa yoṣitāṃ bhavati hṛdayam | tena sāparādham ivātmānaṃ śaṅke |

aṇṇāo tāo itthiāo, jāo sarasappaüttassa vā dhammapahavāvārappavuttassa vā bhattuṇo hiaadiaṃ vihaṇandi |anyās tāḥ striyo, yāḥ svarasapravṛttasya vā dharmapathavyāpārapravṛttasya vā bhartur hṛdayepsitaṃ vighnanti |

• priye —
• māninyāś ciraviprayogajanitāsūyākulāyā bhavec chāntyāder anukūlanād upaniṣaddevyā mayā saṃgamaḥ | tūṣṇīṃ ced viṣayānapāsya bhavatī tiṣṭhen muhūrtaṃ tato jāgratsvapnasuṣuptidhāmavirahāt prāptaḥ prabodhodayaḥ || 1.30 ||

ajjaütta, jadi evaṃ kulappahuṇo diḍhagaṃthiṇiṭṭhāvia bandhamokkho bhodi tado tāe ṇiccāṇubaddho jevva ajjaütto bhodu! suṭṭhu me piam |āryaputra, yady evaṃ kulaprabhor dṛḍhagranthiniṣṭhāpita bandhamokṣo bhavati tatas tayā nityānubaddha evāryaputro bhavatu | suṣṭhu me priyam |

yady evaṃ prasannāsi siddhās tarhy asmākaṃ manorathāḥ | tathā hi —

• baddhvaiko bahudhā vibhajya jagatām ādiḥ prabhuḥ śāśvataḥ kṣiptvā yaiḥ puruṣaḥ pureṣu paramo mṛtyoḥ padaṃ prāpitaḥ | teṣāṃ brahmabhidāṃ vidhāya vidhivat prāṇāntikaṃ vidyayā prāyaścittam idaṃ mayā punar asau brahmaikatāṃ nīyate || 1.31 ||

tad bhavatu | prastutavidhānāya śamādīn udyojayāmaḥ |

(niṣkrāntau) iti śrīkṛṣṇamiśrayatiracite prabodhacandrodaye māyāvilasitaṃ nāma prathamo 'ṅkaḥ |

ādiṣṭo 'smi mahārājamahāmohena yathā — “vatsa dambha pratijñātaṃ sāmātyena vivekena prabodhodayāya, preṣitāś ca teṣu teṣu tīrtheṣu śamadamādayaḥ | sa cāyam asmākam upasthitaḥ kulakṣayo, bhavadbhir avahitaiḥ pratikartavyaḥ | tatra pṛthivyāṃ paramaṃ muktikṣetraṃ vārāṇasī nāma nagarī | tad bhavāṃs tatra gatvā caturṇām apy āśramāṇāṃ niḥśreyasavighnāya prayatatām” iti | tad idānīṃ vaśīkṛtabhūyiṣṭhā mayā vārāṇasī saṃpāditaś ca svāmino yathānirdiṣṭa ādeśaḥ | tathā hi madadhiṣṭhitair idānīm —

• veśyāveśmasu sīdhugandhilalanāvaktrāsavāmoditair nītvā nirbharamanmathotsavarasair unnidracandrāḥ kṣapāḥ | sarvajñā iti dīkṣitā iti cirāt prāptāgnihotrā iti brahmajñā iti tāpasā iti divā dhūrtair jagad vañcyate || 2.1 ||

(vilokya) ko 'py ayaṃ pāntho bhāgīrathīm uttīrya sāṃpratam ita evābhivartate? yathā cāyaṃ —

• jvalann ivābhimānena, grasann iva jagattrayīm | bhartsayann iva vāgjālaiḥ, prajñayopahasann iva || 2.2 ||

tathā tarkayāmi | nūnam ayaṃ dakṣiṇarāḍhāpradeśād āgataḥ | tad asmād āryasyāhaṃkārasya vṛttāntam avagacchāmi | (iti parikrāmati |)

(tataḥ praviśaty ahaṅkāro yathānirdiṣṭaḥ |)

aho! mūrkhabahulaṃ jagat! tathā hi —

• (p.15)naivāśrāvi guror mataṃ, na viditaṃ kaumārilaṃ darśanaṃ, tattvajñānam aho na śālikagirāṃ vācaspateḥ kā kathā? | sūktaṃ nāpi mahodadher adhigataṃ, māhāvratī nekṣitā, sūkṣmā vastuvicāraṇā, nṛpaśubhiḥ svasthaiḥ kathaṃ sthīyate || 2.3 ||

(vilokya) ete tāvad arthāvadhāraṇavidhurāḥ; svādhyāyādhyayanamātraniratā vedaviplāvakā eva | (punar anyato gatvā |) ete ca bhikṣāmātraṃ gṛhītayativratā, muṇḍitamuṇḍāḥ paṇḍitammanyā vedāntaśāstraṃ vyākulayanti | (vihasya)

• pratyakṣādipramāsiddhaviruddhārthābhidhāyinaḥ | vedāntā yadi śāstrāṇi bauddhaiḥ kim aparādhyate? || 2.4 ||

tad etad vāṅmātraśravaṇam api gurutaraduritodayāya! (punar anyato gatvā |) ete ca śaivapāśupatādayo durabhyastākṣapādamatāḥ paśavaḥ pāṣaṇḍāḥ! amīṣāṃ saṃbhāṣaṇād api narā narakaṃ yānti | tad ete darśanapathād dūrataḥ pariharaṇīyāḥ | (punar anyato gatvā |) ete ca —

• gaṅgātīrataraṅgaśītalaśilāvinyastabhāsvadbṛsī- saṃviṣṭāḥ, kuśamuṣṭimaṇḍitamahādaṇḍāḥ karaṇḍojjvalāḥ | paryāyagrathitākṣasūtravalayapratyekabījagraha- vyagrāgrāṅgulayo haranti dhanināṃ vittāny, aho dāmbhikāḥ! || 2.5 ||

(anyato gatvā vilokya |) ete tridaṇḍavyapadeśajīvino dvaitādvaitamārgaparibhraṣṭā eva! aye! kasyaitad dvāropāntanikhātātiprāṃśuvaṃśakāṇḍatāṇḍavitadhautasitasūkṣmāmbarasahasram, itas tato vinyastakṛṣṇājinadṛṣadupalasamiccaṣālolūkhalamusalam, anavaratahutājyagandhidhūmaśyāmalitagaganamaṇḍalam amarasarito nātidūre vibhāty āśramamaṇḍalam? nūnam idaṃ kasyāpi gṛhamedhino gṛhaṃ bhaviṣyati | bhavatu, yuktam asmākam atipavitram etad dvitridivasanivāsasthānam | (praveśaṃ nāṭayati vilokya ca |) aye!

• (p.16)mṛdbindulāñchitalalāṭabhujodaroraḥ- kāṇṭhoṣṭhapṛṣṭhacibukorukapolajānuḥ | cūḍāgrakarṇakaṭipāṇivirājamāna- darbhāṅkuraḥ — sphurati! mūrta ivaiṣa dambhaḥ || 2.6 ||

bhavatūpasarpāmy enam | (upasṛtya |) kalyāṇam bhavatu, bhavatām!

(dambho huṃkāreṇa nivārayati |) (praviśati baṭuḥ |)

(sasaṃbhramam |) brahman, dūrata eva sthīyatām! yataḥ pādau prakṣālya etad āśramapadaṃ praveṣṭavyam!

(sakrodham) āḥ pāpa! turuṣkadeśaṃ prāptāḥ smaḥ, yatra śrotriyān atithīn āsanapādyādibhir api gṛhiṇo nopatiṣṭhanti!

(hastasaṃjñayā samāśvāsayati |)

evam ārādhyapādā ājñāpayanti dūradeśād āgatasyāryasya kulaśīlādikaṃ na samyag asmābhir viditam |

āḥ! katham asmākam api kulaśīlādikam idānīṃ parīkṣitavyam? śrūyatām!

• (p.17)gauḍaṃ rāṣṭram anuttamaṃ, nirūrupamā tatrāpi rāḍhāpurī, bhūriśreṣṭhikanāma dhāma paramaṃ tatrottamo naḥ pitā | tatputrāś ca mahākulā na viditāḥ kasyātra teṣām api, prajñāśīlavivekadhairyavinayācārair ahaṃ cottamaḥ || 2.7 ||

(dambho baṭuṃ paśyati |)

(tāmraghaṭīṃ gṛhītvā |) brahman! pādaśaucaṃ vidhīyatām!

bhavatu | ko 'tra virodhaḥ? evaṃ kriyate | (tathā kṛtvopasarpati)

(dambho dantān saṃpīḍya baṭuṃ paśyati)

dūre tāvat sthīyatām! vātāhatāḥ prasvedakaṇikāḥ prasaranti!

aho! apūrvaṃ idaṃ brāhmaṇyam!

brahman evam etat! tathā hi —

• aspṛṣṭacaraṇā hy asya cūḍāmaṇimarīcibhiḥ | nīrājayanti bhūpālāḥ pādapīṭhāntabhūtalam || 2.8 ||

(svagatam |) aye! dambhagrāhyo 'yaṃ deśaḥ! (prakāśam) bhavatu | asminn āsane upaviśāmi! (tathā kartum icchati |)

maivam! nārādhyapādānām anyair āsanam ākramyate!

āḥ pāpa! asmābhir api dakṣiṇarāḍhāpradeśaprasiddhaviśuddhibhir nākramaṇīyam idam āsanam! śṛṇu re mūrkha —

• (p.18)nāsmākaṃ jananī tathojjvalakulā, sacchrotriyāṇāṃ punar vyūḍhā kācana kanyakā khalu mayā tenāsmi tātādhikaḥ | asmatsyālakabhāgineyadayitā mithyābhiśastā, yatas tatsaṃparkavaśān mayā svagṛhiṇī preyasy api projjhitā || 2.9 ||

brahman, yady apy evaṃ, tathāpy aviditāsmadvṛttānto bhavān | tathā hi —

• sadanam upagato 'haṃ pūrvam ambhojayoneḥ, sapadi munibhir uccair āsaneṣūjjhiteṣu | saśapatham anunīya brahmaṇā gomayāmbhaḥ- parimṛjitanijorāv āśu saṃveśito 'smi || 2.10 ||

(svagatam) aho! dāmbhikasya brāḥmahmaṇasyātyuktiḥ! (vicintya) athavā ... dambhasyaiva! bhavatv evaṃ tāvat! (prakāśam) āḥ, kim evaṃ garvāyase? (sakrodham)

• are! ka iva vāsavaḥ? kathaya ko nu padmodbhavo? vada prabhavabhūmayo jagati kā ṛṣīṇām api? | avehi tapaso balaṃ mama purandarāṇāṃ śataṃ śataṃ ca parameṣṭhināṃ patatu vā munīnāṃ śatam || 2.11 ||

(vilokya sānandam |) aye! āryaḥ pitāmaho 'asmākam ahaṅkāraḥ! ārya! dambho lobhātmajo 'haṃ bho abhivādaye!

vatsa, āyuṣmān bhava! bālaḥ khalv asi mayā dvāparānte dṛṣṭaḥ! saṃprati cirakālaviprakarṣād vārdhakyagrastatayā ca na samyak pratyabhijānāmi! api tvatkumārasyānṛtasya kuśalam?

atha kim? so 'py atraiva, mahāmohasyājñayā vartate | na hi tena vinā mūhurtam apy ahaṃ prabhavāmi |

atha tava mātāpitarau tṛṣṇālobhāv api kuśalau?

(p.19)tāv api rājño mahāmohasyājñayātraiva vartete | tayor vinā, kṣaṇam api na tiṣṭhāmi | āryamiśraiḥ punaḥ kena prayojanenātra prasādaḥ kṛtaḥ?

vatsa, mayā mahāmohasya vivekasakāśād atyāhitaṃ śrutam | tena tad vṛttāntaṃ pratyetum āgato 'smi |

tarhi svāgatam evāryasya | yato mahārājasyāpīndralokād atrāgamanaṃ śrūyate | asti ca kiṃvadantī yad devena vārāṇasī rājadhānī vastuṃ nirūpiteti |

kiṃ punar vārāṇasyāṃ sarvātmanā mohasyāvasthānakāraṇam iti?

ārya, nanu vivekoparodha eva | tathā hi —

• vidyāprabodhodayajanmabhūmir, vārāṇasī brahmapurī duratyayā | asau kulocchedavidhiṃ cikitsur, nirvastum atrecchati nityam eva || 2.12 ||

(sabhayam) yady evam, aśakyapratīkāra evāyam arthaḥ | yataḥ —

• paramam aviduṣāṃ padaṃ narāṇāṃ puravijayī karuṇāvidheyacetāḥ | kathayati bhagavān ihāntakāle, bhavabhayakātaratārakaṃ prabodham || 2.13 ||

satyam etat, tathāpi naitat kāmakrodhābhibhūtānāṃ sambhāvyate! tathā hy udāharanti tairthikāḥ —

• (p.20)“yasya hastau ca pādau ca manaś caiva susaṃyatam | vidyā tapaś ca kīrtiś ca sa tīrthaphalam aśnute” || 2.14 || iti |

bho bhoḥ! paurāḥ! eṣa khalu saṃprāpto devo mahāmohaḥ! tena —

• niṣyandaiś candanānāṃ sphaṭikamaṇiśilāvedikāḥ saṃskriyantāṃ, mucyantāṃ yantramārgāḥ pracaratu parito vāridhārā gṛheṣu! | ucchrīyantāṃ samantāt sphuradurumaṇayaḥ śreṇayas toraṇānāṃ, dhūyantāṃ saudhamūrdhasv amarapatidhanurdhāmacitrāḥ patākāḥ || 2.15 ||

ārya! pratyāsanno 'yaṃ mahārājaḥ! tat pratyudgamanena saṃbhāvyatām āryeṇa |

evaṃ bhavatu |

(niṣkrāntau |) viṣkambhakaḥ |

(p.21) (tataḥ praviśati mahāmoho vibhavataś ca parivāraḥ |)

(vihasya) aho! niraṅkuśā jaḍadhiyaḥ!

• “ātmāsti dehād vyatiriktamūrtir bhoktā sa lokāntaritaḥ phalānām” | āśeyam ākāśataroḥ prasūnāt prathīyasaḥ svāduphalaprasūtau || 2.16 ||

idaṃ ca svakalpanāvinirmitapadārthāvaṣṭambhena jagad eva durvidagdhair vañcyate | tathā hi —

• “yan nāsty eva tad asti vastv” iti mṛṣā jalpadbhir evāstikair vācālair bahubhis tu satyavacaso nindyāḥ kṛtā nāstikāḥ | haṃ ho! paśyata! tattvato yadi punaś chinnād ito varṣmaṇo dṛṣṭaḥ kiṃ pariṇāmarūṣitaciter jīvaḥ pṛthak kair api? || 2.17 ||

api ca, na kevalaṃ jagad, ātmaiva tāvad amībhir vañcyate! tathā hi —

• tulyatve vapuṣāṃ mukhādyavayavair varṇakramaḥ kīdṛśo? yoṣeyaṃ vasu vā parasya tad amuṃ bhedaṃ na vidmo vayam | hiṃsāyām athavā yatheṣṭagamane, strīṇāṃ parasvagrahe, kāryākāryakathāṃ tathāpi yad amī niṣpauruṣāḥ kurvate || 2.18 ||

(vicintya, saślāgham |) sarvathā lokāyatam eva śāstraṃ yatra pratyakśam eva pramāṇaṃ; pṛthivyaptejovāyavas tattvāni; arthakāmau puruṣārthau; bhūtany eva cetayante | nāsti paralokaḥ, mṛtyur evāpavargaḥ | tad etad asmadabhiprāyānubandhinā vācaspatinā praṇīya cārvākāya samarpitam | tena ca śiṣyopaśiṣyadvāreṇāsmiṃl loke bahulīkṛtaṃ tantram |

(tataḥ praviśati cārvākaḥ śiṣyaś ca)

(p.22)vatsa, jānāsi daṇḍanītir eva vidyā! atraiva vārtāntarbhavati | dhūrtapralāpas trayī! svargotpādakatvena viśeṣābhāvāt | paśya —

• svargaḥ kartṛkriyādravyavināśe yadi yajvanām | tato dāvāgnidagdhānāṃ phalaṃ syad bhūri bhūruhām || 2.19 ||
• api ca —
• nihatasya paśor yajñe svargaprāptir yadīṣyate | svapitā yajamānena tatra kasmān na hanyate? || 2.20 ||
• api ca —
• mṛtānām api jantūnāṃ śrāddhaṃ cet tṛptikāraṇam | nirvāṇasya pradīpasya snehaḥ saṃvardhayec chikhāṃ? || 2.21 ||

ācālia, jai eso evva puluattho jaṃ khajjae pijjaae, tā kitti edehiṃ titthiehiṃ saṃsālasokkhaṃ palihalia appā gholagholehiṃ palāasāṃtavaṇasaṭṭhakālāsaṇappahudihiṃ dukkhehiṃ khavijjadi |ācārya, yady eṣa eva puruṣārtho yat khādyate pīyate ca, tat kimity etais tairthikaiḥ saṃsārasaukhyaṃ parihṛtyātmā ghoraghoraiḥ parākasāntapanaṣaṣṭhakālāśanaprabhṛtibhir duḥkhaiḥ kṣapyate |

dhūrtapraṇītāgamapratāritānām mūrkhāṇām āśāmodakair eveyaṃ tṛptir! paśya paśya —

• (p.23)kvāliṅganaṃ bhujanipīḍitabāhumūla- bhagnonnatastanamanoharam āyatākṣyāḥ | bhikṣopavāsaniyamārkamarīcidāhair dehopaśoṣaṇavidhiḥ kudhiyāṃ kva caiṣaḥ? || 2.22 ||

ācālia, evaṃ khu titthiā ālavanti dukkhamissidaṃ saṃsālasokkhaṃ palihalaṇijjaṃ tti |ācārya, evaṃ khalu tairthikā ālapanti duḥkhamiśritaṃ saṃsārasaukhyaṃ pariharaṇīyam iti |

(vihasya) āḥ! durbuddhivilasitam idaṃ narapaśūnām!

• “tyājyaṃ sukhaṃ viṣayasaṃgamajanma puṃsāṃ duḥkhopasṛṣṭam” — iti mūrkhavicāraṇaiṣā | vrīhīn jihāsati sitottamataṇḍulāḍhyān ko nāma bhos tuṣakaṇopahitān hitārthī? || 2.23 ||

aye, cireṇa khalu pramāṇavanti vacanāni karṇasukham upajanayanti! (vilokya sānandam |) hanta! priyasuhṛn me, cārvākaḥ!

(vilokya) eṣa mahārājamahāmohaḥ! upasarpāmi | (upasṛtya) jayatu jayatu mahārājaḥ! eṣa cārvākaḥ praṇamati |

cārvāka, svāgataṃ te! ihopaviśyatām |

(upaviśya) deva! kaler asāv aṣṭāṅgapātaḥ praṇāmaḥ |

atha kaler bhadram avyāhatam |

devaprasādena kaler bhadram! nirvartitakartavyaśeṣaś ca devapādamūlaṃ draṣṭum icchati | yataḥ —

• (p.24)ājñām avāpya mahatīṃ dviṣatāṃ nikhātān nirvartya tāṃ sapadi labdhasukhaprasādaḥ | uccaiḥ pramodam anumoditadarśanaḥ san dhanyo namasyati padāmburuhaṃ prabhūṇām || 2.24 ||

atha tatra kiyat saṃpannam?

deva —

• vyatītavedārthapathaḥ prathīyasīṃ, yatheṣṭhaceṣṭhāṃ gamito mahājanaḥ | tad atra hetur na kalir na cāpy ahaṃ, prabhuprasādo hi tanoti pauruṣam || 2.25 ||

tatrottarāḥ pathikāḥ pāścātyāś ca trayīm eva tyājitāḥ | śamadamādīnāṃ kaiva kathā? anyatrāpi prāyaśo jīvikāmātraphalaiva trayī | yathāhācāryaḥ —

• agnihotraṃ trayo vedās tridaṇḍaṃ bhasmaguṇṭhanam | buddhipauruṣahīnānāṃ jīviketi bṛhaspatiḥ || 2.26 ||

tena kurukṣetrādiṣu tīrtheṣu tāvad devena svapne'pi vidyāprabodhodayo nāśaṅkanīyaḥ |

sādhu! saṃpāditam! mahat khalu tat tīrthaṃ vyarthīkṛtam |

deva, anyac ca vijñāpyam asti |

kiṃ tat?

asti viṣṇubhaktir nāma mahāprabhāvā yoginī | sā tu kalinā yady api viralapracārā kṛtā, tathāpi tadanugṛhītān vayam ālokayitum api na prabhavāmaḥ | tad atra devenāvadhātavyam iti |

(p.25)(sabhayam ātmagatam |) āḥ! prasiddhamahāprabhāvā sā yoginī, svabhāvād vidveṣiṇī cāsmākaṃ | durucchedā sā | (prakāśam |) bhadra, alam anayā śaṅkayā | kāmakrodhādiṣu pratipakṣeṣu kutreyam udeṣyati? tathāpi laghīyasy api ripau nānavahitena jigīṣuṇā bhavitavyam | yataḥ —

• vipākadāruṇo rājñāṃ ripur alpo 'py aruṃtudaḥ | udvejayati sūkṣmo 'pi caraṇaṃ kaṇṭakāṅkuraḥ || 2.27 ||

(nepathyābhumukham avalokya) ko 'tra bhoḥ?

(praviśya dauvārikaḥ |)

jayatu, jayatu! ājñāpayatu devaḥ!

bho! asatsaṅga! ādiśyantāṃ kāmakrodhalobhamadamātsaryādayo yathā — “yoginī viṣṇubhaktir bhavadbhir evāvahitair vihantavye”ti |

yad ājñāpayati devaḥ | (iti niṣkrāntaḥ |)

(tataḥ praviśati patrahastaḥ puruṣaḥ)

ahake ukkaladesādo āado mhi | tattha sāalatīlasaṇṇivese pulisottamasaggidaṃ devadāadaṇam | tassiṃ madamāṇehiṃ bhaṭṭakehiṃ mahālāasaāsaṃ pesido mhi | (vilokya) esā vālāṇasī | edaṃ lāaulam | jāva ppavisāmi | (praviśya) eso bhaṭṭako, cavvākeṇa satthaṃ kiṃvi mantaanto ciṭṭhadi | bhodu uvasappāmi ṇam | (upsṛtya) jedu, jedu, bhaṭṭako! edaṃ pattaṃ ṇilūpañjadu bhaṭṭako |aham utkaladeśād āgato 'smi | tatra sāgaratīrasanniveśe puruṣottamaśabditaṃ devatāyatanam | tasmin madamānābhyāṃ bhaṭṭārakābhyāṃ mahārājasakāśaṃ preṣito 'smi | eṣā vārāṇasī | etad rājakulam | yāvat praviśāmi | eṣa bhaṭṭārakaś cārvākeṇa sārdhaṃ kimapi mantrayaṃs tiṣṭhati | bhavatūpasarpāmy enam | jayatu jayatu bhaṭṭāṛakaḥ | idaṃ patraṃ nirūpayatu bhaṭṭārakaḥ | (iti patram arpayati)

(patraṃ gṛhītvā) kuto bhavān?

(p.26)bhaṭṭaka! pulisottamādo |bhaṭṭāraka! puruṣottamād |

(svāgatam) kāryam atyāhitaṃ bhaviṣyati | (prakāśam) cārvāka! gaccha! kartavyeṣv avahitena bhavatā bhavitavyam |

yad ājñāpayati devaḥ | (iti niṣkrāntaḥ)

(patraṃ vācayati) “svasti! śrīvārāṇasyāṃ mahārājādhirājaparameśvaramahāmohapādān puruṣottamāyatanād madamānau sāṣṭāṅgapātaṃ praṇamya vijñāpayataḥ | yathā bhadram avyāhatam! anyac ca, devī śāntir mātrā śraddhayā saha, vivekasya dautyam āpannā, vivekasaṃgamāya devīm upaniṣadam ahar niśaṃ pratibodhayati | api ca kāmasahacaro 'pi, dharmo vairāgyādibhir upajapta iva lakṣyate | yataḥ, kāmād vibhidya kutaścin nigūḍhaḥ pracarati | tad etaj jñātvā, tatra devaḥ pramāṇam” iti |

(sakrodham) āḥ! kim evam atimugdhau śānter api bibhītaḥ? kāmādiṣu pratipakṣeṣu kuto 'syāḥ saṃbhavaḥ? tathā hi —

• dhātā viśvavisṛṣṭimātranirato; devo 'pi gaurībhuja- śleṣānandavighūrṇamānanayano dakṣādhvaradhvaṃsanaḥ | daityāriḥ kamalākapolamakarīlekhāṅkitoraḥsthalaḥ śete 'bdhāv. itareṣu jantentuṣu punaḥ kā nāma śānteḥ kathā? || 2.28 ||

(puruṣaṃ prati vadati) jālma, gaccha! kāmaṃ satvaram upetyādeśam asmākaṃ pratipādaya yathā — “durāśayo dharma ity asmābhir avagatam | tad asmin muhūrtam api na viśvasitavyam | dṛḍhaṃ baddhvā dhārayitavya” iti |

jaṃ devo āṇavedi |yad deva ājñāpayati | (iti niṣkrāntaḥ)

(p.27)(svagataṃ vicintya) śānteḥ ko 'bhyupāyaḥ? athavā alam upāyāntareṇa! krodhalobhāv eva tāvad atra paryāptau | (prakāśam) kaḥ ko 'tra bhoḥ?

(praviśya dauvārikaḥ)

ājñāpayatu devaḥ |

tāvad āhūyatāṃ krodho lobhāś ca |

yad ājñāpayati devaḥ | (iti niṣkrāntaḥ)

(tataḥ praviśati krodho lobhaś ca)

śrutaṃ mayā śāntiśraddhāviṣṇubhaktayo mahārājasya pratipakṣam ācarantīti | aho! mayi jīvati katham āsām ātmanirapekṣitaṃ ceṣṭitam? tathā hi —

• andhīkaromi bhuvanaṃ, badhirīkaromi. dhīraṃ sacetanam, acetanatāṃ nayāmi | kṛtyaṃ na paśyati, na yena hitaṃ śṛṇoti, dhīmān adhītam api na pratisaṃdadhāti || 2.29 ||

are! madupagṛhītā manorathasaritparamparām api tāvan na tariṣyanti kiṃ punaḥ śāntyādīṃś cintayiṣyanti | paśya —

• (p.28)santy ete mama dantino madajalapramlānagaṇḍasthalā. vātavyāyatapātinaś ca turagā — bhūyo 'pi lapsye 'parān! | etal labdham, idaṃ labhe; punar idaṃ labdhvādhikaṃ dhyāyatāṃ cintājarjaracetasāṃ bata nṛṇāṃ, kā nāma śānteḥ kathā? || 2.30 ||

sakhe, viditas tvayā matprabhāvaḥ —

• tvāṣṭraṃ vṛtram aghātayat surapatiś, candrārdhacūḍo 'cchinad devo brahmaśiro, vasiṣṭhatanayān āghātayat kauśikaḥ | vidyāvanty api, kīrtimanty api, sadācārāvadātāny api, proccaiḥ pauruṣabhūṣaṇāny api, kulāny uddhartum īśaḥ kṣaṇāt || 2.31 ||

tṛṣṇe, itas tāvat!

(praviśya tṛṣṇā |)

ajjaütta āṇavedu!āryaputra ājñāpayatu |

• priye, śrūyatām —
• kṣetragrāmavanādripattanapuradvīpakṣamāmaṇḍala- pratyāśāyatasūtrabaddhamanasāṃ labdhādhikaṃ dhyāyatāṃ | tṛṣṇe devi, yadi prasīdasi, tanoṣy aṅgāni tuṅgāni cet, tad bhoḥ prāṇabhṛtāṃ kutaḥ śamakathā brahmāṇḍalakṣair api? || 2.32 ||

ajjaütta, saaṃ jevva dāva ahaṃ edassiṃ atthe ṇiccaṃ ahijuttā | saṃpadaṃ ajjaüttassa aṇṇāe bamhaṇḍakoḍīhiṃ pi ṇa me udaraṃ pūraïssaṃdi!āryaputra, svayam eva tāvad aham etasminn arthe nityam abhiyuktā | sāṃpratam āryaputrasyājñayā brahmaṇḍakoṭibhir api na me udaraṃ pūrayiṣyate |

hiṃse, itas tāvat!

(praviśya hiṃsā)

(p.29)esa mhi! āṇavedu ajjaütto!eṣāsmi! ājñāpayatv āryaputraḥ!

priye, sahadharmacāriṇyā tvayā, mātṛpitṛvadho 'pi mameṣatkara eva! tathā hi —

• keyaṃ mātā? piśācī! ka iva hi janako? bhrātaraḥ ke 'tra? kīṭā! | vandhyo 'yaṃ bandhuvargaḥ kuṭilaviṭasuhṛcceṣṭitā jñātayo 'mī |

(hastau niṣpīḍya)

• āgarbhaṃ yāvad eṣāṃ kulam idam akhilaṃ naiva niḥśeṣayāmi | sphurjantaḥ krodhavahner na dadhati viratiṃ tāvad aṅge sphuliṅgāḥ || 2.33 ||

(vilokya) eṣa svāmī! tad upasarpāmaḥ!

(upasṛtya) jayatu, jayatu, devaḥ!

śraddhāyās tanayā śāntir asmaddveṣiṇī | sā bhavadbhir avahitair nigrāhyā |

yad ādiśati devaḥ | (iti niṣkrāntāḥ)

“śraddhāyās tanayā” — ity upakṣepeṇopāyāntaram api hṛdayam ārūḍham | tathā hi, śānter mātā śraddhā, sā ca paratantrā | tat kenāpy upāyenopaniṣatsakāśāt tāvac chraddhāpakarṣaṇaṃ kartavyam | tato mātṛviyogaduḥkhād atimṛdulatarā śāntir uparatā bhaviṣyati, avasīdantī vā viraṃsyati | śraddhāṃ cākraṣṭuṃ mithyādṛṣṭir eva vilāsinī pragalbheti tasmin viṣaye saiva niyojyā | (pārśvato vilokya |) vibhramāvati! satvaram āhūyatāṃ mithyādṛṣṭivilāsinī!

(p.30)jaṃ devo āṇavedi |yad deva ājñāpayati | (niṣkramya mithyādṛṣṭyā saha praviśati)

sahi, ciradiṭṭhassa mahārāassa kahaṃ muhaṃ pekkhissaṃ? ṇaṃ mahārāo maṃ uvālambhissadi |sakhi, ciradṛṣṭasya mahārājasya kathaṃ mukhaṃ prekṣiṣye? nanu mahārājo māṃ upālambhiṣyate |

sahi, tuha daṃsaṇe appāṇaṃ pi mahārāo ṇa cedaïssadi, tado kahaṃ uvālambhissadi?sakhi, tvaddarśane ātmānam api mahārājo na cetayiṣyati, tataḥ kathaṃ upālambhiṣyate?

kīsa maṃ alīasohaggaṃ saṃbhāvia viḍambesi?kasmān mām alīkasaubhāgyāṃ saṃbhāvya viḍambayasi?

sahi, saṃpadaṃ jevva pekkhissaṃ aliattaṇaṃ sohaggassa | aṇṇaṃ ca ghuṇṇantaṇiddāulaṃ via ppiasahīe loaṇaṃ pekkhāmi | tā kiṃ khu ppiasahīe viṇiddadāe kālaṇam?sakhi, sāṃpratam eva prekṣiṣye 'līkatvaṃ saubhāgyasya | anyac ca ghūrṇamānanidrākulaṃ iva priyasakhyā locanaṃ prekṣye | tat kiṃ khalu priyasakhyā vinidratāyāḥ kāraṇam?

ekavallahā vi jā itthiā hoi tāe vi ṇiddā dullahā ṇāma | kiṃ uṇa amhāṇaṃ saalavallahāṇam?sakhi, ekavallabhāpi yā strī bhavati tasyā api nidrā durlabhā nāma | kiṃ punar asmākaṃ sakalavallabhānām?

ke uṇa piasahīe vallahā?ke punaḥ priyasakhyā vallabhāḥ?

mahārāo, tado uvari kāmo, koho, loho a | ahava alaṃ viseseṇa! ettha ule jo jādo hiaaṇihidae rattidiahāi ahiramaī mae ṇa viṇābālo ṭhaviro juvāṇo a |mahārājaḥ, tata upari kāmaḥ, krodho, lobhaś ca | athavālaṃ viśeṣeṇa! atra kule yo jāto hṛdayanihitayā rātridivasān abhiramate mayā na vinā — bālaḥ sthavīro yuvānaś ca |

ṇaṃ kāmassa raī, kohassa hiṃsā, lohassa tiṇhā paramappiatti suṇiadi | tāsaṃ kadhaṃ piajaṇaṃ ṇiccaṃ ramaantī issaṃ ṇa jāṇesi?nanu kāmasya ratiḥ, krodhasya hiṃsā, lobhasya tṛṣṇā priyeti śrūyate | tāsāṃ kathaṃ priyajanaṃ nityaṃ ramayantīrṣyāṃ na janayasi?

issatti kiṃ bhaṇiadi? tāo vi mae viṇā muhuttaṃ vi ṇa tussanti!īrṣyeti kiṃ bhaṇyate? tā api mayā vinā muhūrtam api na tuṣyanti!

ado jevva bhaṇāmi tuha sarisī suhaā iha puhivīe ṇatthi tti, jāe sohaggaveraggavijariahiaāo savattīo vi sampasādaṃ paḍicchanti | sahi, aṇṇaṃ vi bhaṇāmi | evaṃ
(p.31)ṇiddāulahiaā visaṃṭhulakkhalantacalaṇaneurajhaṃkāramuharāe gadīe mahārāaṃ saṃbhāvaaṃtī saṃkidahiaaṃ karissadi piasahitti takkemi |ata eva bhaṇāmi tava sadṛśī subhagā iha pṛthivyāṃ nāstīti, yasyāḥ saubhāgyavairāgyavijvaritahṛdayāḥ sapatnyo 'pi saṃprasādaṃ pratīcchanti | sakhi, anyad api bhaṇāmi | evaṃ nidrākulahṛdayā visaṃsthulaskhalaccaraṇanūpurajhaṅkāramukharayā gatyā mahārājaṃ saṃbhāvayantī śaṅkitahṛdayaṃ kariṣyati priyasakhīti tarkayāmi |

kiṃ ettha saṃkidavvaṃ? ṇaṃ amhāṇaṃ mahārāaṇiuttāṇaṃ jevva eso aviṇao | avi a, daṃsaṇamattappasādiapurusāṇaṃ juvaīṇaṃ kerisaṃ bhaam?kim atra śaṅkitavyam? nanv asmākaṃ mahārājaniyuktānām evaiṣo 'vinayaḥ | api ca darśanamātraprasāditapuruṣāṇāṃ yuvatīnāṃ kīdṛśaṃ bhayam |

(vilokya |) aye! saṃprāpteva priyā me mithyādṛṣṭiḥ | yaiṣā —

• śroṇībhārabharālasā daragalanmālyopavṛtticchalāl līlotkṣiptabhujopadarśitakuconmīlannakhāṅkāvaliḥ | nīlendīvaradāmadīrghatarayā dṛṣṭyā dhayantī mano dorāndolanalolakaṅkaṇajhaṇatkārottaraṃ sarpati || 2.34 ||

eso mahārāo | uvasappadu, piasahī |eṣa mahārājaḥ | upasarpatu priyasakhī |

(upasṛtya) jaadu, jaadu, mahārāo!jayatu, jayatu, mahārājaḥ!

• priye —
• dalitakucanakhāṅkam aṅkapālīṃ racaya mamāṅkam upetya pīvaroru | anuhara hariṇākṣi śaṅkarārdha- sthitahimaśailasutāvilāsalakṣmīm || 2.35 ||

(mithādṛṣṭiḥ sasmitaṃ tathā karoti |)

(āliṅganasukham abhinīya) aho, priyāyāḥ pariṣvāṅgāt parāvṛttaṃ navayauvanam | tathā hi —

• (p.32)yaḥ prāg āsīd abhinavavayovibhramāvāptajanmā, cittonmāthī vigataviṣayopaplavānandasāndraḥ | vṛttīr antas tirayati tavāśleṣajanmā sa ko 'pi prauḍhapremā nava iva punar mānmatho me vikāraḥ || 2.36 ||

mahārāa, ahaṃ vi saṃpadaṃ ṇavajovvaṇā saṃvuttā | ṇa khu bhāvāṇubandho ppemā kāleṇāvi vihaḍaï | āṇavedu, bhaṭṭā, kiṃṇimittaṃ bhaṭṭiṇā sumaridamhi?mahārāja, aham api sāṃprataṃ navayauvanā saṃvṛttā | na khalu bhāvānubandhaḥ premā kālenāpi vighaṭate | ājñāpayatu, bhartā, kin nimittaṃ bhartrā smṛtāsmi?

• priye —
• smaryate sā hi, vāmoru! cyutā yā hṛdayād bahiḥ | maccittabhittau, bhavatī, śālabhañjīva rājate || 2.37 ||

mahappasādo!mahān prasādaḥ!

yathaiva prakāśitair aṅgaiḥ sarvatra vicarasi, tathaiva pravartitavyam | anyac ca — dāsyāḥ putrī śraddhā vivekena sahopaniṣadaṃ saṃyojayituṃ kuṭṭinībhāvaṃ pratipannā | tataḥ —

• pratikūlām akulajāṃ pāpāṃ pāpānuvartinīm | keśeṣv ākṛṣyatāṃ raṇḍāṃ pāṣaṇḍeṣu niveśaya || 2.38 ||

eddahamettae visae alaṃ bhaṭṭiṇo ahiṇiveseṇa! vaaṇamatteṇa vva bhaṭṭiṇo dāsa vva savvo aṇṇāṃ karissadi | sā khu mae mitthā dhammo, mitthā mokkho, mitthā veamaggo, mitthā suhavigghaarāiṃ, mitthā satthappalavidāiṃ, mitthā saggaphalaṃ ti bhaṇiantī veamaggaṃ jevva parihalissadi, kiṃ uṇa uvaṇisadam | avi a —etāvanmātre viṣaye alaṃ bhartur abhiniveśena! vacanamātreṇaiva bhartur dāsa iva sarva ājñāṃ kariṣyati | sā khalu mayā mithyā dharmo mithyā mokṣō mithyā vedamārgo mithyā sukhavighnakarāṇi mithyā śāstrapralapitāni mithyā svargaphalam iti bhaṇyamāna vedamārgam eva parihariṣyati kiṃ punar upaniṣadam | api ca —

• (p.33)visaāṇandavimukke mokkhe dosāṇa daṃsaantīe | uvaṇisaā hi virattā jhatti karijjaï mae saddhā || 2.39 ||

  viṣayānandavimukte mokṣe doṣān darśayantyā | upaniṣadā hi viraktā jhaṭiti krīyate mayā śraddhā ||

yady evaṃ suṣṭhu priyaṃ me saṃpāditaṃ priyayā | (punar āliṅgya cumbati |)

hanta! paāse evvaṃ paütteṇa bhattuṇā lajjemi |hanta! prakāśa evaṃ pravṛttena bhartrā lajje |

tad bhavatu! svāgāram eva praviśāmaḥ |

(iti niṣkrāntāḥ sarve |) iti śrīkṛṣṇamiśrayativiracite prabodhacandrodaye mahāmohapradhāno nāma dvitīyo 'aṅkaḥ |

(sāsram) mātar, mātaḥ! kvāsi? dehi me prativacanam |

• muktātaṅkakuraṅgakā vanabhuvaḥ, śailāḥ skhaladvārayaḥ, puṇyāny āyatanāni, santatataponiṣṭhāś ca vaikhānasāḥ | yasyāḥ prītītir amīṣu, sādya bhavatī caṇḍālaveśmodaraṃ nītā gauḥ kapileva jīvati kathaṃ pāṣaṇḍahastaṃ gatā? || 3.1 ||

athavālaṃ jīvitasaṃbhāvanayā! yataḥ,

• mām anālokya, na snāti, na bhuṅkte, na pibaty apaḥ | na mayā rahitā śraddhā muhūrtam api jīvati || 3.2 ||

tad vinā śraddhayā muhūrtam api śānter jīvitaṃ viḍambanam eva | tat sakhi, karuṇe, madarthaṃ citām āracaya! yāvad aciram eva hutāśanapraveśena tasyāḥ sahacarī bhavāmi |

(sāsram) sahi, evvaṃ visamajjolaṇajjālāvalītikkhāiṃ akkharāiṃ jappantī savvahā viluttajīviaṃ maṃ karesi | tā pasīda muhuttaaṃ dhāredu jīviaṃ, piasahī | jāva ido tado puṇṇesu assamesu muṇiaṇasamāülesu bhāīrahītīresu suṇiuṇaṃ ṇirūvamha | sā kadāi vi mahāmohabhīdā kahaṃ vi pacchaṇṇaṃ ṇivasaï |sakhi, evaṃ viṣamajvalanajvālāvalītīkṣṇāny akṣarāṇi jalpantī sarvathā viluptajīvitāṃ māṃ karoṣi | tasmāt prasīda muhūrtaṃ dhārayatu jīvitaṃ, priyasakhī | yāvad itas tataḥ puṇyeṣv āśraṃeṣu munijanasamākuleṣu bhāgīrathītīreṣu sunipuṇaṃ nirūpayāvaḥ | sā kadācid api mahāmohabhītā katham api pracchannaṃ nivasati |

(p.35)sakhi, kiyad anviṣyate?

• nīvārāṅkitasaikatāni saritāṃ kūlāni vaikhānasair ākrāntāni samiccaṣālacamasavyāptā gṛhā yajvanām | pratyekaṃ ca nirūpitāḥ pratipadaṃ catvāra evāśramāḥ, śraddhāyāḥ kvacid apy aho sakhi mayā vārtāpi nākarṇitā || 3.3 ||

sahi, evvaṃ bhaṇāmi | jaï saccevva saddhā tado ṇa tāe īrisīṃ duggaïṃ saṃbhāvemi | ṇa khu tārisīo puṇṇamaīo tārisaṃ asaṃbhāvaṇijjaṃ vipattiṃ aṇuhondi |sakhi, evaṃ bhaṇāmi | yadi satyeva śraddhā tato na tasyā īdṛśīṃ durgatiṃ saṃbhāvayāmi | na khalu tādṛśyaḥ puṇyamayyaḥ tādṛśīṃ asaṃbhāvanīyāṃ vipattim anubhavanti |

sakhi, kin nu pratikūle vidhātari na saṃbhāvyate? tathā hi —

• śrīr devī janakātmajā daśamukhasyāsīd gṛhe rakṣaso nītā caiva; rasātalaṃ bhagavatī pūrvaṃ trayī dānavaiḥ | gandharvasya madālasāṃ ca tanayāṃ pātālaketuś chalād daityendro 'pajahāra — hanta! viṣamā vāmā vidher vṛttayaḥ || 3.4 ||

tad bhavatu! pāṣaṇḍālayeṣv eva tāvad anusarāvaḥ |

sahi, evaṃ hodu |sakhy evaṃ bhavatu |

(iti parikrāmataḥ |)

(satrāsam) sahi, rakkhaso, rakkhaso!sakhi, rākṣaso, rākṣasaḥ!

(p.36)kvāsau rākṣasaḥ?

pekkha, pekkha! jo eso galantamalapaṅkapicchilabībhacchaduppekkhedehacchaī! ulluṃchiaciurabharo mukkavasaṇavesaduddaṃsaṇo! sihisihaṇḍapiṃcchiāhattho | ido jevva ahivaṭṭadi |paśya, paśya! ya eṣa galanmalapaṅkapicchilabībhatsaduṣprekṣyadehacchavir ulluñchitacikurabharo muktavasanaveṣadurdarśanaḥ śikhiśikhaṇḍapicchikāhasta ita evābhivartate |

sakhi, nāyaṃ rākṣasaḥ | nirvīryaḥ khalv ayam |

tā ko eso bhavissadi?tarhi ka eṣa bhaviṣyati |

sakhi, “piśāca” iti śaṅke?

sahi, evvaṃ papphurantamaūhamālobbhāsiabhuaṇantarāe jalantappacaṇḍamaccaṇḍamaṇḍale diahamuhe kahaṃ pisāāṇaṃ avaāso?sakhi, evaṃ prasphuranmayūkhamālodbhāsitabhuvanāntarāle jvalatpracaṇḍamārtāṇḍamaṇḍale divasamukhe kathaṃ piśācānām avakāśaḥ?

tarhi anantaram eva narakavivarād uttīrṇaḥ ko 'pi nārakī bhaviṣyati! (vilokya vicintya ca) āḥ, jñātam! mahāmohapravartito 'yaṃ digambarasiddhāntaḥ | tat sarvathā dūre pariharaṇīyam asya darśanam | (iti parāṅmukhībhavati )

sahi, muhuttakaṃ ciṭṭha, jāva ido saddhāṃ aṇṇesāmi |sakhi, muhūrtaṃ tiṣṭha | yāvad itaḥ śraddhām anveṣayāmi | (ubhe tathā sthite |)

(tataḥ praviśati yathānirdiṣṭo digambarasiddhāntaḥ |)

(p.37)ṇamo aluhantāṇam, aluhantāṇam! ṇavaduvālagharamajjhe appā dīva vva palittae | ese jiṇavalabhāsido palamattho mokkhasukhado dhammo! (iti parikrāmati | ākāśe |) le le sāvaā! suṇāha, suṇāha!namo 'rhadbhyo, 'rhadbhyaḥ! navadvāragṛhamadhye ātmā dīpa iva pradīptaḥ | eṣa jinavarabhāṣitaḥ paramārtho dharmo mokṣasaukhyadaḥ! re re śrāvakāḥ! śṛṇuta, śrṇuta!

• malamaapuggalapiṇḍe saalajalehiṃ vi kelisī suddhī? | appā vimalasahāvo lisipalicalaṇehi jāṇavvo || 3.5 ||

  malamayapudgalapiṇḍe sakalajalair api kīdṛśī śuddhiḥ? | ātmā vimalasvabhāva ṛṣiparicaraṇair jñātavyaḥ ||

kiṃ bhaṇāha, kelisaṃ lisipalicalaṇaṃ ti? taṃ suṇāha!kiṃ bhaṇatha, kīdṛśam ṛṣiparicaraṇam iti? tac chṛṇuta!

• dūle calaṇapaṇāmo, kidasakkālaṃ ca bhoaṇam miṭṭham | issāmalaṃ ṇa kajjaṃ, lisiṇaṃ dālaṃ lamantāṇam || 3.6 ||

  dūre caraṇapraṇāmaḥ, kṛtasatkāraṃ ca bhojanaṃ mṛṣṭam, | īrṣyāmalaṃ na kāryam, ṛṣīṇāṃ dārān ramamāṇānām ||

(nepathyābhimukham avalokya) saddhe, ido dāva |śraddhe, itas tāvat |

(ubhe sabhayam ālokayataḥ | tataḥ pra≤vśa≥«viśa»ti tadanurūpaveṣā śraddhā)

kiṃ āṇavei lāaulaṃ?kim ājñāpayati rājakulam? (śāntir mūrcchitā patati)

sāvaāṇaṃ kuḍumbaṃ muhuttaṃ pi mā paliccaa |śrāvakāṇāṃ kuṭumbaṃ muhūrtam api mā parityaja |

jaṃ āṇavei lāaülam |yad ājñāpayati rājakulam | (iti niṣkrāntā)

samassasaü piasahī | ṇahu ṇāmamatteṇa piasahīe bhedavvaṃ | jado sudaṃ mae ahiṃsāe saāsādo jaṃ atthi pāsaṇḍāṇaṃ vi tamassa sudā “saddhe”ti | teṇa esā tāmasī saddhā bhavissadi |samāśvasitu priyasakhī | na khalu nāmamātreṇa priyasakhyā bhetavyam | yataḥ śrutaṃ mayā ahiṃsāyāḥ sakāśād asti pāṣaṇḍānām api tamasaḥ sutā “śraddhe”ti | tenaiṣā tāmasī śraddhā bhaviṣyati |

(p.38)(samāśvasya |) sakhi, evam evaitat | tathā hi,

• durācārā sadācārāṃ, durdarśā priyadarśanām | ambām anusaraty eṣā durāśā na kathaṃ cana || 3.7 ||

tad bhavatu | tāvat saugatālayeṣv apy asāv anviṣyatām | (śāntikaruṇe parikrāmataḥ)

(tataḥ praviśati pustakahasto bhikṣurūpo buddhāgamaḥ)

(vicintya) bho bhoḥ! upāsakāḥ!

• sākṣāt kṣaṇakṣayina eva nirātmakāś ca, yatrārpitā bahir iva pratibhānti bhāvāḥ | saivādhunā vigalitākhilavāsanatvād, dhīsantatiḥ sphurati nirviṣayoparāgā || 3.8 ||

(parikramya punaḥ saślāgham |) aho! sādhur ayaṃ saugatadharmo yatra saukhyaṃ mokṣaś ca | tathā hi —

• (p.39)āvāso layanaṃ manoharam, abhiprāyānukūlā vaṇiṅ- nāryo, vāñchitakālam iṣṭam aśanaṃ, śayyā mṛduprastarāḥ | śraddhāpūrvam upāsikāyuvatibhiḥ kḷptāṅgadānotsava- krīḍānandabharair vrajanti vilasajjyotsnāṅkurā rātrayaḥ || 3.9 ||

sahi, ko eso? taruṇataratālatalupallavo lambantakasāapisaṅgacīracīvaro sacūḍamuṇḍiamuṇḍaveso ido jevva ahiacchadi |sakhi, ka eṣa? taruṇataratālatarupallavo lambamānakaṣāyapiśaṅgacīracīvaro sacūḍamuṇḍitamuṇḍaveṣa ita evābhigacchati

sakhi, buddhāgama eṣaḥ |

(ākāśe) bho, bho! upāsakāḥ! bhikṣavaś ca! śrūyatāṃ bhagavataḥ sugatasya vākyāmṛtam! (pustakaṃ vācayati |) paśyāmy ahaṃ divyena cakṣuṣā lokānāṃ sugatiṃ durgatiṃ ca | kṣaṇikāḥ sarve saṃskārāḥ | nāsty ātmā sthāyī | tasmād bhikṣuṣu dārān ākramatsu nerṣitavyam | cittamalaṃ hi tad yad īrṣyānāma | (nepathyābhimukham avalokya |) śraddhe! itas tāvat! (praviśya śraddhā |)

āṇavedu lāaulam |ājñāpayatu rājakulam |

upāsakān bhikṣūṃś ca nirbharam āliṅgya sthīyatām!

jaṃ āṇavedi lāaulam |yad ājñāpayati rājakulam | (iti niṣkrāntā |)

sakhi, iyam api tāmasī śraddhā |

evvaṃ edaṃ |evaṃ etat |

(bhikṣum ālokyoccaiḥ śabdam) alele! bhikkhua! ido dāva | kiṃ pi pucchissam |arere! bhikṣuka! itas tāvat | kim api pṛcchāmi |

(sakrodham) āḥ! pāpa piśācākṛte! kim evaṃ pralapasi?

(p.40)ale, muñca koham | sacchagadaṃ pucchāmi |are, muñca krodham | śāstragataṃ pṛcchāmi |

are, kṣapaṇaka, śāstrakathām api vetsi! bhavatu | pratīmas tāvat | (upasṛtya |) kiṃ pṛcchasi?

bhaṇa, dāva kkhaṇaviṇāsiṇā tue kassa kide vadaṃ dhālīadi?bhaṇa, tāvat kṣaṇavināśinā tvayā kasya kṛte vrataṃ dhāryate?

are, śrūyatām! asmatsaṃtatipatitaḥ kaścid, vijñānalakṣaṇaḥ, samucchinnavāsano, mokṣyate |

ale! muccalajja! kassiṃ vi maṇṇantale ko vi mukko bhavissadi? tado de saṃpadaṃ ṇaṭṭhassa kīrisaṃ uvaālaṃ kalissadi? aṇṇaṃ vi pucchāmi — keṇa de īriso dhammo saṃdiṭṭho?are! muktalajja! kasminn api manvantare ko 'pi mukto bhaviṣyati? tatas te sāṃprataṃ naṣṭasya kīdṛśam upakāraṃ kariṣyati? anyad api pṛcchāmi | kena te īdṛśo dharma sandiṣṭaḥ?

nūnaṃ, sarvajñena bhagavatā buddhenokto 'yam eva dharmaḥ |

ale! savvaṇṇo buddho tti kadhaṃ tue ṇādam?are! sarvajño buddha iti kathaṃ tvayā jñātam?

nanu re, tadāgamair eva prasiddho buddhaḥ sarvajña iti |

ale! ujjiabuddhae! jaï tassa bhāsideṇa savvaṇṇattaṃ paḍivajjesi, tā ahaṃ vi savvaṃ jāṇāmi | tumaṃ pi pidupidāmahehiṃ sattapulisehiṃ me dāso tti!are! ujjhitabuddhika! yadi tasya bhāṣitena sarvajñatvaṃ pratipadyase, tasmād aham api sarvaṃ jānāmi | tvam api pitṛpitāmahaiḥ saptapuruṣair me dāsa iti!

(sakrodham) āḥ pāpa! piśāca malapaṅkadhara! kiṃ tāvad ahaṃ dāsaḥ?

(p.41)ale! vihāladāsībhuaṅga! duṭṭhapalivvajia, diṭṭhaṃdo mae daṃsido | tā piaṃ de vissaddhaṃ bhaṇāmi — buddhāṇusāsaṇaṃ palihalia alihantāṇusāsaṇaṃ jevva aṇusalidu bhavam | diambalamadaṃ ācaledu, bhavam!are! vihāradāsībhujaṅga! duṣṭaparivrājaka, dṛṣṭānto mayā darśitaḥ | tasmāt priyaṃ te visrabdhaṃ bhaṇāmi — buddhānuśāsanaṃ parihṛtyārhatānuśāsanam evānusaratu bhavān | digambaramatam eva ācaratu, bhavān!

āḥ pāpa! svayaṃ naṣṭaḥ, parān api nāśayitum icchasi |

• svārājyaṃ prājyam utsṛjya loke nindyām aninditaḥ | abhivāñchati ko nāma bhavān iva piśācatām? || 3.10 ||

api ca, arhato 'pi dharmavedanaṃ kaḥ śraddadhāti?

gahaṇakkhattacālacandasullopalāadukkhalapalamalahassāṇaṃ ādesasaṃvādadaṃsaṇeṇa ṇilūvidaṃ savvaṇṇattaṇaṃ bhaavado alihantassa |grahanakṣatracāracandrasūryoparāgaduṣkaraparamarahasyānam ādeśasaṃvādadarśanena nirūpitaṃ sarvajñatvaṃ bhagavato 'rhataḥ

are! anādipravṛttena jyotiṣātīndriyajñānena pratāritena bhavatedam atikaṣṭaṃ vratam āśritam | tathā hi —

• jñātuṃ vapuḥparimitaḥ kṣamate trilokīṃ jīvaḥ kathaṃ kathaya saṃgatim antareṇa? | śaknoti kumbhanihitaḥ suśikho 'pi dīpo bhāvān prakāśayitum apy udare gṛhasya? || 3.11 ||

tasmāl lokadvayaviruddhād ārhatamatād varaṃ sugatamatam eva, sākṣāt sukhāvaham atiramaṇīyam paśyāmaḥ |

(p.42)sakhi, anyato gacchāvaḥ |

evaṃ bhodu |evaṃ bhavatu | (iti parikrāmataḥ)

(puro vilokya) eṣa purastāt somasiddhāntaḥ | bhavatu, atrāpi tāvad anusarāvaḥ |

(tataḥ praviśati kāpālikarūpadhārī somasiddhāntaḥ)

(parikramya |)

• narāsthimālākṛtacārubhūṣaṇaḥ śmaśānavāsī nṛkapālabhojanaḥ | paśyāmi yogāñjanaśuddhacakṣuṣā jagan mitho bhinnam abhinnam īśvarāt || 3.12 ||

ale! ko eso kāvālaṃ vadaṃ dhāledi puliso | tā eṇaṃ pucchissam | (upasṛtya |) alele, kāvālia! ṇalatthimuṇḍadhāi!, kīliso tuha sokkho kīliso tuha mokkho?are! ka eṣa kāpālaṃ vrataṃ dhārayati puruṣaḥ | tad enaṃ pṛcchāmi | are, kāpālika! narāsthimuṇḍadhārin! kīdṛśaṃ tava saukhyaṃ? kīdṛśas tava mokṣaḥ?

are, kṣapaṇaka! dharmaṃ tāvad asmākam avadhāraya!

• (p.43)mastiṣkāntravasābhidhāritamahāmāṃsāhutīr juhvatāṃ! vahnau brahmakapālakalpitasurāpānena naḥ pāraṇā | sadyaḥkṛttakaṭhorakaṇṭhavigalatkīlāladhārojjvalair arcyo naḥ puruṣopahārabalibhir devo mahābhairavaḥ || 3.13 ||

(karṇau pidhāya |) buddha! buddha! aho dāruṇā dharmacaryā!

alihanta! alihanta! aho gholaṃ pāvaṃ! kāvālieṇa keṇa vi vippaladdho eva eso tti takkemi!arhan! arhan! aho ghoraṃ pāpaṃ! kāpālikena kenāpi vipralabdha evaiṣa tarkayāmi!

(sakrodham) āḥ pāpa pākhaṇḍāpaśada! muṇḍitamuṇḍa! caṇḍālaveśa! keśaluñcaka! are! vipralambhakaḥ kila caturdaśabhuvanotpattisthitipralayapravartako vedāntasiddhāntaprasiddhavibhavo bhagavān bhavānīpatiḥ? darśayāmas tarhi dharmasyāsya mahimānam?

• hariharasurajyeṣṭhaśreṣṭhān surān aham āhare | viyati vahatāṃ nakṣatrāṇāṃ ruṇadhmi gatīr api | sanaganagarīm ambhaḥpūrṇāṃ vidhāya mahīm imāṃ, kalaya sakalaṃ bhūyas toyaṃ kṣaṇena pibāmi tat || 3.14 ||

ale, kāvālia! ṇaṃ ado jevva bhaṇāmi — keṇa vi endajālieṇā māāṃ daṃsia vippaladdho tti!are, kāpālika! nanv ata eva bhaṇāmi — kenāpy aindrajālikena māyāṃ darśayitvā vipralabdha iti!

āḥ pāpa! punar api parameśvaram aindrajālikam ity ākṣipasi? tan na marṣanīyam asya daurātmyam! (khaḍgam ākṛṣya) tad aham asya...

• etatkarālakaravālanikṛttakaṇṭha- nāloccaladbahulaphenilabudbudaughaiḥ | sārdhaṃ ḍamaḍḍamaruḍāṃkṛtihūtabhūta- (p.44)vargeṇa bhargagṛhiṇīṃ rudhirair dhinomi || 3.15 ||

(iti khaḍgam udyacchati |)

(sabhayam) mahābhāa! ahiṃsā palamo dhammo! hiṃsā palamo adhammo!mahābhāga! ahiṃsā paramo dharmo! hiṃsā paramo 'dharmaḥ! (iti bhikṣor aṅkaṃ praviśati |)

(kāpālikaṃ vārayan) bho, bho, mahābhāga! kautukaprayuktavākkalahenāyuktam etasmiṃs tapasvini prahartum |

(khaḍgam pratisaṃharati)

(samāśvasya) mahābhāo jaï saṃhalidagholalosāveso saṃvutto tado ahaṃ kiṃ vi pucchiduṃ icchemi |mahābhāgo, yadi saṃhṛtaghoraroṣāveśaḥ saṃvṛttaḥ, tato 'haṃ kim api praṣṭum icchāmi |

pṛccha, pṛccha |

sudo tumhāṇaṃ palamo dhammo | adha keliso sokkhamokkho tti?śruto yuṣmākaṃ paramo dharmaḥ | attha kīdṛśo mokṣa iti?

śṛṇu!

• (p.45)dṛṣṭaṃ kvāpi sukhaṃ vinā na viṣayair. ānandabodhojjhitā jīvasya sthitir eva muktir upalāvasthā kathaṃ prārthyate? | pārvatyāḥ pratirūpayā dayitayā sānandam āliṅgito muktaḥ krīḍati candracūḍavapur. ity ūce mṛḍānīpatiḥ || 3.16 ||

mahābhāga, aśraddheyam etad avītarāgasya muktir iti |

ale, kāvālia! jaï ṇa lussasi tado bhaṇāmi | salīlī salāgī mukko a tti viluddham |are, kāpālika! yadi na ruṣyasi tato bhaṇāmi | śarīrī muktaś ceti viruddham |

(svagatam) aye! aśraddhākṣiptam anayor antaḥkaraṇam | bhavatv | evaṃ tāvat | (prakāśam) śraddhe! itas tāvat!

(tataḥ praviśati kāpālinīrūpadhāriṇī śraddhā)

sahi, pekkha! rajasas sudā saddhā | sā esā —sakhi, paśya! rajasaḥ sutā śraddhā | saiṣā —

• viphullaṇīluppalalolaloaṇā, ṇaratthimālākidacālubhūsaṇā | ṇiambapīṇatthaṇabhālamanthalā, vihādi puṇṇendumuhī vilāsiṇī || 3.17 ||

  viphullanīlotpalalolalocanā,narāsthimālākṛtacārubhūṣaṇā, | nitambapīnastanabhāramantharā,vibhāti pūrṇendumukhī vilāsinī ||

(parikramya |) esa mhi! āṇavedu sāmī |eṣāsmi! ājñāpayatu svāmī |

priye, enaṃ durabhimāninaṃ bhikṣuṃ tāvad gṛhāṇa! (śraddhā bhikṣum āliṅgati)

(sānandaṃ pariṣvajya, romāñcam abhinīya, janāntikam |) aho! sukhasparśā kāpālinī | tathā hi —

• (p.46)raṇḍāḥ pīnapayodharāḥ kati mayā caṇḍānurāgād bhuja- dvandvāpīḍitapīvarastanabharaṃ no gāḍham āliṅgitāḥ? | buddhebhyaḥ śataśaḥ śape mayi punaḥ kutrāpi kāpālinī- pīnottuṅgakucāvagūhanabhavaḥ prāptaḥ pramododayaḥ! || 3.18 ||

aho! puṇyaṃ kāpālikacaritam! aho! ślāghyaḥ somasiddhāntaḥ! āścaryo 'yaṃ dharmaḥ! bho, mahābhāga! sarvathā buddhānuśāsanam asmābhir utsṛṣṭam praviṣṭāḥ smaḥ pārameśvaraṃ siddhāntam! tad ācāryas tvaṃ śiṣyo 'ham | praveśaya māṃ pārameśvarīṃ dīkṣām!

ale, bhikkhua! kāvāliṇīphalasaṇeṇa dūsido tumam | tā dūlaṃ apasala!are, bhikṣo! kāpālinīsparśanena dūṣitas tvam | tasmād dūram apasara!

āḥ pāpa! vañcito 'si re kāpālinyāḥ parirambhamahotsavena!

priye, kṣapaṇakaṃ gṛhāṇa | (kāpāliṇī kṣapaṇakam āliṅgati)

(saromāñcam) aho arihanta! aho arihanta! kāvālinīe phalasasuhaṃ! aï, sundali! dedu! dedu! dāva puṇo aṅkapāliṃ! (svagatam) are, mahanto khu indiaviālo saṃvutto! tā kiṃ ettha juttaṃ? bhodu | picchiāe ḍhakissam |aho arhanta! aho arhanta! kāpālinyāḥ sparśasukham | aye, sundari! dadātu! dadātu! tāvat punar aṅkapālim! are, mahān khalv indriyavikāra saṃvṛtttaḥ! tasmād kim atra yuktam? bhavatu | picchikayā sthagayiṣye | (tathā kṛtvā)

• (p.47)ayi! pīṇaghaṇatthaṇasohiṇi! palitatthakulaṅgaviloalloaṇe! | jaï lamasi kāvāliṇi, tā kiṃ kalissadi sāvakī? || 3.19 ||

  ayi pīnaghanastanaśobhini! paritrastakuraṅgavilolalocane! | yadi ramase kāpālini, tat kiṃ kariṣyati śrāvakī? ||

aho, kāvāliaṃ jevva ekkaṃ daṃsaṇaṃ sokkhamokkhasāhaṇaṃ | bho, ācālia! ahaṃ tuha dāso saṃvutto | maṃ pi mahābhailavāṇusāsaṇe dikkhedu!aho, kāpālikaṃ darśanam evaikaṃ saukhyamokṣasādhanam | bho, ācārya! ahaṃ tava dāsaḥ saṃvṛttaḥ | mām api mahābhairavānuśāsane dīkṣayata!

upaviśyatām | (ubhau tathā kurutaḥ |)

(kāpālīko bhājanaṃ samādāya dhyānaṃ nāṭayati)

bhaavaṃ, palipūliaṃ sulāe bhāaṇam |bhagavan, paripūritaṃ surayā bhājanam |

(pītvā śeṣaṃ bhikṣukṣapaṇakayor arpayati |)

• idaṃ pavitram amṛtam pīyatāṃ, bhavabheṣajam | paśupāśasamucchedakāraṇaṃ, bhairavoditam || 3.20 ||

(ubhau vimṛśataḥ |)

amhāṇaṃ alihantāṇusāsaṇe sulāpāṇaṃ ṇatthi |asmākam ārhatānuśāsane surāpānaṃ nāsti |

kathaṃ kāpālikocchiṣṭāṃ surāṃ pāsyāmi?

(kiñcid vimṛṣya |) kiṃ vimṛśasi, śraddhe? paśutvam anayor nādyāpy apanīyate | tenāsmadvadanasaṃsargaduṣṭāṃ pavitrāṃ surām etau manyete | tad, bhavatī, svavaktrāsavapūtāṃ kṛtvānayor upanayatu | yatas tairthikā api vadanti “strīmukhaṃ tu sadā śuci” iti |

(p.48)jaṃ bhaavaṃ āṇavedi!yad bhagavān ājñāpayati! (iti pānapātraṃ gṛhītvā, pītaśeṣam upanayati |)

mahān prasādaḥ! (iti caṣakaṃ gṛhītvā pibati |) aho! surāyāḥ saundaryam!

• nipītā veśyābhiḥ saha na kativārān suvadanā- mukhocchiṣṭāsmābhiḥ sarasamadirāmodamadhurā? | kapālinyā vaktrāsavasurabhim etāṃ tu madirām alabdhvā jānīmaḥ spṛhayati sudhāyai suragaṇaḥ || 3.21 ||

ale, bhikkhua! mā savvaṃ piba! kāvāliṇīvaaṇocchiṭṭhaṃ maïlaṃ maha vi dhālaedu!are bhikṣo! mā sarvaṃ piba! kāpālinīvadanocchiṣṭāṃ madirāṃ mamāpi dhārayatu!

(bhikṣuḥ kṣapaṇakāya caṣakam upanayati |)

(pītvā |) aho, sulāe mahulattaṇam! aho, sādo! aho, gandho! aho, sulahittaṇam! cilaṃ khu alihantāṇusāsaṇe piḍido vañcido mhi ediseṇa sulālaseṇa! ale bhikkua, gholanti me aṅgāiṃ | tā uvaviśamha |aho, surāyā madhuratvam! aho, svādaḥ! aho, gandhaḥ! aho, surabhitvam! ciraṃ khalv ārhatānuśāsane patito vañcito 'smi īdṛśena surārasena! are bhikṣuka, ghūrṇanti me 'ṅgāni | tasmād upaviśāvaḥ |

evaṃ kurvaḥ | (tathā kurutaḥ |)

priye, amūlyakrītaṃ dāsadvayaṃ labdham | tan nṛtyāvas tāvat! (ubhau nṛtyataḥ |)

(p.49)ale bhikkua | eso kāvālio — ahavo ācālio — kāvālinīe saddhaṃ sohaṇaṃ ṇaccedi | tā edāe saddhaṃ amhe vi ṇaccāmha!are bhikṣuka | eṣa kāpāliko — 'thavācāryaḥ — kāpālinyā sārdhaṃ śobhanaṃ nṛtyati | tasmād etābhyāṃ sahāvām api nṛtyāvaḥ!

ācārya, mahāścaryam etad darśanaṃ! yatrākleśam abhimatārthasiddhayaḥ saṃpadyante! (madaskhalitaṃ nṛtyataḥ |)

“ayi pīṇaghaṇatthaṇa...”ayi pīnaghanastana... (ity ādi gāyati)

kiyad etad āścaryaṃ paśya!

• yatrānujjhitavāñchitārthaviṣayāsaṅge 'pi sidhyanty amūḥ pratyāsannamahodayapraṇayinām aṣṭau mahāsiddhayaḥ | vaśyākarṣavimohanapramathanaprakṣobhaṇoccāṭana- prāyāḥ prākṛtasiddhayas tu viduṣāṃ yogāntarāyāḥ param || 3.22 ||

ale kāpālia, (vimṛśya) ahava ācālia, ācālialāa, kulācālia |are kāpālika, athavā ācārya, ācāryarāja, kulācārya |

(vihasya) ayam anabhyāsātiśayapītayā madirayā dūram unmattīkṛtas tapasvī! tat kriyatām asya madāpanayanam!

evaṃ bhavatu | (iti svamukhocchiṣṭaṃ tāmbūlaṃ kṣapaṇakāya dadāti)

(saṃjñāṃ labdhvā kṣaṇaṃ svasthībhūya |) ācāliaṃ evva edaṃ pucchissam | jādisī tuha sulāe āhalaṇattī kiṃ tādisī itthiāpulisesu vi atthi?ācāryam ev' aitat pṛcchāmi | yādṛśī tava surāyā āharaṇaśaktiḥ kiṃ tādṛśī strīpuruṣeṣv apy asti?

(p.50)kiṃ viśeṣeṇa pṛcchyate? paśya —

• vidyādharīṃ vātha surāṅganāṃ vā, nāgāṅganāṃ vāpy atha yakṣakanyām | yad yan mameṣṭaṃ bhuvanatraye 'pi vidyābalāt tat tad upāharāmi || 3.23 ||

bho, edaṃ mae gaṇideṇa ṇṇādaṃ — jaṃ savve amhe mahālāamahāmohassa kiṃkale tti |bho, etan mayā gaṇitena jñātam — yat sarve vayaṃ mahārājamahāmohasya kiṃkarā iti |

yathājñātam āyuṣmatā, evam etat |

tā lāakajjaṃ mantīyadu |tasmād rājakāryaṃ mantrayatām

kiṃ tat?

sattassa sudā saddhā mahālāassa aṇṇāe āhalaṇīe tti |sattvasya sutā śraddhā mahārājasyājñayāharaṇiyeti |

kathaya kvāsau dāsyāḥ putrī? eṣa tām aciram eva vidyābalād upāharāmi |

(kṣapaṇakaḥ khaṇḍinīm ādāya gaṇayati)

sakhi, ambām uddviśyaiva hatāśānām ālāpaḥ; tad avadhānena tāvad ākarṇayāvaḥ |

(p.51)sahi, evvaṃ karemha |sakhi, evaṃ kurvaḥ | (ubhe tathā kurutaḥ |)

(gāthāṃ gaṇayitvā |)

• ṇatthi jale, ṇatthi vaṇe, ṇatthi gilibilesu, ṇatthi pāāle | sā viṇṇubhattisahidā ṇivasadi hiae mahappāṇam || 3.24 ||

  nāsti jale, nāsti vane, nāsti giribileṣu, nāsti pātāle, | sā viṣṇubhaktisahitā nivasati hṛdaye mahātmanām ||

(sānandam) sahi, diṭṭhiā vaḍḍhasi | sudaṃ viṇṇubhattīe devīe pāsavaṭṭiṇī saddhe tti |sakhi, diṣṭyā vardhase | śrutaṃ viṣṇubhaktyā devyāḥ pārśvavartinī śraddheti |

(śāntir harṣaṃ nāṭayati |)

atha dharmasya kāmād apakrāntasya kutra pravṛttiḥ?

(punar gaṇayitvā)

• ṇatthi jale, ṇatthi vaṇe, ṇatthi gilibilesu, ṇatthi pāāle | sā viṇṇubhattisahido vattaï hiae mahappāṇam || 3.25 ||

  nāsti jale, nāsti vane, nāsti giribileṣu, nāsti pātāle, | sa viṣṇubhaktisahito vartate hṛdaye mahātmanām ||

(saviṣādam) aho mahat kaṣṭam āpatitaṃ mahārājasya! tathā hi —

• (p.52)mūlaṃ devī siddhaye viṣṇubhaktis, tāṃ ca śraddhānuvratā sattvakanyā | kāmān muktas tatra dharmo 'py abhūc cet, siddhaṃ manye tad vivekasya sādhyam || 3.26 ||

tathāpi tāvad asuvyayenāpi svāminaḥ prayojanam anuṣṭheyam | tan mahābhairavīṃ vidyāṃ dharmaśraddhayor āharaṇāya prasthāpayāmaḥ | (iti niṣkrāntāḥ)

āvām apy evaṃ hatāśānāṃ vyavasāyaṃ devyai viṣṇubhaktyai nivedayāvaḥ |

(iti niṣkrāntāḥ sarve) iti śrīkṛṣṇamiśrayativiracite prabodhacandrodaye pāṣaṇḍaviḍambhano nāma tṛtīyo 'ṅkaḥ |

sudaṃ mae mudiāsaāsādo jaṃ mahābhairavīkaḍḍhaṇasambhamādo bhaavadīe viṇṇubhattīe parittādā piasahī saddheti | tā ukkaṇṭhieṇa hiaeṇa piasahīṃ pekkhissam |śrutaṃ mayā muditāsakāśād yan mahābhairavīkarṣaṇasaṃbhramato bhagavatyā viṣṇubhaktyā paritrātā priyasakhī śraddheti | tasmād utkaṇṭhitena hṛdayena priyasakhīṃ prekṣiṣye | (parikrāmati)

(tataḥ praviśati śraddhā |)

(sabhayotkampam)

• ghorāṃ, nārakapālakuṇḍalavatīṃ, vidyucchaṭā dṛṣṭibhir muñcantīṃ, vikarālamūrtim analajvālāpiśaṅgaiḥ kacaiḥ | daṃṣṭrācandrakalāṅkurāntaravalajjihvāṃ mahābhairavīṃ paśyantyā iva, me manaḥ kadalikevādyāpy aho vepate || 4.1 ||

(svagatam) ae! esā me piasahī bhaasambhāntahiaā, kalidakampataralehiṃ aṅgehiṃ kiṃ vi mantaantī | saṃmuhāadaṃ vi maṃ ṇa lakkhedi! ālavissaṃ dāva | (prakāśam) piasahi, saddhe! kīsa tumaṃ uttāviahiaā maṃ vi ṇa āloesi?aye! eṣā me priyasakhī bhayasambhrāntahṛdayākalitakampataralair aṅgaiḥ kiṃ api mantrayantī saṃmukhāgatām api māṃ na lakṣayatī! ālapiṣye tāvat | priyasakhi, śraddhe! kasmāt tvam uttāpitahṛdayā mām api nālokayasi?

(vilokya socchvāsam) aye! me priyasakhī maitrī!

• (p.54)kālarātrikarālāsyadantāntargatayā mayā | dṛṣṭāsi sakhi saiva tvaṃ punar atraiva janmani || 4.2 ||

tad ehi pariṣvajasva mām!

(tathā kṛtvā) sahi, taha viṇṇubhattiṇibbhatthidappabhāvāe mahābhairavīe kaḍḍhaṇasambhamādo ajja vi vevandi de aṅgāi |sakhi, tathā viṣṇubhaktinirbhartsitaprabhāvayā mahābhairavyāḥ karṣaṇasambhramato 'dyāpi vepante te 'ṅgāni |

(śraddhā “ghorām” ityādi paṭhati |)

(satrāsam) aho! hadāsā gholadaṃsaṇā! adha tāe āadāe kiṃ kidaṃ?aho! hatāśā ghoradarśanā! atha tayāgatayā kiṃ kṛtam?

• śṛṇu —
• śyenāvapātam avapatya padadvaye mām ādāya dharmam apareṇa kareṇa ghorā | vegena sā gaganam utpatitā nakhāgra- koṭisphuratpiśitapiṇḍayugeva gṛdhrī || 4.3 ||

haddhī! haddhī!hā dhik! hā dhik! (iti mūrcchati)

sakhi, samāśvasihi, samāśvasihi!

(āśvasya) tado tado?tatas tataḥ?

(p.55)tataḥ param asmadīyārtanādasañjātadayayā devyā viṣṇubhaktyā —

• bhrūbhaṅgabhīmaparipāṭaladṛṣṭipātam, udgāḍhakopakuṭilaṃ ca tathā vyaloki | sā vajrapātahataśailaśileva bhūmau, vyābhugnajarjaratarāsthi yathā papāta || 4.4 ||

diṭṭhiā miī via saddūlamuhādo pabbhaṭṭā saddhā kkhemeṇa saṃjīviā piasahī! tado tado?diṣtyā mṛgīva śārdūlamukhāt prabhraṣṭā śraddhā kṣemeṇa sañjīvitā priyasakhī | tatas tataḥ?

tato devyā samupajātābhiniveśayā kathitam, “evaṃ asya durātmano mahāmohahatakasya mām avajñāya pravartamānasya samūlam unmūlanaṃ kariṣyamī!”ti | ādiṣṭā cāhaṃ devyā yathā, “gaccha, śraddhe, brūhi vivekam kāmakrodhādīnāṃ nirjayāyodyogaḥ kriyatām | tato vairāgyaṃ prādurbhaviṣyati | ahaṃ ca yathāsamayaṃ prāṇāyāmādyanuṣṭhānena yuṣmatsainyam anugrahīṣyāmi | ṛtaṃbharādayaś ca devyaḥ śāntyādikauśalenopaniṣaddevyā saṃgatasya bhavataḥ prabodhodayam anuvidhāsyantī”ti | tad aham idānīṃ vivekaniketaṃ prati prasthitā | tvaṃ punaḥ kim ācarantī divasān ativāhayasi?

amhe vi catasso baïṇīo viṇṇubhattīe āṇāe viveasiddhikālaṇaṃ mahappāṇam hiae vaṭṭamha |vayam api catasro bhaginyo viṣṇubhakter ājñayā vivekasiddhikāraṇaṃ mahātmanāṃ hṛdaye vartāmahe | (saṃskṛtam āśritya |) te hi —

• dhyāyanti māṃ sukhini, duḥkhini cānukampāṃ, (p.56)puṇyakriyeṣu muditāṃ, kumatāv upekṣām | evaṃ prasādam upayāti hi rāgalobha- dveṣādidoṣakaluṣo 'py ayam antarātmā || 4.5 ||

evaṃ catasro 'pi bhaginyo vayaṃ tadabhyudayakāraṇenaiva vāsarān nayāmaḥ | kutredānīṃ priyasakhī mahārājam avalokayiṣyati?

devyaivedam uktam — “asti rāḍhābhidhāno janapadaḥ | tatra bhāgīrathīparisarālaṃkārabhūte cakratīrthe, mīmāṃsānugatayā matyā kathañcid dhāryamāṇaprāṇo, vyākulenāntarātmanā, viveka upaniṣaddevyāḥ saṃgamārthaṃ tapasyatī”ti |

tā gacchaü, piasahī! ahaṃ vi taṇṇioaṃ aṇuciṭṭhāmi |tasmād gacchatu, priyasakhī! aham api tanniyogam anutiṣṭhāmi |

evaṃ bhavatu |

(iti niṣkrānte |) viṣkambhakaḥ

(p.57) (tataḥ praviśati rājā pratīhārī ca |)

āḥ! pāpa mahāmohahataka! sarvathā hatas tvayāyaṃ mahājanaḥ | tathā hi —

• śānte 'nantamahimni nirmalacidānande taraṅgāvalī- nirmukte 'mṛtasāgarāmbhasi manāṅ magno 'pi nācāmati | niḥsāre mṛgatṛṣṇikārṇavajale śrānto 'pi mūḍhaḥ piba- ty ācāmaty avagāhate 'bhiramate majjaty athonmajjati || 4.6 ||

athavā saṃsāracakravāhakasya mahāmohasyābodho mūlam | tasya ca tattvāvabodhād eva nivṛttiḥ | yataḥ —

• amuṣya saṃsārataror abodhamūlasya nonmūlavināśanāya | viśveśvarārādhanabījajātāt tattvāvabodhād aparo 'bhyupāyaḥ || 4.7 ||
• “prāyaḥ sukṛtinām arthe devā yānti sahāyatām | apanthānaṃ tu gacchantaṃ sodaro 'pi vimuñcati” || 4.8 ||

iti tattvavido vyāharanti | tathā ca devyā viṣṇubhaktyā samādiṣṭam “udyogaḥ kriyatām kāmādivijaye | tad aham api bhavadarthe gṛhītapakṣaive”ti | tatra kāmas tāvat vastuvicāreṇ
(p.58)aiva jīyate | tad bhavatu | tam eva tāvat tannirvijayāyādiśāmi | vetravati! āhūyatāṃ vastuvicāraḥ!

jaṃ devo āṇavedi |jaṃ devo āṇavedi | (iti niṣkramya vastuvicāreṇa saha praviśati |)

aho! nirvicārasaundaryābhimānavardhiṣṇunā kāmahatakena vañcitaṃ jagat | athavā durātmanā mahāmohenaiva! tathā hi —

• kāntety, utpalalocaneti, vipulaśroṇībharety, unnamat- pīnottuṅgapayodhareti, sumukhāmbhojeti, subhrūr iti | dṛṣṭvā mādyati modate 'bhiramate prastauti vidvān api pratyakṣāśuciputrikāṃ striyam. aho mohasya duśceṣṭitam! || 4.9 ||

api ca yathāvastu vicārayatām amandamatīnām api piśitapiṇḍāvanaddhāsthipañjaramayī svabhāvadurgandhabībhatsaveṣā nārīti nāsti vimatiḥ | tatra vispaṣṭa eva tāvad itaraguṇādhyāsaḥ | tathā hi —

• muktāhāralatā raṇanmaṇimayā haimās tulākoṭayo rāgaḥ kuṅkumasaṃbhavaḥ surabhayaḥ pauṣpā vicitrāḥ srajaḥ | vāsaś citradukūlam alpamatibhir nāryām aho kalpitam bāhyāntaḥ paripaśyatāṃ tu nirayaṃ nārīti nāmnā kṛtaṃ || 4.10 ||

(ākāśe) āḥ! pāpa kāmacaṇḍāla! kim evam anālambanam evāvirbhavatā bhavatā vyākulīkriyate mahājanaḥ? tathā hy ayam evaṃ manyate —

• (p.59)“bālā mām iyam icchatīnduvadanā sānandam udvīkṣate nīlendīvaralocanā mama parīrambhaṃ bhṛśaṃ vāñchati |”

are mūḍha!

• kā tvām icchati? kā ca paśyati? paśo! māṃsāsthibhir nirmitā nārī veda na kiṃcid atra, sa punaḥ paśyaty amūrtaḥ pumān || 4.11 ||

ido ido edu, mahābhāo! (ity ubhau parikrāmataḥ |) eso mahārāo ciṭṭhadi | tā uvasappadu bhavam |ita ita etu, mahābhāgaḥ! eṣa mahārājas tiṣṭhati | tad upasarpatu bhavān |

(upasṛtya) jayatu, jayatu, devaḥ! eṣa vastuvicāraḥ praṇamati |

ihopaviśyatām |

(upaviśya) deva, eṣa te kiṅkaraḥ saṃprāptaḥ | tad ājñayānugṛhyatām!

mahāmohena sahāsmākaṃ saṃpravṛttaḥ saṅgrāmaḥ | tad atra kāmas tasya prathamo vīraḥ | tasya ca prativīratayāsmābhir bhavān eva nirūpitaḥ |

dhanyo 'smi, yena svāmināham evaṃ saṃbhāvitaḥ |

(p.60)atha kayā śastravidyayā bhavān kāmaṃ jeṣyati?

āḥ! pañcaśaraḥ kusumadhanvā jetavya ity atrāpi śastragrahaṇāpekṣā | paśya —

• dṛḍhataram apidhāya dvāram ārāt kathañcit smaraṇaviparivṛttau darśane yoṣitām vā | pariṇativirasatvaṃ dehabībhatsatāṃ vā pratipadam anucintyonmūlayiṣyāmi kāmam || 4.12 ||

sādhu, sādhu |

• api ca —
• vipulapulināḥ kallolinyo nirantaranirjharī- masṛṇitaśilāḥ śailāḥ sāndradrumā vanarājayaḥ | yadi śamagiro vaiyāsikyo budhaiś ca samāgamaḥ — kva piśitavasāmayyo nāryas? tadā kva ca manmathaḥ? || 4.13 ||

nārīti nāma prathamam astraṃ kāmasya | tena tasyāṃ jitāyāṃ, tatsahāyāḥ sarva eva viphalārambhā bhaṅgam āsādayiṣyanti | tathā hi —

• (p.61)candraś candanam indudhāmadhavalā rātryo dvirephāvalī- jhaṅkāronmukharā vilāsavipinopāntā vasantodayaḥ | mandradhvānaghanodayāś ca divasā mandāḥ kadambānilāḥ — śṛṅgārapramukhāś ca kāmasuhṛdo nāryāṃ jitāyāṃ jitāḥ || 4.14 ||

tad alam ativilambena | ādiśatu svāmī |

• so 'haṃ prakīrṇaiḥ parito vicāraiḥ śarair ivonmathya balaṃ pareṣām | sainyaṃ kurūṇām iva sindhurājaṃ gāṇḍīvadhanveva nihanmi kāmam || 4.15 ||

tat sajjībhavatu, bhavāñ, śatruvijayāya!

yad ādiśati devaḥ | (iti niṣkrāntaḥ)

vetravati! krodhasya vijayāya kṣamāhūyatām!

jaṃ devo āṇavedi |yad deva ājñāpayati | (iti niṣkramya kṣamayā saha praviśati)

kṣamā —

• (p.62)krodhāndhakāravikaṭabhrukuṭītaraṅga- bhīmasya sāndhyakiraṇāruṇaghoradṛṣṭeḥ | niṣkampanirmalagabhīrapayodhidhīrā dhīrāḥ parasya parivādagiraḥ kṣamante || 4.16 ||

(saślāgham ātmānaṃ nirvarṇya) aho! aham...

• klamo na vācāṃ, śiraso na śūlaṃ, na cittatāpo, na tanor vimardaḥ | na cāpi hiṃsādir anarthayogaḥ, ślāghyā paraṃ krodhajaye 'ham ekā || 4.17 ||

(ity ubhe parikrāmataḥ |)

eso devo | uvasappatu, piasahī |eṣa devaḥ | upasarpatu priyasakhī |

(upasṛtya) jayatu, jayatu, devaḥ! eṣā devasya dāsī kṣamā sāṣṭāṅgaṃ praṇamati |

kṣame, atropaviśyatām |

(upaviśya) ājñāpayatu devaḥ | kim artham āhūto dāsajanaḥ?

kṣame, asmin saṅgrāme durātmā krodhas tvayā jetavyaḥ |

devasyānugrahān mahāmoham api jetuṃ paryāptāsmi; kiṃ punaḥ krodhaṃ tanucaramātram? tad aham acirād eva ...

• taṃ pāpakāriṇam akāraṇabādhitāraṃ (p.63)svādhyāyadevapitṛyajñatapaḥkriyāṇām | krodhaṃ sphuliṅgam iva dṛṣṭibhir udvamantaṃ — kātyāyanīva mahiṣaṃ vinivārya hanmi || 4.18 ||

kṣame, śṛṇumas tāvat krodhavijayopāyam |

deva, vijñāpayāmi |

• “kruddhe — smeramukhāvadhīraṇam, athāviṣṭe — prasādakramo, vyākrośe — kuśaloktir, ātmaduritocchedotsavastāḍane | dhig! jantor ajitātmano 'sya mahatī daivād upetā vipad durvāre”ti dayārasārdramanasaḥ, krodhasya kutrodayaḥ? || 4.19 ||

sādhu, sādhu |

deva, krodhasya vijayād eva tad anuyāyino 'pi hiṃsāpāruṣyamānamātsaryādayo vijitā eva bhaviṣyanti |

tat pratiṣṭhatāṃ bhavatī vijayāya |

yad ājñāpayati devaḥ | (iti niṣkrāntā |)

(pratīhārīṃ prati) vetravati! āhūyatāṃ lobhasya jetā santoṣaḥ!

(p.64)jaṃ devo āṇavedi |yad deva ājñāpayati | (iti niṣkramya santoṣeṇa saha praviśati) santoṣaḥ (vicintya sānukrośam)

• phalaṃ svecchālabhyaṃ prativanam akhedaṃ kṣitiruhāṃ | payaḥ sthāne sthāne śiśiramadhuraṃ puṇyasaritām | mṛdusparśā śayyā sulalitalatāpallavamayī | sahante santāpaṃ tad api dhanināṃ dvāri kṛpaṇāḥ || 4.20 ||

(ākāśe) are mūrkha! durucchedaḥ khalv ayaṃ bhavato vyāmohaḥ | tathā hi —

• samārambhā bhagnāḥ kati kati na vārāṃs tava paśoḥ, pipāsos tucche 'smin draviṇamṛgatṛṣṇārṇavajale? | tathāpi pratyāśā viramati na te? nāpi śatadhā vidīrṇaṃ yacceto niyatam aśanigrāvaghaṭitam? || 4.21 ||

idaṃ ca te lobhāndhasya ceṣṭitaṃ cetasi camatkāram ātanoti! yataḥ —

• “lapsye, labdham idaṃ ca, labhyam adhikaṃ; tanmūlalabhyaṃ tato labhyaṃ cāparam |” ity anāratam aho labhyaṃ dhanaṃ dhyāyasi | naitad vetsi — punar bhavantam acirād āśāpiśācī balāt (p.65)sarvagrāsam iyaṃ grasiṣyati, mahālobhāndhakārāvṛtam || 4.22 ||
• api ca —
• dhanaṃ tāval labdhaṃ katham api tathāpy asya niyato, vyayo vā nāśo vā tava sati viyogo 'sty ubhayathā | anutpādaḥ śreyān kim u kathaya pathyo 'tha vilayo? vināśo labdhasya vyathayatitarāṃ; na tv anudayaḥ || 4.23 ||

• kiñca —
• mṛtyur nṛtyati mūrdhni, śaśvad uragī ghorā jarārūpiṇī tvām eṣā grasate, parigrahamayair gṛdhrair jagad grasyate | dhūtvā bodhajalair abodhabahulaṃ tallobhajanyaṃ rajaḥ, santoṣāmṛtasāgarāmbhasi punar magnaḥ sukhaṃ jīvati || 4.24 ||

eso sāmi | tā uvasappatu, mahābhāo!eṣa svāmī | tad upasarpatu, mahābhāgaḥ!

(tathā kṛtvā |) jayatu, jayatu, svāmī! eṣa santoṣaḥ praṇamati!

ihopaviśyatām | (iti svasannidhāv upaveśayati |)

(savinayam upaviśya) eṣa preṣyajanaḥ | ājñāpyatāṃ devena |

(p.66)viditaprabhāvo bhavān, tad alam ativilambena | lobhaṃ jetuṃ vārāṇasīṃ prati pratiṣṭhatām |

yad ājñāpayati devaḥ | so 'ham —

• nānāmukhaṃ vijayinaṃ jagatāṃ trayāṇāṃ devadvijātivadhabandhanalabdhavṛddhim | rakṣo'dhinātham iva dāśarathiḥ prasahya nirjitya lobham avaśaṃ tarasā pinaṣmi || 4.25 ||

(iti niṣkrāntaḥ)

(tataḥ praviśati vinītaveṣaḥ puruṣaḥ)

deva, saṃbhṛtāni vijayaprayāṇamaṅgalāni, pratyāsannaś ca mauhūrtikāveditaḥ prasthānasamayaḥ |

yady evaṃ, senāprasthāpanāyādiśyantāṃ senāpatayaḥ |

yad ājñāpayati devaḥ | (iti niṣkrāntaḥ)

bho, bhoḥ! sainikāḥ!

• (p.67)sajjyantāṃ kumbhabhitticyutamadamadirāmattabhṛṅgāḥ karīndrā! yujyantāṃ syandaneṣu prasabhajitamaruccaṇḍavegās turaṅgāḥ! | kuntair nīlotpalānāṃ vanam iva kakubhām antarāle sṛjantaḥ pādātāḥ saṃcarantu, prasabham asilasatpāṇayo 'py aśvavārāḥ || 4.26 ||

bhavatu! kṛtamaṅgalāḥ pratiṣṭhāmahe | (pāripārśvakaṃ prati) sārathir ādiśyatāṃ sāṅgrāmikaṃ rathaṃ sajjīkṛtyopanayeti |

yad ājñāpayati devaḥ | (iti niṣkrāntaḥ)

(tataḥ praviśati yathoktaṃ ratham ādāya sārathiḥ |)

deva! sajjīkṛto rathaḥ | tad ārohatv, āyuṣmān | (rājā kṛtamaṅgalavidhir ārohaṇaṃ nāṭayati |)

(rathavegaṃ nirūpayan) āyuṣman, paśya, paśya —

• uddhūtapāṃsupaṭalānumitaprabandha- dhāvatkhurāgracayacumbitabhūmibhāgāḥ | nirmathyamānajaladhidhvanighoraheṣam, ete rathaṃ gaganasīmni vahanti vāhāḥ || 4.27 ||

iyaṃ ca nātidūre darśanapatham avatīrṇā tribhuvanapāvanī vārāṇasī nagarī |

• amī dhārāyantraskhalitajalajhaṅkāramukharā, (p.68)vibhāvyante bhūyaḥ śaśikararucaḥ saudhaśikharāḥ | vicitrā yatroccaiḥ śaradamalameghāntavilasat- taḍillekhālakṣmīṃ vitarati patākāvalir iyam || 4.28 ||

etāś ca pratimukulalagnamadhupāvalīraṇitamukharā, jṛmbhārambhavigalanmakarandabindudurdināḥ kusumasurabhayo nātidūre śyāmāyamānaghanacchadacchāyātaravo, nagaraparyantāraṇyabhūmayaḥ | yatraite maruto 'pi gṛhītapāśupatavratā dhūlim uddhūlayantas tāpasā iva lakṣyante | tathā hi —

• toyārdrāḥ surasaritaḥ sitāḥ parāgair, arcantaś cyutakusumair ivendumaulim | prodgītāṃ madhuparutaiḥ stutiṃ paṭhanto — nṛtyanti pracalalatābhujaiḥ samīrāḥ || 4.29 ||

(sānandam ālokya)

• eṣāntardadhatī tamovighaṭanād ānandam ātmaprabhaṃ, cetaḥ karṣati candracūḍavasatir vidyeva mukteḥ padam | bhūmeḥ kaṇṭhavilambinīva kuṭilā muktāvalir jāhnavī, yatraivaṃ hasatīva phenapaṭalair vakrāṃ kalām aindavīm || 4.30 ||

(parikramya) āyuṣman, paśya, paśya! tad idaṃ surasaritparisarālaṃkārabhūtaṃ bhagavataḥ pāvanam anāder ādikeśavasya viṣṇor āyatanam |

(p.69)(saharṣam) are!

• eṣa devaḥ purāvidbhiḥ kṣetrasyātmeti gīyate | atra dehaṃ samutsṛjya puṇyabhājo viśanti yam || 4.31 ||

āyuṣman, paśya, paśya! ete tāvat kāmakrodhalobhādayo 'smaddarśanamātrād eveto deśād dūram atikrāmanti!

(p.70)evam etat! tad bhavatu | svābhīṣṭasiddhaye bhagavantaṃ namasyāmaḥ | (rathād avatīrya praviśyāvalokya ca |) jaya, jaya, bhagavan!

• amaracayacamūcakracūḍāmaṇiśreṇinīrājitopāntapādadvayāmbhoja! rājannakhadyotakirmīritasvarṇapīṭha! sphuraddvaitavibhrāntisantānasantāpasantaptavandārusaṃsāranidrāpahāraikadakṣa!kṣamāmaṇḍaloddhārasaṃhārasaṃghaṭṭasaṃghṛṣṭadaṃṣṭrāgrakoṭisphuracchailacakra! kramākrāntalokatraya! prabalabhujabaloddhūtagovardhanacchatranirvāritākhaṇḍalodyojitākāṇḍacaṇḍāmbuvāhātivarṣatrasadgokulatrāṇavismāpitāśeṣaviśvaprabho! | vibudharipuvadhūvargasīmantasindūrasandhyāmayūkhacchaṭonmārjanoddāmadhāmādhipa! trastadaityendravakṣastaṭīpāṭanākuṇṭhabhāsvannakhaśreṇipāṇidvayasrastavistāriraktārṇavāmagnalokatraya! tribhuvanaripukaiṭabhoddaṇḍakaṇṭhāsthikūṭasphuṭonmārjitodāttacakrasphurajjyotirulkāśatoḍḍāmaroddaṇḍa! khaṇḍenducūḍapriya! prauḍhadordaṇḍavibhrāntamanthācalakṣubdhadugdhāmbudhiprotthitaśrībhujāvallarīsaṃśleṣasaṃkrāntapīnastanābhogapatrāvalīlāñchitoraḥsthala! sthūlamuktāphalottārahāraprabhāmaṇḍalaprasphuratkaṇṭha! vaikuṇṭha! bhaktasya lokasya saṃsāramohacchidaṃ dehi bodhodayaṃ deva! tubhyaṃ namaḥ! || 4.32 ||

(nirgamanaṃ nāṭayitvā vilokya ca |) sādhur, ayam evāsmākaṃ nivāsocito deśaḥ | tad atraiva skandhāvāraṃ niveśayāmaḥ |

(iti niṣkrāntau) iti śrīkṛṣṇamiśraviracite prabodhacandrodayanāmni nāṭake vivekodyogo nāma caturtho 'ṅkaḥ |

(vicintya) prasiddhaḥ khalv ayaṃ panthāḥ | yataḥ —

• nirdahati kulam aśeṣaṃ jñātīnāṃ vairasaṃbhavaḥ krodhaḥ | vanam iva ghanapavanāhatataruvarasaṅghaṭṭasaṃbhavo dahanaḥ || 5.1 ||

(sāsram) aho! durvāro dāruṇaḥ sodaravyasanajanmā śokānalaḥ; yo vivekajaladhārāśatair api na mandīkriyate! tathā hi —

• dhruvaṃ dhvaṃso bhāvī jalanidhimahīśailasaritām; ato mṛtyoḥ śīryattṛṇalaghuṣu kā jantuṣu kathā? | tathāpy uccair bandhuvyasanajanitaḥ ko 'pi viṣamo, vivekapronmāthī, dahati hṛdayaṃ śokadahanaḥ || 5.2 ||

yena tathā krūraprakṛtiṣv api bhrātṛṣu kāmakrodhādiṣu kathāśeṣatāṃ gateṣu |

• (p.72)nikṛntatīva marmāṇi, dehaṃ śoṣayatīva me | dahatīvāntarātmānaṃ krūraḥ śokāgnir ucchikhaḥ || 5.3 ||

(vicintya) ādiṣṭāsmi devyā viṣṇubhaktyā yathā — “vatse, śraddhe! aham atra hiṃsāprāyasamaradarśanaparāṅmukhī | tena vārāṇasīm utsṛjya, śālagrāmābhidhāne bhagavataḥ kṣetre kañcit kālam ativāhayāmi | tvaṃ tu yathāvṛttam samaravṛttāntam āgatya me nivedayiṣyasī”ti | tad ahaṃ devyāḥ sakāśaṃ gatvā, sarvam etat samaravṛttāntam āvedayāmi | (parikramyāvalokya ca |) etac cakratīrtham, yatrāsau saṃsārasāgarottārataraṇikarṇadhāro bhagavān hariḥ svayaṃ prativasati | (praṇamya) iyaṃ ca mahāmunibhir upāsyamānā bhagavatī viṣṇubhaktiḥ, śāntyā saha kim api mantrayate | yāvad upasarpāmi | (iti parikrāmati |)

(tataḥ praviśati viṣṇubhaktiḥ śāntiś ca)

devi! prabalacintākulahṛdayām iva bhavatīm ālokayāmi |

vatse, etasmin vīravarakṣaye mahati sāmparāye jāte na jānāmi balavatā mahāmohenābhiyuktasya vatsavivekasya kīdṛśo vṛttānta iti | tena duḥsthitam iva me hṛdayam |

kim atra vicintyate? nanu bhagavatī cet kṛtānugrahā, tan niyatam eva rājño vivekasya vijaya | iti jānāmi!

• (p.73)vatse —
• yady apy abhyudayaḥ prāyaḥ pramāṇād avadhāryate | kāmaṃ tathāpi suhṛdām aniṣṭāśaṅki mānasam || 5.4 ||

viśeṣataś ca, śraddhāyāś ciram anāgamanaṃ, manasi saṃdehaṃ āpādayati |

(upasṛtya) bhagavati! praṇamāmi |

śraddhe, svāgatam!

devyāḥ prasādena!

amba! praṇamāmi

putri, māṃ pariṣvajasva!

(tathā karoti)

vatse, devyā viṣṇubhakteḥ prasādān, munijanacetaḥpadaṃ prāpnuhi!

atha tatra kiṃ vṛttam?

yad devyāḥ prātikūlyam ācaratām ucitam!

tad vistareṇāvedaya |

(p.74)ākarṇayatu bhavatī | devyām ādikeśavāyatanād apakrāntāyām eva, kiñcid utsṛṣṭapāṭalimni bhagavati bhāsvati, vijayaghoṣaṇāhūyamānānekavaravīrabahulatarasiṃhanādabadhiritadigante, saṃtatarathaturaṅgakhurakhaṇḍitabhūmaṇḍalocchaladvipularajaḥpaṭalāntaritakiraṇamālini, prabalatarakarṇatālāsphālanoccalatsamadakarikumbhasindūrasandhyāyamānadaśadiśi, pralayajaladharadhvānabhīṣanarave, teṣām asmākaṃ ca saṃnaddhe sainyasāgare, mahārājavivekena naiyāyikaṃ darśanaṃ dautye prahitam | gatvā ca tenokto mahāmohaḥ —

• “viṣṇor āyatanāny apāsya, saritāṃ kūlāny, araṇyasthalīḥ puṇyāḥ, puṇyakṛtāṃ manāṃsi ca, bhavān mlecchān vrajet sānugaḥ | no cet, santu kṛpāṇadāritabhavatpratyaṅgadhārākṣarad raktasphītavidīrṇavaktravisarat pheṭkāriṇaḥ pheravāḥ” || 5.5 ||

tatas tataḥ?

tato, devi, vikaṭalalāṭataṭatāṇḍavitabhrukuṭinā kruddhena mahāmohena, “anubhavatv asya durnayaparipākasya phalaṃ vivekahataka!” ity abhidhāya, svayaṃ pāṣaṇḍāgamāḥ pāṣaṇḍatarkaśāstraiḥ samaṃ samarāya prathamaṃ samudyojitāḥ | atrāntare 'smākam api sainyaśirasi —

• vedopavedāṅgapurāṇadharma- śāstretihāsādibhir ucchritaśrīḥ | sarasvatī padmakarā śaśāṅka- (p.75)saṅkāśakāntiḥ sahasāvirāsīt || 5.6 ||

tatas tataḥ?

tato, devi, vaiṣṇavaśaivasaurādayo devyāḥ sakāśam āgatāḥ |

tatas tataḥ?

• tad anantaraṃ ca —
• sāṃkhyanyāyakaṇādabhāṣitamahābhāṣyādiśāstrair vṛtā, sphūrjannyāyasahasrabāhunivahair uddyotayantī diśaḥ | mīmāṃsā samarotsukāvirabhavad dharmendukāntānanā, vāgdevyāḥ puratas trayītriṇayanā kātyāyanīvāparā || 5.7 ||

aye! kathaṃ punaḥ svabhāvapratidvandvinām āgamānāṃ tarkāṇāṃ ca, samavāyaḥ saṃpannaḥ?

• (p.76)putri —
• samānānvayajātānāṃ, parasparavirodhinām | paraiḥ pratyabhibhūtānāṃ, prasūte saṅgatiḥ śriyam || 5.8 ||

tena vedaprasūtānāṃ teṣām avāntaravirodhe 'pi, vedasaṃrakṣaṇāya nāstikapakṣapratikṣepaṇāya, śāstrāṇāṃ sāhityam eva | āgamānāṃ tu tattvaṃ vicārayatām avirodha eva | tathā hi —

• jyotiḥ śāntam anantam advayam ajaṃ, tattadguṇonmīlanād, brahmety, acyuta ity, umāpatir iti, prastūyate naikadhā | tais tair eva sadāgamaiḥ, śrutisakhair, nānāpathaprasthitair, gamyo 'sau jagadīśvaro, jalanidhir vārāṃ pravāhair iva || 5.9 ||

tatas tataḥ?

tato devi, parasparaṃ karituragarathapadātīnāṃ nirantaraśaranikaradhārāsampātopadarśitadurdinānāṃ teṣāṃ asmākaṃ ca yodhānāṃ tumulaḥ samprahāraḥ prāvartata | tathā hi —

• bahularudhiratoyās tatra tatra sravantyo, nibiḍapiśitapaṅkāḥ kaṅkaraṅkāvakīrṇāḥ | śaradalitaviśīrṇottuṅgamātaṅgaśaila- skhalitarayaviśīrṇacchatrahaṃsāvataṃsāḥ || 5.10 ||

evam atimahati dāruṇe saṅgrāme, parapakṣavirodhitayā pāṣaṇḍāgamair agresarīkṛtaṃ, lokāyataṃ tantram anyonyasainyavimardair vinaṣṭam | anantaraṃ pāṣaṇḍāgamā nirmūlatayā sadāgamārṇavapravāheṇa paryastāḥ | saugatās tāvat sindhugāndhārapārasikamāgadhāndhrahūṇavaṅgakaliṅgādīn mlecchaprāyān pradeśān praviṣṭāḥ | pāṣaṇḍa
(p.77)digambarakāpālikādayas tu pāmarabahuleṣu pāñcālamālavābhīrānartasāgarānūpeṣu nigūḍhaṃ sañcaranti | nyāyānugatayā mīmāṃsayā pragāḍhaprahārajarjarīkṛtā nāstikatarkās teṣām evāgamānām anupathaṃ prayātāḥ |

tatas tataḥ?

tato vastuvicāreṇa kāmo hataḥ; kṣamayā krodhapāruṣyahiṃsādayo nipātitāḥ; santoṣeṇa lobhatṛṣṇādainyānṛtapaiśunyavāksteyāsatpratigrahādayo nigṛhītāḥ; anasūyayā mātsaryaṃ jitam; parotkarṣabhāvanayā mado niṣūditaḥ; paraguṇādhikyena mānaḥ khaṇḍitaḥ |

(saharṣam) sādhu, sādhu! sampannam! atha mahāmohasya ko vṛttāntaḥ?

devi, mahāmoho 'pi yogopasargaiḥ saha na jñāyate kva nilīnas tiṣṭhatīti |

asti tarhi mahān anarthaśeṣaḥ | pariharaṇīyaś cāsau | yataḥ —

• anādaraparo vidvān, īhamānaḥ sthirāṃ śriyam | agneḥ śeṣam, ṛṇāc cheṣaṃ, śatroḥ śeṣaṃ, na śeṣayet || 5.11 ||

atha manasaḥ ko vṛttāntaḥ?

(p.78)devi, tenāpi putrapautrādivyasanajanitaśokāvegena jīvotsargāyādhyavasitam |

(smitaṃ kṛtvā) yady evaṃ syāt, sarva eva vayam kṛtakṛtyā bhavāmaḥ! puruṣaś ca parāṃ nirvṛtim āpadyeta | kintu kutas tasya durātmano jīvatyāgaḥ?

evaṃ devyāṃ prabodhodayāya gṛhītasaṅkalpāyām acirād eva śarīreṇaiva saha na bhaviṣyati |

tad bhavatu! asya vairāgyotpattaye vaiyāsikīṃ sarasvatīṃ preṣayāmaḥ |

(iti niṣkrānte) praveśakaḥ

(p.79) (tataḥ praviśati manaḥ saṅkalpaś ca |)

(sāsram) hā! putrakāḥ! kva gatāḥ stha? datta me prativacanam! bhoḥ kumārakāḥ! rāgadveṣamadamātsaryādayaḥ, pariṣvajadhvaṃ māṃ! sīdanti mamāṅgāni | hā! na kaścid vṛddhaṃ mām anāthaṃ saṃbhāvayati | kva gatā asūyādayaḥ kanyakāḥ? āśātṛṣṇāhiṃsādayo vā snuṣāḥ? atha tā api mandabhāgyasya me samakālam eva daivahatakenāpahṛtāḥ | (savaiklavyam)

• visarpati viṣāgnivad, dahati sarvamarmāvidhas, tanoti bhṛśavedanāḥ, kaṣati sarvakāṣaṃ vapuḥ | vilumpati vivekitām, hṛdi ca moham unmīlaya- ty. aho, grasati jīvitaṃ prasabham eṣa śokajvaraḥ || 5.12 ||

(iti mūrcchiṭaṃ patati)

rājan, samāśvasihi! samāśvasihi!

(samāśvasya) kathaṃ devīpravṛttir api na mām evamavasthaṃ samāśvāsayati?

(sāsram) deva, kuto 'dyāpi pravṛttiḥ? yataḥ śrutakuṭumbavyasanasañjātaśokānaladagdhahṛdayā, hṛdayāsphoṭaṃ vinaṣṭā |

(p.80)hā! priye! kvāsi? dehi me prativacanam! nanu, devi —

• svapne 'pi, devi, ramase na vinā mayā tvaṃ, svāpe tvayā virahito, mṛtavad bhavāmi | dūrīkṛtāsi vidhidurlalitais, tathāpi jīvaty aho! tu mana ity asavo durantāḥ || 5.13 ||

(punar mūrcchati)

rājan, samāśvasihi! samāśvasihi!

(samaśvasya) alam asmākam ataḥ paraṃ jīvitena | saṃkalpa! citāṃ āracaya, yāvad analavprapraveśena śokānalaṃ nirvāpayāmi |

(tataḥ praviśati sarasvatī |)

preṣitāsmi bhagavatyā viṣṇubhaktyā, yathā “sakhi, sarasvati | gacchāpatyavyasanakhinnasya manasaḥ prabodhanāya | yathā ca tasya vairāgyotpattir bhavati tathā yatasve”ti | tad bhavatu! tatsannidhim evopasarpāmi | (upasṛtya) vatsa, kim evam ativiklavo 'si? nanu viditapūrvaiva bhavatā bhāvānām anityatā, adhītāni ca tvayaitihāsikāny upākhyānāni | tathā hi —

• (p.81)bhūtvā kalpaśatāyuṣo 'mbujabhuvaḥ sendrāś ca devāsurā manvādyā munayo mahī jaladhayo naṣṭāḥ parāḥ koṭayaḥ | mohaḥ ko 'yam aho mahān udayate, lokasya śokāvahaḥ, sindhoḥ phenasame gate vapuṣi yat pañcātmake pañcatām? || 5.14 ||

tad bhāvaya bhāvānām anityatām | nityānityavastudarśinaṃ na spṛṣati śokāvegaḥ | yataḥ —

• ekam eva sadā brahma satyam anyad vikalpitam | ko mohaḥ kas tadā śoka ekātmyam anupaśyataḥ? || 5.15 ||

bhagavati! śokāvegadūṣite manasi viveka eva me nāvakāśaṃ labhate |

vatsa, snehadoṣa eṣaḥ | prasiddha evāyam arthaḥ snehaḥ sarvānarthaprabhava iti | tathā hi —

• upyante viṣavallibījaviṣamāḥ kleśāḥ priyākhyā narais; tebhyaḥ snehamayā bhavanti nacirād, vajrāgnigarbhāṅkurāḥ | yebhyo 'mī śataśaḥ kukūlahutabhugdāhaṃ dahantaḥ śanair dehaṃ dīptaśikhāsahasraśikharā rohanti śokadrumāḥ || 5.16 ||

devi! yady apy evaṃ, tathāpi na śaknomi śokānaladagdhaḥ prāṇān dhārayitum | sādhu saṃpannaṃ yad antakāle tvaṃ tāvad dṛṣṭāsi |

(p.82)idaṃ cāparam akṛtyaṃ yad ātmahatyādhyavasāya iti | api ca amīṣām apakāriṇām arthe ko 'yam atyāveśo bhavataḥ? paśya tāvat —

• kva cid upakṛtiḥ kartāmībhiḥ? kṛtā? kriyate 'thavā? tava na ca bhavanty ete puṃsāṃ sukhāya parigrahāḥ | dadhati virahe marmacchedaṃ, tadartham apārthakaṃ; tad api vipulāyāsaiḥ sīdanty, aho bata! jantavaḥ || 5.17 ||
• api ca —
• tīrṇāḥ pūrṇāḥ kati na sarito? laṅghitāḥ ke na śailā? nākrāntā vā kati vanabhuvaḥ, krūrasañcāraghorāḥ? | pāpair etaiḥ kim iva duritaṃ kārito nāsi kaṣṭaṃ, yad dṛṣṭās te dhanamadamaṣīmlānavaktrā durīśāḥ? || 5.18 ||

devi, evam etat | tathāpi —

• lālitānāṃ svajātānāṃ hṛdi sañcaratāṃ ciram | prāṇānām iva vicchedo, marmacchedād aruntudaḥ || 5.19 ||

vatsa, mamatāvāsanānibandhano 'yaṃ vyāmohaḥ | uktaṃ ca —

• (p.83)mārjārabhakṣite duḥkhaṃ yādṛśaṃ gṛhakukkuṭe | na tādṛṅ mamatāśūnye kalaviṅke 'tha mūṣake || 5.20 ||

tat sarvathā sarvānarthabījasya mamatvasyocchede yatnaḥ kartavyaḥ | paśya —

• prādurbhavanti vapuṣahḥ kati vā na kīṭā yān yatnataḥ khalu tanor apasārayanti? | mohaḥ ka eṣa jagato yad apatyasaṃjñāṃ teṣāṃ vidhāya pariśoṣayati svadeham? || 5.21 ||

bhagavati! evam tathāpi durucchedyas tu mamatvagranthiḥ | tathā hi —

• nirantarābhyāsadṛdhīkṛtasya na snehasūtragrathitasya jantoḥ | jānāmi kiñcid bhagavaty upāyaṃ mamatvapāśasya yato vimokṣaḥ || 5.22 ||

vatsa! bhāvānām anityatābhāvanam eva tāvan mamatvocchedasya prathamopāyaḥ | tathāpi —

• na kati pitaro dārāḥ putrāḥ pitṛvyapitāmahā mahati vitate saṃsāre 'smin gatās tava koṭayaḥ? | tad iha suhṛdāṃ vidyutpātojjvalān kṣaṇasaṃgamān sapadi hṛdaye bhūyo, bhūyo! niveśya sukhī bhava || 5.23 ||

bhagavati, tava prasādād apāsta eva vyāmohaḥ | kintu —

• (p.84)tava mukhaśaśadharadīdhiti- galitair vimalopadeśapīyūṣaiḥ | kṣālitam api me hṛdayaṃ malinaṃ śokormibhiḥ kriyate || 5.24 ||

tad ārdrasya śokaprahārasya bheṣajam prajñāpayatu, bhagavatī |

vatsa, nanūpadiṣṭam eva munibhiḥ —

• “akāṇḍapātajātānām ārdrāṇāṃ marmabhedinām | gāḍhaśokaprahārāṇām acintaiva mahauṣadham ||” || 5.25 || iti |

bhagavati! evam etat | durvāraṃ tu cetaḥ, yataḥ —

• apy etad vāritaṃ, cintāsantānair abhibhūyate | muhurvātāhatair bimbam abhracchedair ivaindavam || 5.26 ||

vatsa, śrūyatām | cetaso 'yaṃ vikāraḥ | tataḥ kvacic chānte viṣaye ceto niveśyatām |

tat prasīdatu bhagavatī! ko 'sau śānto viṣayaḥ?

(p.85)vatsa, guhyam etat | tathāpy ārtānām upadeśe na doṣaḥ —

• nityaṃ smarañ jaladanīlam udārahāra- keyūrakuṇḍalakirīṭadharaṃ hariṃ vā | grīṣme suśītam iva vāri, nirastaśokaṃ, brahma prapadya, bhaja nirvṛtim ātmanīnām || 5.27 ||

(vicintya socchvāsam |) sarvathā trāto 'smi bhagavatyā | (iti pādayoḥ patati |)

vatsa, samprati upadeśasahiṣṇu te hṛdayaṃ jatam | ata etad aparam ucyate —

• vaśaṃ prāpte mṛtyohḥ pitari, tanaye vā, suhṛdi vā, śucā santapyante bhṛśam udaratāḍaṃ jaḍadhiyaḥ | asāre saṃsāre virasapariṇāme tu viduṣāṃ, viyogo vairāgyaṃ draḍhayati vitanvañ śamasukham || 5.28 ||

(tataḥ praviśati vairāgyam |)

(vicintya)

• (p.86)asrākṣīn navanīlanīrajadalopāntātisūkṣmāyata- tvaṅmātrāntaritāmiṣam yadi vapur naitat prajānāṃ patiḥ | pratyagrakṣaradasravisrapiśitagrāsagrahaṃ gṛhṇato gṛdhradhvāṅkṣavṛkāṃs tanau nipatataḥ ko vā kathaṃ vārayet? || 5.29 ||
• api ca —
• sadā lolā lakṣmīr — viṣayajarasāḥ, prāntavirasā; vipadgehaṃ deho; mahad api dhanaṃ, bhūri nidhanam | guruḥ śoko lokaḥ; satatam abalānarthabahulā — tathāpy, asmin ghore pathi, bata! ratā nātmani ratāḥ || 5.30 ||

vatsa, etad vairāgyaṃ tvām upasthitam | tad etat saṃbhāvaya |

kvāsi putraka?

(upasṛtya) ahaṃ, bho, abhivādaye |

vatsa, jātamātreṇa tvayā tyakto 'smi | pariṣvajasva mām!

(tathā karoti)

vatsa, tvaddarśanāt praśānto me śokāvegaḥ |

(p.87)tāta, ko 'tra śokāveśaḥ? yataḥ —

• pānthānām iva vartmani, kṣitiruhāṃ nadyām iva bhraśyatāṃ, meghānām iva puṣkare, jalanidhau sāṃyātrikāṇām iva | saṃyogaḥ pitṛmātṛbandhutanayabhrātṛpriyāṇāṃ yadā siddho dūraviyoga eva, viduṣāṃ śokodayaḥ kas tadā? || 5.31 ||

(sanandam) devi, evam etat, yad āha vatsaḥ | saṃprati hi —

• nāryas tā navayauvanā. madhukaravyāhāriṇas te drumāḥ. pronmīlannavamallikāsurabhayo mandās ta evānilāḥ | adyodāttavivekamārjitatamaḥstomavyalīkaṃ punas tān etān mṛgatṛṣṇikārṇavapayaḥprāyān manaḥ paśyati || 5.32 ||

vatsa, yady apy evaṃ, tathāpi gṛhiṇā muhūrtam apy anāśramadharmiṇā na bhavitavyam | tad adyaprabhṛti nivṛttir eva te sahadharmacāriṇī |

(salajjam) yad ādiśati devī |

śamadamasantoṣādayaś ca putrās tvām anucarantu! yamaniyamādayaś cāmātyāḥ! viveko 'pi tvadanugrahād upaniṣaddevyā saha yauvarājyam anubhavatu! etāś ca maitryādayaś catasro bhaginyo bhagavatyā viṣṇubhaktyā tava prasādanāya prahitās | tāḥ sa
(p.88)prasādam anumānaya!

yad ādiśati devī | mūrdhni niveśitāḥ sarvā evājñāḥ | (iti saharṣaṃ pādayoḥ patati |)

yamaniyamādayaś cāmātyāḥ sādaram āyuṣmatā draṣṭavyāḥ | etair eva sahāyuṣmān sāmrājyam anutiṣṭhatu | tvayi ca svāsthyam āpanne kṣetrajño 'pi svāṃ prakṛtim āpatsyate | yataḥ —

• tvatsaṅgāc chāśvato 'pi, prabhavalayajaropapluto, buddhivṛtti- ṣv eko nāneva, devo ravir iva jaladher vīciṣu vyastamūrtiḥ | tūṣṇīm ālambase cet, katham api vitatā, vatsa, saṃhṛtya vṛttīr, bhāty ādarśe prasanne ravir iva sahajānandasāndras tadātmā || 5.33 ||

tad bhavatu | jñātīnām udakakṛtyāya nadīm avatarāmaḥ |

yad ājñāpayati devī |

(iti niṣkrāntāḥ sarve |) iti śrīkṛṣṇamiśraviracite prabodhacandrodayanāmni nāṭake vairāgyaprādurbhāvo nāma pancamo 'ṅkaḥ |

ādiṣṭāsmi mahārājavivekena, yathā — “vatse, viditam eva bhavatyā kila —

• astaṃ gateṣu tanayeṣu, vilīnamohe, vairāgyabhāji manasi praśamaṃ prapanne | kleśeṣu pañcasu gateṣu samaṃ samīhāṃ tattvāvabodham abhitaḥ puruṣas tanoti || 6.1 ||

tad bhavatī tvaritataraṃ devīm upaniṣadam anunīya matsakāśam ānayatv” iti | (vilokya saharṣam) mamāmbā saharṣam kim api mantrayantīta evābhivartate |

(tataḥ praviśati śraddhā |)

aye! adya khalu cireṇa rājakulam avalokya me pīyūṣeṇeva locane pūrṇe!

• asatāṃ nigraho yatra, santaḥ pūjyā śamādayaḥ | ārādhyate jagatsvāmī vaśyair devānujīvibhiḥ || 6.2 ||

(upasṛtya) amba, kiṃ mantrayantī kva prasthitāsi?

(p.90) (aye, adyetyādi paṭhati)

atha manasi kīdṛśī svāminaḥ puruṣasya pravṛttiḥ?

yādṛśī vadhye nigrāhye ca bhavati |

tat kiṃ svāmy eva sāmrājyam alaṃkariṣyati?

evam etat, yady ātmānam pratisaṃdhatte, tato devaḥ svarāṭ samrāḍ vā bhavati |

atha devasya māyāyāṃ kīdṛśo 'nugrahaḥ?

nanu “nigraha” iti vaktavye, katham “anugrahaḥ” śakyate vaktum? devo 'pi hi sarvānarthabījam iyaṃ māyā, sarvathā nigrāhyeti manyate |

yady evaṃ, kutas tarhīdanīṃ rājakulasya sthitiḥ?

• (p.91)śṛṇu, vatse —
• nityānityavicāraṇā praṇayinī, vairāgyam ekaṃ suhṛt, sanmitrāṇi yamādayaḥ, śamadamaprāyāḥ sakhāyo matāḥ | maitryādyāḥ paricārikāḥ, sahacarī nityaṃ mumukṣā, balād ucchedyā ripavaś ca — mohamamatāsaṃkalpasaṅgādayaḥ || 6.3 ||

atha dharme svāminaḥ kīdṛśaḥ praṇayaḥ?

putri, vairāgyasaṃnikarṣāt prabhṛti nitāntam ihāmutraphalabhogavirasa eva svāmi | tena —

• sa narakād iva pāpaphalād bhayaṃ bhajati puṇyaphalād api nāśinaḥ | iti samujjhitakāmasamanvayaṃ, sukṛtakarma kathañcana manyate || 6.4 ||

kintv asau pratyakpravaṇatāṃ svāmino vicintya, kṛtaṃ kartavyam ivātmānaṃ matvā, svayam eva dharmaḥ ślathavyāpāro 'bhūt |

atha yān upasargān gṛhītvā, mahāmoho nilīya sthitas, teṣāṃ ko vṛttāntaḥ?

putri, tathā duravasthāṃ gatenāpi, mahāmohahatakena svāminaḥ prarocanāya madhumatyā vidyayā sahopasargāḥ preṣitāḥ | ayam abhiprāyaḥ, yady eteṣv āsaktaḥ svāmī, viveka upaniṣaccintām api na kariṣyatīti |

tatas tataḥ?

tatas tayā saha tair gatvā kāpi svāmina aindrajālikī vidyopadarśitā | tathā hi —

• (p.92)śabdān eṣa śṛṇoti yojanaśatād, āvirbhavanti svatas tās tā vedapurāṇabhāratakathās tarkādayo vāṅmayāḥ | grathnāti svayam icchayā śucipadaiḥ śāstrāṇi kāvyāni vā. lokān bhrāmyati, paśyati sphuṭaruco ratnasthalīr mairavīḥ || 6.5 ||

madhumatīṃ ca bhūmim āpannaḥ, sthānābhimāninībhir devatābhir upacchandyate — “bho! ihopaviśyatām! nātra janmamṛtyū | anupādhiramaṇīyo deśaḥ, eṣa tvām upasthito vividhavilāsalāvaṇyapuṇyamayo, maṅgalārthavyagrapāṇiḥ, praṇayapeśalo vidyādharījanaḥ | tad ehi! yato 'tra —

• kanakasikatilasthalāḥ sravantīḥ, pṛthujaghanāḥ kamalānanā varorūḥ | marakatadalakomalā vanālir bhaja! nijapuṇyajitāṃś ca sarvabhogān” || 6.6 ||

tatas tataḥ?

putri, tad ākarṇya, māyayā “ślāghyam etad” ity uktam | manasā cānumoditam | saṅkalpena protsāhitam | svāmī samprati sanmitrapatham ivāpannaḥ |

(sakhedam) hā dhik! hā dhik! punar api tām eva saṃsāravāgurām api patitaḥ svāmī!

na khalu, na khalu |

tatas tataḥ?

(p.93)tataḥ pārśvavartinā tarkeṇa tān sarvān krodhāveśakaṣāyitanayanam ālokyābhihitaḥ svāmī, “svāmin! kim evam ebhir viṣayāmiṣagrāsagṛdhnubhir āsthānīdhūrtabakaiḥ punar api teṣv eva viṣamaviṣayāṅgāreṣu nipātyamānam ātmānaṃ nāvabudhyase? nanu bhoḥ —

• bhavasāgaratāraṇāya yā sucirād yogatarīs tvayāśritā | adhunā parimucya tāṃ madāt, katham aṅgāranadīṃ vigāhase?” || 6.7 ||

tatas tataḥ?

tatas tad vacanam ākarṇya, “svasti viṣayebhya!” ity abhidhāyāvadhīritā madhumatī |

sādhu! sādhu! idānīṃ kva prasthitā bhavatī?

ādiṣṭāhaṃ svāminā yathā, “vivekaṃ draṣṭum icchāmī”ti |

tat tvaratāṃ bhavatī |

tad ahaṃ rājasannidhiṃ prasthitā |

(p.94)aham api mahārājenopaniṣadam ānetum ādiṣṭā | tad bhavatu! svaniyogaṃ saṃpādayāvaḥ |

(iti niṣkrānte) praveśakaḥ

(p.95) (tataḥ praviśati puruṣaḥ |)

(vicintya saharṣam) aho! māhātmyaṃ devyā viṣṇubhakteḥ! yatprasādān mayā —

• tīrṇāḥ kleśamahormayaḥ, parihṛtā bhīmā mamatvabhramāḥ. śāntā mitrakalatrabandhumakaragrāhagrahagranthayaḥ | krodhaurvāgnir apākṛto, vighaṭitās tṛṣṇālatāvistarāḥ. pāretīram avāptakalpam adhunā saṃsāravārām nidheḥ || 6.8 ||

(tataḥ praviśaty upaniṣac chāntiś ca |)

sakhi! kathaṃ tathā niranukrośasya svāmino mukham ālokayiṣyāmi? yenāham itarajanayoṣeva suciram ekākinī parityaktā |

devi, kathaṃ tathāvidhavipatpatito deva upālabhyate?

sakhi, na dṛṣṭā tvayā me tādṛśī avasthā, yenaivaṃ bravīsi | śṛṇu —

• (p.96)bāhvor bhagnā dalitamaṇayaḥ śreṇayaḥ kaṅkaṇānāṃ, cūḍāratnagrahanikṛtibhir dūṣitaḥ keśapāśaḥ | kaiḥ kair nāhaṃ hatavidhibalād īhitā durvidagdhair dāsīkartuṃ sapadi duritair dūrasaṃsthe viveke || 6.9 ||

sarvam etan mahāmohasya durvilasitam | nātra devasyāparādhaḥ | tena hi tathā manaḥ kāmādidvāreṇa prabodhayatā tvatto dūrīkṛto vivekaḥ | etad eva kulastrīṇāṃ naisargikaṃ śīlaṃ yad vipanmagnasya svāminaḥ samayapratīkṣaṇam iti | tad ehi darśanena priyālāpena sambhāvaya devam | saṃpraty apahatā vidviṣaḥ | saṃpūrṇās te manorathāḥ |

sakhi, saṃpraty āgacchantī vatsayā gītayāhaṃ rahasy uktā yathā “bhartā svāmī ca puruṣas tvayā yathāpraśnam uttareṇa saṃbhāvayitavyaḥ, yathā prabodhotpattir bhaviṣyatī”ti tat kathaṃ gurūṇām adhyakṣaṃ dhārṣṭyam avalambiṣye |

devi, avicāraṇīyam etad vākyam bhagavatyā gītāyāḥ | ayam eva cārtho devyā bhagavatyā viṣṇubhaktyā vivekasvāmino niruktaḥ | tad ehi | sambhāvaya darśanena bhartāram ādipuruṣaṃ ca |

yathā vadati priyasakhī | (iti parikrāmati)

(tataḥ praviśati rājā śraddhā ca)

ayi vatse! api drakṣyati śāntiḥ priyām upaniṣadam?

(p.97)deva! gṛhītoddeśaiva śāntir gatā, kathaṃ tām na drakṣyati?

katham iva?

deva, prāg eva kathitam etad devyā viṣṇubhaktyāsīt, yathā mandarābhidhāne śaile viṣṇor āyatane devyā gītāyā saha tarkavidyābhayād anupraviṣṭeti |

kathaṃ punas tarkavidyābhayam?

deva, tam etam arthaṃ saiva prastoṣyati | tad āgacchatu devaḥ | eṣa svāmī tvadāgamanam eva dhyāyan vivikte vartate |

(upasṛtya) svāmin, abhivādaye!

vatsa, kramaviruddho 'yaṃ samudācāraḥ | yato jñānavṛddhatayā bhavān evāsmākam upadeśadānena pitṛbhāvam āpannaḥ | kutaḥ —

• purā hi dharmādhvani naṣṭasaṃjñā, devās tam arthaṃ tanayān apṛcchan | jñānena samyak parigṛhya te vai, “he putrakāḥ! saṃśṛṇute”ty avocan || 6.10 ||

tad bhavān pitṛtvenāsmāsu vartatām ity eṣa eva dharmaḥ |

(p.98)eṣa devi, devena saha svāmī vivikte vartate | tad upasarpatu, devī |

(upaniṣat upasarpati |)

svāmin! eṣopaniṣaddevī pādavandanāyāgatā |

na khalu! na khalu! yato māteyam asmākaṃ tattvāvabodhodayena | tad eṣaivāsmākaṃ namasyā! athavā —

• anugrahavidhau devyā mātuś ca mahad antaram | mātā gāḍhaṃ nibadhnāti, bandhaṃ devī nikṛntati || 6.11 ||

(vivekam avalokya, namaskṛtya dūre samupaviśati |)

amba, kathyatām, kva bhavatyā nītā ete divasāḥ?

• svāmin —
• nītāny amūni maṭhacatvaraśūnyadevā- gāreṣu mūrkhamukharaiḥ saha vāsarāṇi |

atha te jānanti kim api bhavatyās tattvam?

na khalu, na khalu! kiṃtu —

• (p.99)te svecchayā mama girāṃ draviḍāṅganokta- vācām ivārtham avicārya vikalpayanti || 6.12 ||

tena kevalaṃ teṣāṃ parārthaharaṇaprayojanam eva madvicāraṇam |

tatas tataḥ?

• tataḥ, kadā cit —
• kṛṣṇājināgnisamidājyajuhūsruvādi- pātrais tatheṣṭipaśusomamukhair makhaiś ca | dṛṣṭā mayā parivṛtākhilakarmakāṇḍa- vyādiṣṭapaddhatir athādhvani yajñavidyā || 6.13 ||

tatas tataḥ?

tato mayā cintitam, “api nāmaiṣā pustakabhāravāhinī me jñāsyati tattvam” iti, ata evāsyāḥ sannidhau kānicid vāsarāṇi nayāmi |

tatas tataḥ?

tatas, tām aham upasthitā, tayā cāham uktāsmi — “bhadre, kiṃ te samīhitam?” iti | tato mayoktam, “ārye! anāthāsmi | tvayi nivastum icchāmī”ti |

(p.100)tatas tataḥ?

tatas tayoktaṃ, “bhadre! kiṃ te karme?”ti | tato mayoktam —

• “yasmād viśvam udeti, yatra ramate, yasmin punar līyate — bhāṣā yasya jagad vibhāti, sahajānandojjvalaṃ yanmahaḥ | śāntaṃ, śāśvatam, akriyaṃ, yam apunarbhāvāya bhūteśvaraṃ dvaitadhvāntam apāsya yānti kṛtinaḥ — prastaumi taṃ pūruṣam” || 6.14 || iti |

yajñavidyā vicintya —

• “pumān akartā katham īśvaro bhavet? kriyā bhavocchedakarī na vastudhīḥ | kurvan kriyā eva naro bhavacchidaḥ, śataṃ samāḥ śāntamanā jijīviṣet || 6.15 ||

“tan manye nātiprayojanaṃ bhavatyāḥ parigraheṇa | tathāpi yadi kartāraṃ bhoktāraṃ puruṣaṃ stuvantī kiyantaṃ kālam atra vastum icchasi ko doṣaḥ?”

(sopahāsam) aho! dhūmāndhakāraśyāmalitadṛśo duṣprajñatvaṃ yajñavidyāyāḥ, yenaivaṃ kutarkopahatā! yataḥ —

• ayaḥ svabhāvād acalaṃ balāc cala- (p.101)ty acetanaṃ cumbakasannidhāv iva | tanoti viśvekṣitur īkṣiteritā jaganti māyeśvarateyam īśituḥ || 6.16 ||

tasmāt tamo'ndhānām eveyam anīśvaradṛṣṭiḥ | abodhaprabhavaṃ ca saṃsāraṃ karmabhiḥ śamayantī yajñavidyā nūnam andhatamasam andhakāreṇāpaninīṣati!

• svabhāvalīnāni, tamomayāni, prakāśayed yo bhuvanāni sapta | tam eva vidvān atimṛtyum eti, nānyo 'sti panthā bhavamuktihetuḥ || 6.17 ||

tatas tataḥ?

tato yajñavidyayā vimṛśyoktam, “sakhi! tvatsaṃnikarṣād durvāsanopahatair asmadantevāsibhiḥ karmasu ślathādarair bhavitavyam | tat prasīdatu bhavatī svābhilaṣitadeśagamanāya |”

tatas tataḥ?

tato 'haṃ tām atikramya prasthitā |

(p.102)tatas tataḥ?

tataḥ karmakāṇḍavicāriṇī sahacarī mīmāṃsā mayā dṛṣṭā —

• vibhidya karmāṇy, adhikārabhāñji, śrutyādibhiś cānugatā pramāṇaiḥ | aṅgair vicitrair abhiyojayantī prāptopadeśair atideśakaiś ca || 6.18 ||

tatas tataḥ?

tato 'haṃ tām api tathaivāśrayam abhyarthitavatī | atha tayāpy uktāsmi “bhadre, kiṃkarmāsī?”ti | tato mayā tad eva “yasmād viśvam” ityādi paṭhitam |

tatas tataḥ?

tato mīmāṃsayā pārśvavartināṃ mukham ālokyābhihitam, “asty evāsmākaṃ lokāntaraphalopabhogayogyapuruṣopanayanenopayogaḥ | tad dhriyatām karmopayukte!”ti | tatra teṣām madhye kenāpy antevāsinaitad anumoditam eva | apareṇa tu prasiddhapratiṣṭhena mīmāṃsāhṛdayādhidaivatena kumārilasvāminoktaṃ — “devi! neyaṃ karmopayuktaṃ puruṣam upanayati | kintv akartāram, abhoktāram, īśvaram, na cāsāv īśvaraḥ karmasūpayujyate |”
(p.103)athāpareṇoktam, “atha kiṃ laukikāt puruṣād anya īśvaro nāmāsti?” tatas tena vihasya punar uktam, “asti | tathā hi —

• ekaḥ paśyati ceṣṭitāni jagatām, anyas tu mohāndhadhīr. ekaḥ karmaphalāni vāñchati, dadāty anyas tu tāny arthine | ekaḥ karmasu śiṣyate, tanubhṛtāṃ śāstaiva devo 'paro. niḥsaṅgaḥ puruṣaḥ kriyāsu sa kathaṃ karteti saṃbhāvyate” || 6.19 ||

(saharṣam) sādhu kumārilasvāmin, sādhu! prājño 'sy, āyuṣmān bhava!

• “dvau tau suparṇau sayujau sakhāyau samānavṛkṣaṃ pariṣasvajāte | ekas tayoḥ pippalam atti pakvam, anyas tv anaśnann abhicākaśīti” || 6.20 ||

tatas tataḥ?

tato 'haṃ mīmāṃsām abhimantrya prasthitā |

tatas tataḥ?

tato mayā bahubhiḥ śiṣyair upāsyamānās tarkavidyā avalokitāḥ |

• (p.104)kācid dvitriviśeṣakalpanaparā, nyāyaiḥ parā tanvatī vādaṃ sacchalajātinigrahamayair jalpaṃ vitaṇḍām api | anyā tu prakṛter vibhajya puruṣasyodāharantī bhidāṃ tattvānāṃ gaṇanāparā mahadahaṃkārādisargakramaiḥ || 6.21 ||

tatas tataḥ?

tathaivāham tāḥ samupasthitā | tābhiś cānuyuktayā mayā tad eva karmopāhṛtam “yasmād viśvam” ityādi | tatra tābhiḥ saprakāśopahāsam uktam, “āḥ vācāle! paramāṇubhyo viśvam utpadyate | nimittakāraṇam īśvaraḥ |” anyayā tu sakrodham uktam, “āḥ pāpe! katham īśvaram eva vikāriṇam kṛtvā vināśadharmiṇam upapādayasi? nanu re pradhānād viśvotpattiḥ |”

aho! durmatayas tarkavidyā etad api na jānanti! sarvaṃ prameyajātam ghaṭādivat kāryam iti, paramāṇupradhānopādānakāraṇam apy upekṣaṇīyam eveti | api ca —

• ambhaḥśītakarāntarikṣanagarasvapnendrajālādivat, kāryaṃ meyam asatyam etad, udayadhvaṃsādiyuktaṃ jagat | śuktau rūpyam iva, srajīva bhujagaḥ, svātmāvabodhe harāv (p.105)ajñāte prabhavaty, athāstam ayate tattvāvabodhodayāt || 6.22 ||

vikāraśaṅkā tu mugdhavadhūnāṃ vilasitam iva | tathā hi —

• śāntaṃ jyotiḥ katham anuditānastanityaprakāśaṃ viśvotpattau vrajati vikṛtiṃ niṣkalaṃ nirmalaṃ ca? | śaśvan nīlotpaladalarucām ambuvāhāvalīnāṃ prādurbhāve bhavati viyataḥ kīdṛśo vā vikāraḥ? || 6.23 ||

sādhu! sādhu! prīṇayati mānasaṃ mamāyaṃ prajñāvato vimarśaḥ | (upaniṣadaṃ prati) tatas tataḥ?

tatas tābhiḥ sarvābhir eva kruddhābhir uktam, “aho! viśvavilayena muktim eṣā vadantī! nāstikapathaṃ prasthitā nigṛhyatām!” iti | tataḥ sasaṃrambhaṃ māṃ nigrahītuṃ pradhāvitāḥ sarvāḥ |

(satrāsam) tatas tataḥ?

tato 'haṃ satvarataraṃ parikramya daṇḍakāraṇyaṃ praviṣṭā | tato mandaraśailopakalpitasya madhusūdanāyatanasya nātidure —

• (p.106)bāhvor bhagnā dalitamaṇayahḥ śreṇayaḥ kaṅkaṇānāṃ, cūḍāratnagrahanikṛtibhir dūṣitaḥ keśapāśaḥ | chinnā muktāvalir, apahṛtam, srastam aṅgād dukūlam, bhītā gītāśramam atha galannūpurāhaṃ praviṣṭā || 6.24 ||

tatas tataḥ?

tato devāyatanān nirgatya, daṇḍapāṇibhiḥ puruṣair atinirdayam tāḍyamānās, tā digantam atikrāntāḥ sarvāḥ |

(saharṣam) na khalu bhavatīm atikrāmato bhagavān viśvasākṣī kṣamate |

tatas tataḥ?

tatra ca vatsayā gītayā māṃ tatrāgatām avalokya, sasaṃbhramaṃ, “mātar! mātar!” iti parirabhyopaveśitāsmi | viditavṛttāntayā tayā coktam, “amba, nātra khedayitavyaṃ manaḥ | ye khalu tvām apramāṇīkṛtya, yatheṣṭam asurasattvāḥ pracariṣyanti, teṣām īśvara eva śāstā | uktaṃ ca tena bhagavatā tān adhikṛtya —

• (p.107)“tān ahaṃ dviṣataḥ krūrān, saṃsāreṣu narādhamān | kṣipāmy ajasram aśubhān āsurīṣv eva yoniṣu” || 6.25 || iti |

(sakautukam) devi, tvatprasādāj jñātum icchāmi ko 'yam īśvaro nāmeti?

(sasmitam) ko nāmātmānam ajānantam pratyuttaraṃ dāsyati?

(saharṣam) katham? mamātmā parameśvaraḥ?

• evam etat | tathā hi —
• asau tvadanyo na sanātanaḥ pumān, bhavān na devāt puruṣottamāt paraḥ | sa eva bhinnas tadanādimāyayā, dvidheva bimbaṃ salile vivasvataḥ || 6.26 ||

(vivekaṃ prati) bhagavan, uktam apy arthaṃ bhagavatyā na samyag avadhārayāmi |

• avachinnasya bhinnasya, jarāmaraṇadharmiṇaḥ | mama bravīti devīyaṃ nityānandacidātmatām || 6.27 ||

padārthāparijñānād ayaṃ vākyārthānavabodhas |

tadavabodhāya bhagavān upāyam ājñāpayatu |

• (p.108)ayam ucyate —
• eṣo 'smīti vivicya, netipadataś cittena sārdhaṃ kṛte, tattvānāṃ vilaye cidātmani parijñāte tvamarthe punaḥ | śrutvā tat tvam asīti, bādhitabhavadhvāntaṃ, tad ātmaprabhaṃ, śāntaṃ jyotir anantam antaruditānandaṃ samuddyotate || 6.28 ||

(sānandaṃ śrutam arthaṃ paribhāvayati |)

(tataḥ praviśati nididhyāsanam |)

ādiṣṭo 'smi bhagavatyā viṣṇubhaktyā yathā, “nigūḍham asmadabhiprāyam upaniṣad vivekena saha bodhayitavyā | tvayā ca puruṣeṇa vastavyam” iti | (vilokya) eṣā devī vivekapuruṣābhyāṃ nātidūre vartate | yāvad upasarpāmi | (upasṛtya upaniṣadaṃ prati janāntikam |) devyā viṣṇubhaktyā samādiṣṭaṃ yathā — “saṃkalpayonayo devatā bhavanti | mayā ca samādhānena viditaṃ tathā āpannasattvā bhavatīti | tatra ca krūrasattvā vidyā nāma kanyā tvadudare vartate prabodhacandraś ca | tatra vidyāṃ saṅkarṣaṇavidyayā manasi saṅkrāmayiṣyasi | prabodhacandraṃ puruṣe samarpya vatsavivekena saha matsamīpam āgamiṣyasīti |”

yad ādiśati mahādevī | (iti vivekam ādāya niṣkrāntā |)

(nididhyāsanaṃ puruṣaṃ praviśati |)

(dhyānaṃ nāṭayati)

āścaryam! āścaryam!

• (p.109)uddāmadyutidāmabhis taḍid iva pradyotayantī diśaḥ, pratyagrasphuṭadutkaṭāsthi manaso nirbhidya vakṣaḥsthalam | kanyeyaṃ sahasā samaṃ parikarair mohaṃ grasantī, bhaja- ty antardhānam, upaiti caikapuruṣaṃ śrīmān prabodhodayaḥ || 6.29 ||

(tataḥ praviśati prabodhacandraḥ |)

prabodhacandraḥ —

• kiṃ vāptaṃ? kim apohitaṃ? kim uditaṃ? kiṃ vā samutsāritaṃ? syūtaṃ kiṃ nu? vilāyitaṃ nu? kim idaṃ? kiñcin na vā kiñcana? | yasminn abhyudite vitarkapadavīṃ naivaṃ samārohati trailokyaṃ sahajaprakāśadalitaṃ so 'haṃ prabodhodayaḥ || 6.30 ||

(parikramya) eṣa puruṣaḥ | yāvad upasarpāmi | (upasṛtya) bhagavan, prabodhacandro 'ham abhivādaye!

(sāhlādam) ehi putra! pariṣvajasva mām!

(prabodhacandras tathā karoti |)

(āliṅgya sānandam) aho! vighaṭitatimirapaṭalaṃ saṃjātam! tathā hi —

• mohāndhakāram avadhūya, vikalpanidrām (p.110)unmathya, ko 'py ajani bodhatuṣāraraśmiḥ | śraddhāvivekamatiśāntiyamādi yena viśvātmakaḥ sphurati — viṣṇur ahaṃ sa eṣaḥ || 6.31 ||

sarvathā kṛtakṛtyo 'smi bhagavatyā viṣṇubhakteḥ prasādāt | so 'ham idānīm —

• saṅge na kenacid upetya, kam apy apṛcchan, gacchann atarkitaphalaṃ vidiśaṃ diśaṃ vā | śānto vyapetabhayaśokakaṣāyamohaḥ, sāyaṃ gṛhe munir ahaṃ bhavitāsmi sadyaḥ || 6.32 ||

(tataḥ praviśati viṣṇubhaktiḥ |)

(saharṣam upasṛtya) cireṇa khalv asmākaṃ saṃpannāḥ sarve manorathāḥ, yena praśāntārātiṃ bhavantam avalokayāmi |

devyā viṣṇubhakteḥ prasādāt kiṃ nāma duṣkaram? (iti pādayoḥ patati |)

(puruṣam utthāpayati |) uttiṣṭha, vatsa | kiṃ te bhūyaḥ priyam upaharāmi?

(p.111)kiṃ ataḥ param api priyam asti? yataḥ —

• pūrvaṃ tāvad vivekapramukhanijabalair nirjite sānubandhe mohe 'smākaṃ kulārau; tadanu samudite hanta vairāgyayoge | śāntiśraddhādiyatnāt punar upaniṣadā sādhitāt samprayogād, asmābhis tvatprasādād dhruvam ayam adhunā labdha eva prabodhaḥ || 6.33 ||
• saṃsārāpārasindhuplavakuśalamahākarṇadhāre murārau bhaktir mukteḥ parā sā prasaratu jananī sārvakālaṃ janasya! | kiñcānyat svaprakāśaṃ parataram amalajyotir ānandasāndraṃ śāntātmāno munīndrāḥ pramuditamanasaḥ santataṃ bhāvayantu! || 6.34 ||
• praśāntārātir agamad vivekaḥ kṛtakṛtyatām | nīrajaske sadānande pade cāhaṃ niveśitaḥ || 6.35 ||

tathāpīdam astu bharatavākyam!

• (p.112)parjanyo 'smin jagati mahatīṃ vṛṣṭim iṣṭāṃ vidhattāṃ | rājānaḥ kṣmāṃ galitavividhopaplavāṃ pālayantu | tattvonmeṣāpahatatamasas tvatprasādān mahāntaḥ saṃsārābdhiṃ viṣayamamatātaṅkapaṅkaṃ tarantu || 6.36 ||

(iti niṣkrāntāḥ sarve) iti śrīkṛṣṇamiśraviracite prabodhacandrodayanāmni nāṭake jīvanmuktir nāma ṣaṣṭho 'ṅkaḥ |